ഫോൺ പതിപ്പുകൾ

മുപ്പതു മുതൽ നാല്പതു മിനിട്ടിനകം വായിച്ചു തീർക്കാവുന്ന ഉള്ളടക്കമാണു് സായാഹ്ന പുറത്തിറക്കുന്ന ഈ ഫോൺ പിഡിഎഫുകളിൽ ഉള്ളതു്. ഇതു വായിക്കുവാനായി ഒരിക്കലും ഒരു കമ്പ്യൂട്ടറോ ഡെസ്ക്ടോപ് ആപ്ലിക്കേഷനുകളൊ ആവശ്യമില്ല.  ആധുനിക മനുഷ്യന്റെ സന്തതസഹചാരിയായ സ്മാർട്ട് ഫോണുകളുടെ സ്ക്രീനിൽ തന്നെ വായിക്കുവാൻ തക്ക രീതിയിലാണു ഈ പിഡിഎഫുകൾ വിന്യസിച്ചിരിക്കുന്നതു്. ഫോണിന്റെ വീതിക്കു നിജപ്പെടുത്തിയ രീതിയിലാണു് മാർജിനുകൾ ചിട്ടപ്പെടുത്തിയിരിക്കുന്നതു്.

പിഡിഎഫ് പ്രമാണങ്ങൾ വായിക്കുവാനുള്ള പ്രയോഗങ്ങൾ എല്ലാതരം സ്മാർട്ട്ഫോണുകളിലും ഇന്നു ലഭ്യമാണു്. എന്നിരിക്കിലും സൗജന്യമായി കിട്ടൂന്ന അഡോബി അക്രോബാറ്റ് റീഡർ ആണു് ഇവയിൽ ഏറ്റവും മുന്തിയതു്. അതുകൊണ്ടു് അഡോബി റീഡർ ഇൻസ്റ്റാൾ ചെയ്യുകയും അതിൽ ഈ ഫോൺ പിഡിഎഫുകൾ വായിക്കുകയും ചെയ്യുക.

സ്വതന്ത്രപ്രസാധനം ആഗ്രഹിക്കുന്ന/ഇഷ്ടപ്പെടുന്ന ആർക്കുവേണമെങ്കിലും സായാഹ്നയിലൂടെ സ്വന്തം കൃതികൾ പ്രസാധനം ചെയ്യാവുന്നതാണു്. 30 മുതൽ 60 മിനിട്ടുകൾക്കകം വായിച്ചുതീർക്കാവുന്ന ഉള്ളടക്കം — കഥകൾ, അനുഭവക്കുറിപ്പുകൾ, ലേഖനങ്ങൾ, അഭിമുഖങ്ങൾ, സിനിമാനിരൂപണങ്ങൾ, കവിതകൾ — എന്നു തുടങ്ങി എന്തുവേണമെങ്കിലും അയയ്ക്കാവുന്നതാണു്. അയയ്ക്കേണ്ട വിലാസം: <info@sayahna.org>.

പ്രതികരണങ്ങൾ <info@sayahna.org> എന്ന ഇമെയിലിലേയ്ക്കു് അയയ്ക്കുകയോ, ഈ താളിൽ തന്നെ കമ്മന്റുകളായി ചേർക്കുകയോ ചെയ്യുക. നിർദ്ദേശങ്ങളും വിമർശനങ്ങളും എപ്പോഴും സ്വീകാര്യമാണു്. അവ സായാഹ്നപ്രവർത്തകർക്കു് കൂടുതൽ ഉത്തേജനം നൽകുന്നതാണു്.

ഇന്നത്തെ പതിപ്പുകൾ

ഇതുവരെ പ്രസിദ്ധീകരിച്ച പതിപ്പുകൾ

കഥ, നോവൽ, നാടകം, . . .

  1. അയ്മനം ജോൺ: ഒന്നാം പാഠം ബഹിരാകാശം
  2. ഇ ഹരികുമാർ: ദിനോസറിന്റെ കുട്ടി
  3. സഞ്ജയൻ: ടെക്‌സ്റ്റുബുക്കുകമ്മിറ്റിക്കാരുടെ ശ്രദ്ധയ്ക്കു്
  4. നന്ദകുമാർ: അയാൾ
  5. എസ് വി വേണുഗോപൻ നായർ: മറ്റേമകൾ
  6. ജെയമോഹൻ: കോട്ട

ലേഖനം, നിരൂപണം, ജീവചരിത്രം, അഭിമുഖം, . . .

  1. സുബ്രഹ്മണ്യദാസ്–ഇന്നും
  2. ഗ്രാംഷി കത്തുകൾ
  3. കെ വേലപ്പൻ: കോലംകെടുന്ന കേരള തലസ്ഥാനം
  4. ആനന്ദിന്റെ നദികളും മണലും എന്ന ലേഖനം
  5. സനൽ ഹരിദാസ്: ഒരു സബാൾട്ടേൺ യുവാവിന്റെ വനിതാദിനക്കുറിപ്പു്
  6. രാഘവൻ തിരുമുല്പാടു്: ആദ്ധ്യാത്മികതയും ശാസ്ത്രീയതയും
  7. എം കൃഷ്ണൻ നായർ: ഏകാന്തതയുടെ ലയം
  8. പി എൻ വേണുഗോപാൽ: ചാപ്ലിൻ
  9. കെ വേണു: എന്താണു് പ്രപഞ്ചം
  10. വേങ്ങയിൽ കുഞ്ഞിരാമൻ നായനാർ: വിദ്യാർത്ഥികളും മാതൃഭാഷയും
  11. പങ്കജാക്ഷകുറുപ്പു്: പുതിയ ലോകം പുതിയ വഴി
  12. കെ ദാമോദരൻ: സാമൂഹ്യവളർച്ചയും രാഷ്ട്രപുരോഗതിയും

കവിത

  1. സച്ചിദാനന്ദൻ: വൃത്തം
  2. സച്ചിദാനന്ദൻ: കവിതാ വിവർത്തനം
  3. വി രവികുമാർ (വിവ): റിൽക്കെയുടെ  തിരഞ്ഞെടുത്ത കവിതകൾ
  4. വി എം ഗിരിജ: കവിതകൾ
  5. കുമാരനാശാൻ: സീതാകാവ്യത്തിൽ നിന്നു്
  6. നിരഞ്ജൻ: തിരക്കിനിടയിൽ
  7. പി രാമൻ: ബാഷ
  8. കെ ജി എസ്: പേരാട്ടം
  9. വി കെ നാരായണൻ: ജനായത്ത സംവാദം
  10. പി പി രാമചന്ദ്രൻ: കാറ്റേ കടലേ
  11. അൻവർ അലി: മെഹ്‌ബൂബ് എക്സ്‌പ്രസ്സ്–ഒരു ജീവിതരേഖ
  12. കാർത്തിൿ, ആദിൽ: കവിതകൾ

സാഹിത്യവാരഫലം

  1. സാഹിത്യവാരഫലം 1997 08 22
  2. സാഹിത്യവാരഫലം 1997 08 29
  3. സാഹിത്യവാരഫലം 1997 09 05
  4. സാഹിത്യവാരഫലം 1997 09 12
  5. സാഹിത്യവാരഫലം 1997 09 19
  6. സാഹിത്യവാരഫലം 1997 10 10
  7. സാഹിത്യവാരഫലം 1997 10 17
  8. സാഹിത്യവാരഫലം 1997 10 24
  9. സാഹിത്യവാരഫലം 1997 10 31
  10. സാഹിത്യവാരഫലം 1997 11 07
  11. സാഹിത്യവാരഫലം 1997 11 14
  12. സാഹിത്യവാർഫലം 1997 11 21
  13. സാഹിത്യവാർഫലം 1997 11 28
  14. സാഹിത്യവാരഫലം 1997 12 05
  15. സാഹിത്യവാരഫലം 1997 12 12
  16. സാഹിത്യവാരഫലം 1997 12 26
  17. സാഹിത്യവാരഫലം 1998 01 02

ഐതിഹ്യമാല

  1. ഐതിഹ്യമാല ഭാഗം 1
  2. ഐതിഹ്യമാല ഭാഗം 2
  3. ഐതിഹ്യമാല ഭാഗം 3
  4. ഐതിഹ്യമാല ഭാഗം 4
  5. ഐതിഹ്യമാല ഭാഗം 5
  6. ഐതിഹ്യമാല ഭാഗം 6
  7. ഐതിഹ്യമാല ഭാഗം 7
  8. ഐതിഹ്യമാല ഭാഗം 8
  9. ഐതിഹ്യമാല ഭാഗം 9
  10. ഐതിഹ്യമാല ഭാഗം 10
  11. ഐതിഹ്യമാല ഭാഗം 11
  12. ഐതിഹ്യമാല ഭാഗം 12
  13. ഐതിഹ്യമാല ഭാഗം 13

Cartoon digest

  1. E P Unny: Unny@Indian Express

പലവക

  1. ഭാഷാഭൂഷണം
  2. മുഹമ്മദ് അബ്ദുറഹിമാൻ ലൈബ്രറി കാറ്റലോഗ്
  3. കെ എച് ഹുസൈൻ: സായാഹ്ന എന്താണു്, എന്തല്ല

 

The LaTeX Tutorial

primer-1The LaTeX Tutorial — A Primer was published by the Indian TeX Users Group in 2002. The intended audience were the novice users of LaTeX, particularly the students and researchers who’re disgruntled with the wordprocessors (which promise a lot with dismal delivery!). The tutorial has been very popular among this community. However, the book is not without shortcomings by way of typos, errors in the verbatim code listings and lack of a comprehensive index. Since the Indian TeX Users Group is now non-functional, Sayahna Foundation has taken up the publication of this valued documentation and released this second edition.

It is only a pre-release version 1 for the user community to go through the book and suggest further modifications, corrections, etc. Many persons have contributed to this volume, but notable among them is Dr E Krishnan, an ardent free software and math education activist who served as the chief editor of the book.

Apart from fixing all problems including the reported ones, the chapter on boxes has been revised, so also a new chapter on graphics inclusion has been added as the replacement of the very basic original content about the topic in the floats chapter of previous edition. An exhaustive index has also been added.

A release candidate version 2 is also planned which will happen on the last week of February 2020 with two more chapters added (i) how to write a thesis or dissertation using LaTeX and (ii) typesetting documents with Indic scripts with special reference to Malayalam script. Readers are also requested to contribute to this volume if they can.

Download link: http://books.sayahna.org/en/pdf/primer-2.rc1.pdf

വൃത്തമഞ്ജരി

vm-book
ഭാഷാവിദ്യാർത്ഥികൾ കാത്തിരുന്ന വൃത്തമഞ്ജരി സായാഹ്ന ഇന്നു് പ്രസിദ്ധീകരിക്കുകയാണു്. വിക്കിഗ്രന്ഥശാലയിൽ നിന്നു് കിട്ടിയ സ്രോതസ്സിൽ കണ്ട ഒട്ടനവധി തെറ്റുകൾ തിരുത്തിയതു് ഷാജി അരിക്കാടും ശ്രീദേവിയും കൂടിയാണു്. സ്രോതസ്സിനെ ഇന്നു കാണുന്ന രൂപത്തിൽ വിന്യസിക്കുവാൻ പാകത്തിനു് ലാറ്റക്കിൽ മാർക്കപ് ചെയ്തുതന്നതു് അശോൿ കുമാറാണു്. ഈ പ്രവർത്തകരോടുള്ള നന്ദി അറിയിക്കുന്നതിനോടൊപ്പം സ്രോതസ്സു് ലഭ്യമാക്കിയ വിക്കി ഗ്രന്ഥശാലയോടുള്ള കടപ്പാടും സായാഹ്ന രേഖപ്പെടുത്തുന്നു.

വിക്കിമീഡിയ കോമൺസിൽ നിന്നാണു് സാധാരണയായി മുഖചിത്രത്തിനു് വേണ്ട പെയിന്റിങ്ങുകൾ തിരഞ്ഞെടുക്കാറുള്ളതു്. അതിന്റെ പ്രധാനകാരണം ജീവിച്ചിരിപ്പുള്ള ചിത്രകാരന്മാർ അവരുടെ സൃഷ്ടികൾ മുഖചിത്രമായി ഉപയോഗിക്കുവാൻ സമ്മതം നിഷേധിക്കുന്നതുകൊണ്ടും അവരിലൊരാളെ കമ്മീഷൻ ചെയ്യുവാൻ സായാഹ്നയ്ക്കു് സാമ്പത്തികശേഷി ഇല്ലാത്തതിനാലുമാണു്. ഇതിനു വിരുദ്ധമായി [1] ആദ്യമായിട്ടാണു് ഒരു ചിത്രകാരി മുന്നോട്ടുവരുന്നതു്. അധികമാരുമറിയാത്ത നിശ്ശബ്ദമായി കലാജീവിതം നയിക്കുന്ന അയിഷ ശശിധരൻ എന്ന പ്രതിഭാധനയായ ചിത്രകാരിയുടെ “നൃത്തം വെയ്ക്കുന്ന മയിലുകൾ” എന്ന പെയിന്റിങ് ഈ പുസ്തകത്തിന്റെ മുഖചിത്രമായപ്പോൾ, ഉള്ളടക്കം ആവശ്യപ്പെടുന്ന മാനങ്ങളിലേയ്ക്കു് നയിക്കുവാൻ ഈ മുഖചിത്രത്തിനു കഴിഞ്ഞു. ആ സന്തോഷം വായനക്കാരോടു് പങ്കുവെയ്ക്കുന്നതോടൊപ്പം സ്വതന്ത്രപ്രസാധനത്തിനു് വളരെയധികം സഹായകമായ നിലപാടെടുത്ത അയിഷയെ ഹാർദ്ദവമായി അനുമോദിക്കുവാനും സായാഹ്ന ഈയവസരം ഉപയോഗിക്കട്ടെ.

വിവേചനത്തിന്റെ കൊടുങ്കാറ്റിൽപെട്ടു രാജ്യമാകെ ആടിയുലയുന്ന ഈ അവസരത്തിൽ, വിവേചനരഹിതമായ ജീവിതദർശനത്തിനും രാഷ്ട്രപുനർനിർമ്മാണത്തിനും പാടുപെടുന്ന എല്ലാ സഹോദരങ്ങൾക്കുമായി സായാഹ്ന ഈ പുസ്തകം സമർപ്പിച്ചുകൊള്ളുന്നു.

Download link: http://books.sayahna.org/ml/pdf/vm-main.pdf

[1] “പേരില്ലാക്കഥ”യുടെ കവർ അഭിജിത്തിന്റേതാണു് എന്നതു മറക്കുന്നില്ല, പക്ഷെ അതു് സ്വന്തം പുസ്തകത്തിനുവേണ്ടിയായിരുന്നു.

പ്രപഞ്ചവും മനുഷ്യനും

കെ.വേണു

കെ.വേണു

കെ. വേണു കേരളത്തിൽ അറിയപ്പെടുന്ന സാമൂഹികചിന്തകനും രാഷ്ട്രീയനിരീക്ഷകനും കർമ്മോന്മുഖനായ ധൈഷണികനുമാണു്. ശാസ്ത്രപുരോഗതിയിലും അതുമൂലമുണ്ടായ സാമൂഹികപരിണാമങ്ങളിലും അടിസ്ഥാനപ്പെടുത്തിയ സ്വന്തം നിരീക്ഷണങ്ങളെയും നിഗമങ്ങളെയും അങ്ങേയറ്റം സൂക്ഷ്മമായി, വിമർശനാത്മകമായി വിലയിരുത്തിക്കൊണ്ടുള്ള അദ്ദേഹത്തിന്റെ സമീപനം ചിന്താലോകത്തു് ഒരു പുതുവഴിയുണ്ടാക്കിയിട്ടുണ്ടു്. ജന്തുശാസ്ത്രത്തിൽ ഗവേഷണവിദ്യാർത്ഥിയായി തിരുവനന്തപുരത്തു് കഴിയവേ, അറുപതുകളിലെ അന്നത്തെ കലുഷിതമായ സംഭവപരമ്പരകളിൽ കാഴ്ചക്കാരനായി നോക്കിനിൽക്കാൻ വയ്യാത്തതിനാൽ പങ്കാളിയായി. ഈ പ്രവർത്തനങ്ങൾ വേണുവിനെ ഇന്ത്യൻ കമ്മ്യൂണിസ്റ്റ് പ്രസ്ഥാനത്തിലെ അതിതീവ്രഇടതുപക്ഷസംഘത്തിലെത്തിച്ചു. “മാവോയിസ്റ്റ്” എന്ന ആനുകാലികപ്രസിദ്ധീകരണത്തിന്റെ സ്ഥാപകപത്രാധിപരായിരുന്നു അദ്ദേഹം. ഇക്കാരണങ്ങളാൽ ഗവേഷണം തുടരുവാൻ കഴിയാതായി. ഈ കാലഘട്ടത്തിൽ നക്സലൈറ്റ് പ്രതിരോധങ്ങളിൽ സജീവമായി പങ്കെടുത്തതുമൂലം അദ്ദേഹത്തെ അറസ്റ്റ് ചെയ്തു് നാലുകൊല്ലം ജയിലിലടയ്ക്കുകയും ചെയ്തു. അദ്ദേഹത്തിന്റെ രാഷ്ട്രീയസത്യസന്ധതയും, കറയറ്റ പ്രതിബദ്ധതയും, സാമൂഹികചുറ്റുപാടുകളുടെ ഉജ്ജ്വലമായ അപഗ്രഥനങ്ങളും അന്നത്തെ കവികളെയും എഴുത്തുകാരെയും കലാകാരന്മാരെയും വളരെയധികം സ്വാധീനിക്കുകയും നിലവിലെ നവധാരകൾക്കു് വ്യത്യസ്തമായൊരു സൗന്ദര്യാത്മകത പകരുകയും ചെയ്തു.  അടിയന്തിരാവസ്ഥക്കാലത്തു് സംസ്ഥാനത്തു് നടന്ന പ്രതിരോധ പ്രവർത്തനങ്ങളിൽ പങ്കെടുത്തതുമൂലം വീണ്ടും അറസ്റ്റിലാവുകയും ജയിൽവാസം അനുഭവിക്കേണ്ടിവരികയും ചെയ്തു. ഈ രണ്ടു തവണയുള്ള ജയിൽ ജീവിതത്തിനിടയിൽ അദ്ദേഹം രാഷ്ട്രീയസൈദ്ധാന്തികമേഖലയിൽ “ഇന്ത്യൻ വിപ്ലവത്തിന്റെ പരിപ്രേക്ഷ്യം”, “വിപ്ലവത്തിന്റെ ദാർശനികപ്രശ്നങ്ങൾ” എന്നീ രണ്ടു പുസ്തകങ്ങൾ രചിക്കുകയുണ്ടായി. ഇതിൽ ആദ്യത്തേതു് സ്വന്തം സഖാക്കളെ അഭിസംബോധന ചെയ്തപ്പോൾ, രണ്ടാമത്തെ കൃതി മാവോയിസവും സാംസ്കരികവിപ്ലവവുമടക്കം മാർക്സിസത്തിന്റെ വികാസപരിണാമങ്ങളെക്കുറിച്ചുള്ള ഉജ്ജ്വലപഠനമായി. മാർക്സിയൻ സൈദ്ധാന്തികവിഭാഗത്തിൽ ശ്രേഷ്ഠതരമായി കരുതപ്പെടുന്ന രണ്ടാമത്തെ പുസ്തകത്തിന്റെ ഇംഗ്ലീഷ് പതിപ്പു് “The Philosophical Problems of Revolution” എന്ന പേരിൽ 1982-ൽ പ്രസിദ്ധീകരിക്കപ്പെട്ടു.

PM_coverപ്രതിഭാധനനായ എഴുത്തുകാരനായ വേണു തന്റെ ഇരുപതുകളിൽ ബിരുദാനന്തരബിരുദ വിദ്യാർത്ഥിയായിരിക്കെ പ്രസിദ്ധീകരിച്ച, വളരെയധികം വായിക്കപ്പെട്ട പുസ്തകമാണു് “പ്രപഞ്ചവും മനുഷ്യനും”. ഈ കൃതി ഇന്നും ശാസ്തസാഹിത്യവിഭാഗത്തിൽ എഴുതപ്പെട്ട ഉത്തമഗ്രന്ഥങ്ങളിലൊന്നായി കരുതപ്പെടുന്നു. ഈ പുസ്തകത്തിന്റെ ആദ്യപതിപ്പിൽ പിന്തുടർന്നിരുന്ന ദാർശനികനികതയിൽ നിന്നും ഗ്രന്ഥകാരൻ പിൽക്കാലത്തു് വളരെയധികം വ്യതിചലിച്ചതുകൊണ്ടു് ഒരു പുതുക്കിയ പതിപ്പിറക്കേണ്ട ആവശ്യമുണ്ടായെങ്കുലും അതിനു വേണ്ട ബൗദ്ധികവും  സാങ്കേതികവുമായ അദ്ധ്വാനത്തിനു് പലതരത്തിലുള്ള തടസ്സം നേരിട്ടതിനാൽ പുതുക്കിയ പതിപ്പു് ഒരിക്കലും ഒരു യാഥാർത്ഥ്യമായില്ല. എന്നിരിക്കിലും ഇക്കാര്യം സായാഹ്നയ്ക്കു് ഒരു  പ്രശ്നമായില്ല, കാരണം സായാഹ്ന ആഗ്രഹിച്ചതു് ആദ്യപതിപ്പു് അതേപടി പുറത്തിറക്കാനാണു്. അതിന്റെ ഡിജിറ്റൽ പതിപ്പുകൾ വിവിധരൂപങ്ങളിലായി ഭാവിതലമുറയ്ക്കായി സൂക്ഷിക്കുക എന്നതുമാണു്. അതിന്റെ ആദ്യപടിയായി, പിഡി‌‌എഫ്, മീഡിയവിക്കി എന്നീ ഡിജിറ്റൽ രൂപങ്ങൾ ഇപ്പോൾ പ്രസിദ്ധീകരിക്കുകയാണു്, താഴെക്കാണുന്ന കണ്ണികളിൽ നിന്നു് ഈ പതിപ്പുകൾ ലഭ്യമാണു്:

വി.വി.കെ.വാലത്ത്–കവിയും ചരിത്രകാരനും

valath-00“വി.വി.കെ.വാലത്തിന്റെ അതുല്യസംഭാവന ഏതെന്ന ചോദ്യത്തിന് നിസ്സംശയം പറയാവുന്നത് സ്ഥലനാമപഠനങ്ങളെന്നാണ്. എന്നാല്‍ അദ്ദേഹം കവിയായി തുടങ്ങി കഥാകൃത്തും നോവലിസ്റ്റും വേദവ്യാഖ്യാതാവുമായി വളര്‍ന്നു ചരിത്രവീഥികളിലൂടെ സ്ഥലനാമപഠനത്തില്‍ എത്തിച്ചേരുകയാണുണ്ടായത്. അദ്ദേഹത്തിലെ സ്ഥലനാമപണ്ഡിതനില്‍ ചരിത്രകാരനും കവിയും സമന്വയിക്കുന്നു. ചരിത്രസ്ഥലികളിലൂടെ സുദീര്‍ഘസഞ്ചാരം നടത്തിയല്ലാതെ വാലത്തിന് സ്ഥലനാമപഠനം അസാദ്ധ്യമായിരുന്നു. അതിന് അദ്ദേഹം ഉപയോഗിക്കുന്ന ഭാഷ പലപ്പോഴും കവികളില്‍ അസൂയ ജനിപ്പിക്കുന്നതുമാണ്.

“വി.വി.കെ. വാലത്ത് എന്ന ബഹുമുഖവ്യക്തിത്വത്തെ വളരെ അടുത്തറിയാവുന്ന മകന്‍ ഐന്‍സ്റ്റീന്‍ വാലത്ത് എഴുതിയ ഈ ജീവചരിത്രം അദ്ദേഹത്തിലെ കവിയെയും കഥാകൃത്തിനെയും നോവലിസ്റ്റിനെയും ചരിത്രകാരനെയും സ്ഥലനാമപണ്ഡിതനെയും മറ്റും ഒരു കഥ പറയുന്നപോലെ അനായാസമായി പരിചയപ്പെടുത്തുന്നു. ഒപ്പംതന്നെ പുത്രന്‍, സഹോദരന്‍, പിതാവ്, ഭര്‍ത്താവ്, സുഹൃത്ത്, സഹപ്രവര്‍ത്തകന്‍ എന്നിങ്ങനെ ജീവിതത്തിലെ വിവിധ റോളുകളില്‍ അദ്ദേഹത്തിന്റെ ശക്തിദൗര്‍ബല്യങ്ങള്‍ അനാവരണം ചെയ്യുന്നുമുണ്ട്…” ― കെ.എം.ലെനിൻ “വി.വി.കെ.വാലത്ത്―കവിയും ചരിത്രകാരനും” എന്ന പുസ്തകത്തെക്കുറിച്ചു് എഴുതുന്നു.

ഈ പുസ്തകം സായാഹ്ന വായനക്കാർക്കു് ഇന്നു് മുതൽ വായിക്കാവുന്നതാണു്. കണ്ണികളിതാ:

റിൽക്കെ

“നിങ്ങളെ ആശ്വസിപ്പിക്കാൻ ശ്രമിക്കുന്ന വ്യക്തി നിങ്ങൾക്കു ചിലനേരം തുണയാവുന്ന ലളിതവും വിനീതവുമായ വാക്കുകൾക്കു പിന്നിൽ സ്വസ്ഥമായൊരു ജീവിതം നയിക്കുകയാണെന്നു കരുതരുതേ. വളരെയധികം വൈഷമ്യങ്ങളും സങ്കടങ്ങളും നിറഞ്ഞതാണയാളുടെ ജീവിതം, അവയെ നേരിടാൻ അതിനു തീരെ പ്രാപ്തിയുമില്ല. എന്നാൽ അതങ്ങനെയായിരുന്നില്ലെങ്കിൽ ആ വാക്കുകൾ അയാൾ കണ്ടെത്തുകയുമില്ല.” ― റെയ്‌നർ മറിയ റിൽക്കെ

Rilke_cover-00വിശ്രുത ജർമ്മൻ കവിയായ റിൽക്കെയുടെ, മലയാളത്തിലേയ്ക്കു് പരിഭാഷപ്പെടുത്തിയ, തെരഞ്ഞെടുത്ത കവിതകളുടെയും ഗദ്യകൃതികളുടെയും വിവിധ ഡിജിറ്റൽ പതിപ്പുകളാണു് സായാഹ്ന ഇന്നു് പ്രസിദ്ധീകരിക്കുന്നതു്. ചാരുതയാർന്ന ഈ പരിഭാഷ നിർവഹിച്ചിരിക്കുന്നതു് ഇതിനുമുമ്പു് ഒട്ടനവധി പാശ്ചാത്യകൃതികളുടെ വിവർത്തനം വളരെ സമർത്ഥമായി ചെയ്തിട്ടുള്ള വി രവികുമാർ ആണു്. ഉള്ളടക്കത്തിനു അനുയോജ്യമാംവിധം പ്രസിദ്ധരായ യൂറോപ്യൻ കലാകാരന്മാരുടെ പെയിന്റിംഗുകളുടെയും ശില്പങ്ങളുടെയും ചിത്രങ്ങൾ ഉൾക്കൊച്ചിട്ടുണ്ടു്. ഈ പുസ്തകത്തിന്റെ അച്ചടിപ്പതിപ്പു് തൃശൂരിലെ ഐറിസ് ബുക്‌സ് പ്രസിദ്ധീകരിക്കുന്നുണ്ടു്, 236 പുറങ്ങളുള്ള അച്ചടിപ്പതിപ്പിന്റെ മുഖവില 200 രൂപയാണു്. ഐറിസ് ബുക്‌സിൽ നിന്നും നേരിട്ടുവാങ്ങാവുന്നതാണു് (പുസ്തകം അച്ചടി കഴിഞ്ഞു വിതരണത്തിനു തയ്യാറായിക്കഴിഞ്ഞുവെന്നു് നിശ്ചയമില്ല). ക്രിയേറ്റീവ് കോമൺസ് ലൈസൻസിന്റെ നിബന്ധനകൾക്കു വിധേയമായി പ്രസിദ്ധീകരിക്കുന്ന ഡിജിറ്റൽ പതിപ്പുകളെല്ലാം തന്നെ വായനക്കാർക്കു് സൗജന്യമായി ഡൗൺലോഡ് ചെയ്യാവുന്നതാണു്. അതോടൊപ്പം, അച്ചടിപ്പതിപ്പിന്റെ ഒരു പ്രതികൂടി വാങ്ങുവാനായാൽ അതു് പരിഭാഷകനെയും പ്രസാധകരായ ഐറിസ് ബുക്സിനെയും സഹായിക്കുകയും കൂടുതൽ നല്ല പുസ്തകങ്ങൾ വായനക്കാർക്കെത്തിക്കുവാനുള്ള സോദ്ദേശപ്രേരകമായി മാറുകയും ചെയ്യും.

ഇന്നത്തെ ഒഴിവുദിനം സാർത്ഥകമായ വായനയിൽ ചെലവിടുവാൻ ഈ പുസ്തകം സായാഹ്ന വായനക്കാർക്കു് സമർപ്പിക്കുന്നു. കണ്ണികളിതാ:

ധർമ്മരാജാ

സി.വി. രാമൻ പിള്ളയുടെ ചരിത്രാഖ്യായികത്രയങ്ങളിൽ അവശേഷിക്കുന്ന ധർമ്മരാജാ ഇന്നു് സായാഹ്ന ക്രിയേറ്റിവ് കോമൺസ് അനുസരിച്ചുള്ള സ്വതന്ത്രപ്രകാശനമായി പുറത്തിറക്കുകയാണു്. വായനക്കാർ പ്രതികരണങ്ങൾ അറിയിക്കുക. കണ്ണികൾ:

പിഡിഎഫ് പതിപ്പുകൾ:

വിക്കി പതിപ്പു്: http://ml.sayahna.org/index.php/ധർമ്മരാജാ

രാമരാജബഹദൂർ

സി.വി. രാമൻ പിള്ള രചിച്ച മറ്റൊരു ചരിത്രാഖ്യായികയായ രാമരാജബഹദൂർ സായാഹ്ന ഇന്നു് ക്രിയേറ്റിവ് കോമൺസ് അനുസരിച്ചുള്ള സ്വതന്ത്രപ്രകാശനമായി പുറത്തിറക്കി. വായനക്കാർ പ്രതികരണങ്ങൾ അറിയിക്കുക. കണ്ണികൾ:

മാർത്താണ്ഡവർമ്മ

mvarma-thumbസി.വി.രാമൻ പിള്ള രചിച്ച മാർത്താണ്ഡവർമ്മയാണു് ഇക്കുറി സായാഹ്ന പ്രസിദ്ധീകരിക്കുന്നതു്. മാർത്താണ്ഡവർമ്മ മലയാളത്തിലെത്തന്നെ ആദ്യത്തെ ചരിത്രാഖ്യായികയാണ്‌. അനിഴം തിരുനാൾ മാർത്താണ്ഡവർമ്മ തിരുവിതാംകൂർ രാജാവാകുന്നതാണ്‌ 1891-ൽ പുറത്തിറങ്ങിയ ഈ നോവലിന്റെ ഇതിവൃത്തം. കുളച്ചൽ യുദ്ധത്തിൽ വിജയിച്ച മാർത്താണ്ഡവർമ്മയുടെ മുന്നിൽ യുദ്ധത്തടവുകാരനായി പിടിക്കപ്പെട്ട ഡച്ച് സൈന്യാധിപൻ ഡിലനോയ് കീഴടങ്ങുന്നതാണു് മുഖചിത്രത്തിൽ കാണിച്ചിരിക്കുന്നതു്. മലയാളത്തിന്റെ തനതുലിപിയായ രചനയും അഭിജിത്തിന്റെ ചിത്രങ്ങളും ഈ പുസ്തകത്തിന്റെ മനോഹാരിത വർദ്ധിപ്പിക്കുന്നു. വായനക്കാരുടെ സൗകര്യത്തിനായി കണ്ണികൾ താഴെ കൊടുക്കുന്നു:

ഐതിഹ്യമാല

aim-00 കൊട്ടാരത്തിൽ ശങ്കുണ്ണിയുടെ ഐതിഹ്യമാല എന്ന കഥാസമാഹാരം രണ്ടാം വട്ടമാണു് സായാഹ്ന പ്രസിദ്ധീകരിക്കുന്നതു്. കുട്ടികളും മുതിർന്നവരും ഒന്നുപോലെ ഇന്നും ഇഷ്ടപ്പെടുന്ന ഈ കഥകൾ ചിത്രണം ചെയ്യേണ്ടതിന്റെ ആവശ്യകത പല വായനക്കാരും ചൂണ്ടിക്കാണിച്ചിരുന്നു. ഇക്കാര്യമറിഞ്ഞപ്പോൾ തന്നെ, നമ്മുടെ യുവസുഹൃത്തും ചിത്രകാരനുമായ അഭിജിത് മുന്നോട്ടു വരികയും ഇരുന്നൂറ്റിയമ്പത്തിയേഴു് ചിത്രങ്ങൾ ഐതിഹ്യമാലയ്ക്കു വേണ്ടി വരയ്ക്കുകയും ചെയ്തു. അങ്ങിനെയാണു് ഈ രണ്ടാം പതിപ്പു് അഭിജിത് ചിത്രങ്ങളുടെ സൗകുമാര്യത്തോടെ പ്രസിദ്ധീകരിക്കുവാൻ കഴിഞ്ഞതു്. നൂറ്റിയിരുപത്തിയാറു കഥകളാണു് ഈ സമാഹാരത്തിലുള്ളതു്.

ക്രിയേറ്റീവ് കോമൺസിന്റെ സ്വതന്ത്ര പകർപ്പവകാശ നിയമങ്ങൾക്ക് അനുസൃതമായി പ്രസിദ്ധീകരിക്കുന്ന ഈ പുസ്തകം ആർക്കു വേണമെങ്കിലും യഥേഷ്ടം ഡൗൺലോഡ് ചെയ്യുവാനും ഉപയോഗിക്കുവാനും പങ്കു വെയ്ക്കുവാനും സ്വാതന്ത്ര്യം  ഉണ്ടായിരിക്കുന്നതാണെന്നു് പറയേണ്ടതില്ലല്ലോ. സമാന്തരമായി വിവിധ ഡിജിറ്റൽ ഉപകരണങ്ങളിൽ വായിയ്ക്കുവാൻ പാകത്തിനു് വിക്കി പതിപ്പും ലഭ്യമാക്കിയിട്ടുണ്ടു്. വിക്കി പതിപ്പിന്റെ ചില സ്ക്രീൻ ഷോട്ടുകൾ ഇവിടെ കാണുക.

കണ്ണികൾ