ഇ ഹരികുമാർ
1943 ജൂലൈ 13-ന് പൊന്നാനിയിൽ ജനനം. അച്ഛൻ മഹാകവി ഇടശ്ശേരി ഗോവിന്ദൻ നായർ. അമ്മ ഇടക്കണ്ടി ജാനകി അമ്മ. കൽക്കത്തയിൽ വച്ച് ബി. എ. പാസ്സായി. 1972-ൽ ലളിതയെ വിവാഹം ചെയ്തു. മകൻ അജയ് വിവാഹിതനാണ് (ഭാര്യ: ശുഭ). കൽക്കത്ത, ദില്ലി, ബോംബെ എന്നീ നഗരങ്ങളിൽ ജോലിയെടുത്തു. 1983-ൽ കേരളത്തിലേയ്ക്ക് തിരിച്ചു വന്നു. 1962 തൊട്ട് ചെറുകഥകളെഴുതി തുടങ്ങി. ആദ്യത്തെ കഥാസമാഹാരം “കൂറകൾ” 72-ൽ പ്രസിദ്ധപ്പെടുത്തി. പതിനഞ്ചു കഥാസമാഹാരങ്ങളും ഒമ്പത് നോവലുകളും ഒരു അനുഭവക്കുറിപ്പും പ്രസിദ്ധപ്പെടുത്തിയിട്ടുണ്ട്. 2020 മാർച്ചു് 24-നു അന്തരിച്ചു.
പുരസ്കാരങ്ങൾ
- 1988-ലെ കേരള സാഹിത്യ അക്കാദമി പുരസ്കാരം ‘ദിനോസറിന്റെ കുട്ടി’ എന്ന കഥാസമാഹാരത്തിന്.
- 1997-ലെ പത്മരാജൻ പുരസ്കാരം ‘പച്ചപ്പയ്യിനെ പിടിക്കാൻ’ എന്ന കഥയ്ക്ക്.
- 1998-ലെ നാലപ്പാടൻ പുരസ്കാരം ‘സൂക്ഷിച്ചുവച്ച മയിൽപ്പീലി’ എന്ന കഥാസമാഹാരത്തിന്.
- 2006-ലെ കഥാപീഠം പുരസ്കാരം ‘അനിതയുടെ വീട്’ എന്ന കഥാസമാഹാരത്തിന്.
- 2012-ലെ ഏറ്റവും മികച്ച കഥയ്ക്കുള്ള കേരള സ്റ്റേറ്റ് ചലച്ചിത്ര അക്കാദമി അവാർഡ് ‘ശ്രീപാർവ്വതിയുടെ പാദം’ എന്ന കഥയ്ക്ക്.
ആഡിയോ റിക്കാർഡിങ്, വെബ് ഡിസൈനിങ്, മൾട്ടിമീഡിയ പ്രൊഡക്ഷൻ, പുസ്തകപ്രസിദ്ധീകരണം എന്നിവയില്‍ ഏർപ്പെട്ടിട്ടുണ്ട്. 1998 മുതൽ 2004 വരെ കേരള സാഹിത്യ അക്കാദമി അംഗമായിരുന്നു.
കൃതികൾ
ചെറുകഥാസമാഹാരങ്ങൾ
- കൂറകൾ
- വൃഷഭത്തിന്റെ കണ്ണ്
- കുങ്കുമം വിതറിയ വഴികൾ
- ദിനോസറിന്റെ കുട്ടി
- കാനഡയിൽ നിന്നൊരു രാജകുമാരി
- ശ്രീപാർവ്വതിയുടെ പാദം
- സൂക്ഷിച്ചുവച്ച മയിൽപ്പീലി
- പച്ചപ്പയ്യിനെ പിടിക്കാൻ
- ദൂരെ ഒരു നഗരത്തിൽ
- കറുത്ത തമ്പ്രാട്ടി
- അനിതയുടെ വീട്
- ഇളവെയിലിന്റെ സാന്ത്വനം (കഥകൾ 1966–1996)
- നഗരവാസിയായ ഒരു കുട്ടി
- എന്റെ സ്ത്രീകൾ (സ്ത്രീപക്ഷ കഥകൾ)
- വെള്ളിത്തിരയിലെന്നപോലെ
നോവലുകള്‍
- ഉറങ്ങുന്ന സര്‍പ്പങ്ങൾ + ശാപശില
- ആസക്തിയുടെ അഗ്നിനാളങ്ങള്‍
- ഒരു കുടുംബപുരാണം
- എഞ്ചിന്‍ഡ്രൈവറെ സ്നേഹിച്ച പെണ്‍കുട്ടി
- അയനങ്ങൾ
- അറിയാത്തലങ്ങളിലേയ്ക്ക്
- കൊച്ചമ്പ്രാട്ടി
- പ്രണയത്തിനൊരു സോഫ്റ്റ്വെയര്‍
- തടാകതീരത്ത്
നോവലെറ്റ്
- എപ്പോഴും സ്തുതിയായിരിക്കട്ടെ
ഏകാങ്കം
- സംവിധായകനെത്തേടി ഒരു കഥാപാത്രം
ഓർമ്മകൾ, അനുഭവക്കുറിപ്പുകൾ, ലേഖനങ്ങൾ
- നീ എവിടെയാണെങ്കിലും
- ഈ ഓർമ്മകൾ മരിക്കാതിരിക്കട്ടെ
- എന്റെ സ്ത്രീപക്ഷകഥകളെപ്പറ്റി