ഗോ​കർ​ണ​ത്തി​നും കന്യാ​കു​മാ​രി​ക്കു​മി​ട​യ്ക്കു കേരളം, അഥവാ പര​ശു​രാ​മ​ക്ഷേ​ത്രം സ്ഥി​തി​ചെ​യ്തി​രു​ന്നു എന്നു പിൽ​ക്കാല ഐതി​ഹ്യം പറ​യു​ന്ന ഗോ​കർ​ണം ഇതല്ല, പി​ന്നെ​യോ, ദക്ഷിണ കാ​ന​റ​യി​ലെ കു​ന്ദാ​പുർ താ​ലൂ​ക്കി​ലെ ഇന്ന​ത്തെ കോ​ടീ​ശ്വ​രം ഗ്രാ​മ​മാ​കു​ന്നു. ഇവി​ടെ​യും ഒരു മഹാ​ബ​ലി ക്ഷേ​ത്രം പണ്ടു സ്ഥി​തി​ചെ​യ്തി​രു​ന്നു. കോ​ടീ​ശ്വ​ര​മായ ഈ ഗോ​കർ​ണം മു​തൽ​ക്കു കന്യാ​കു​മാ​രി വരെ​യു​ള്ള ചേ​ര​രാ​ജ്യ​ത്തെ നാലു ഖണ്ഡ​ങ്ങ​ളാ​ക്കി ഭാ​ഗി​ച്ചി​രു​ന്നു എന്നു് കേ​ര​ളോൽ​പ്പ​ത്തി​യിൽ വി​വ​രി​ച്ചി​ട്ടു​ണ്ടു്, ആര്യ​പ്പെ​രു​മാ​ളി​നു (717–729 എ. ഡി.) മു​മ്പു​ള്ള നാലു ഖണ്ഡ​ങ്ങൾ, വട​ക്കു​നി​ന്നു തെ​ക്കോ​ട്ടു മു​റ​യ്ക്കു തുളു, കുപകം (കുവളം), കേരളം, മൂ​ഷി​കം എന്നി​വ​യും, ഇതി​നു​ശേ​ഷ​മു​ള്ളവ മു​റ​യ്ക്കു തുളു, കേരളം, മൂ​ഷി​കം, കുപകം (കുവളം) എന്നി​വ​യും ആകു​ന്നു.

ആര്യ​പെ​രു​മാ​ളി​നു മു​മ്പു​ള്ള തു​ളു​ഖ​ണ്ഡം ഗോ​കർ​ണം (കോ​ടീ​ശ്വ​രം) മു​തൽ​ക്കു പെ​രു​മ്പുഴ (നേ​ത്രാ​വ​തീ​ന​ദി) വരെ​യും, കു​പ​ക​ഖ​ണ്ഡം പെ​രു​മ്പുഴ മു​തൽ​ക്കു പു​തു​പ​ട്ട​ണം (ഹോ​സ്ദുർ​ഗ്) വരെ​യും, കേ​ര​ള​ഖ​ണ്ഡം പു​തു​പ്പ​ട്ട​ണം മു​തൽ​ക്കു കണ്ടേ​റ്റി (കോ​ട്ട​പ്പുഴ മു​ഖ​ത്തു​ള്ള കോ​ട്ട​യ്ക്കൽ) വരെ​യും, മൂ​ഷി​ക​ഖ​ണ്ഡം കണ്ണേ​റ്റി മു​തൽ​ക്കു കന്യാ​കു​മാ​രി വരെ​യും നീ​ണ്ടു​കി​ട​ന്നി​രു​ന്നു. ആര്യ​പെ​രു​മാ​ളി​നു ശേ​ഷ​മു​ള്ള തു​ളു​ഖ​ണ്ഡം ഗോ​കർ​ണ​ത്തി​നും (കോ​ടീ​ശ്വ​ര​ത്തി​നും) പെ​രു​മ്പു​ഴ​യ്ക്കും (ചന്ദ്ര​ഗി​രി പു​ഴ​യ്ക്കും) ഇട​യ്ക്കും, കേ​ര​ള​ഖ​ണ്ഡം പെ​രു​മ്പു​ഴ​യ്ക്കും പു​തു​പ​ട്ട​ണ​ത്തി​നും (കോ​ട്ട​യ്ക്ക​ലി​നും) ഇട​യ്ക്കും, മൂ​ഷി​ക​ഖ​ണ്ഡം പു​തു​പ​ട്ട​ണ​ത്തി​നും കണ്ണേ​റ്റി​ക്കും (കരു​നാ​ഗ​പ​ള്ളി താ​ലൂ​ക്കി​ലെ കണ്ണേ​റ്റി​ക്കും) ഇട​യ്ക്കും, കുപക ഖണ്ഡം കണ്ണേ​റ്റി​ക്കും കന്യാ​കു​മാ​രി​ക്കു​മി​ട​യ്ക്കും ആണു് സ്ഥി​തി​ചെ​യ്തി​രു​ന്ന​തു്.

ഹോ​സ്ദുർ​ഗ് എന്ന കർ​ണാ​ടക പദ​ത്തി​ന്റെ അർ​ത്ഥം പു​തു​ദുർ​ഗം, അഥവാ പു​തു​പ​ട്ട​ണം എന്നാ​കു​ന്നു. കണ്ടേ​റ്റി എന്ന​തി​നു കന്നേ​റ്റി എന്നൊ​രു പാ​ഠ​ഭേ​ദ​വു​മു​ണ്ടു്. കന്ദേ​റ്റി​ക്കു സമീപം കന്ദൻ​പെ​രു​മാൾ കന്ദി​വാ​ക​കോ​വി​ല​കം പണി​യി​ച്ചു എന്നു കേ​ര​ളോ​ല്പ​ത്തി​യിൽ പറ​ഞ്ഞി​രി​ക്കു​ന്നു. കന്ദി​വാ​ക​കോ​വി​ല​ക​ത്തു ഇര​യ​മ്മ​നെ തെ​ക്കി​ളം​കൂ​റു​ത​മ്പു​രാ​നെ​ന്നും, കാ​ഞ്ഞി​രോ​ട്ട​ഴി​ക്കു സമീ​പ​ത്തു​ള്ള വിജയൻ കൊ​ല്ല​ത്തു കോ​ട്ട​യിൽ കേ​ര​ള​വർ​മ​നെ വട​ക്കി​ളം​കൂ​റു​ത​മ്പു​രാ​നെ​ന്നും കോ​ല​ത്തി​രി കല്പി​ച്ച​താ​യും കേ​ര​ളോൽ​പ്പ​ത്തി പ്ര​സ്താ​വി​ച്ചി​ട്ടു​ണ്ടു്. കാ​ഞ്ഞി​രോ​ട്ട​ഴി കാ​സർ​ക്കോ​ടി​നു സമീ​പ​ത്തു​ള്ള​താ​കു​ന്നു.

കോ​ട്ട​യ്ക്കൽ കോ​ല​ത്തു​നാ​ടി​ന്റെ തെ​ക്കൻ അതിർ​ത്തി​യി​ലാ​യി​രു​ന്ന​തു നി​മി​ത്തം കു​ന്നേ​റ്റി കോ​ട്ട​യ്ക്കൽ ആണെ​ന്നു് അനു​മാ​നി​ക്കാം. പു​തു​പ​ട്ട​ണം ലോ​പി​ച്ചു ഉണ്ടാ​യ​താ​ണു് പു​തു​പ്പ​ണ​മെ​ന്ന​തു്. ആര്യ​പ്പെ​രു​മാ​ളി​ന്റെ കാ​ല​ത്തു കോ​ട്ട​പ്പു​ഴ​മു​ഖ​ത്തി​ന്റെ തെ​ക്കൻ​ക​ര​യിൽ നിൽ​ക്കു​ന്ന കോ​ട്ട​യ്ക്കൽ പു​തു​പ​ട്ട​ണം എന്ന അപ​ര​നാ​മ​വും വഹി​ച്ചി​രു​ന്ന​താ​യി അനു​മാ​നി​ക്കാം. ആര്യ​പ്പെ​രു​മാ​ളി​ന്റെ പിൻ​ഗാ​മി​യാ​യി​രു​ന്നു കന്ദി​വാ​കു​കോ​വി​ല​കം പണി​യി​ച്ച കന്ദൻ​പെ​രു​മാൾ.

1932-ലെ ‘ഇന്ത്യൻ ആൻ​ടി​ക്വ​റി’യിൽ ‘നാ​ഗ​ര​ബ്രാ​ഹ്മ​ണ​രും, ബം​ഗാ​ളി​ലെ കാ​യ​സ്ഥ​രും’ എന്നൊ​രു വി​ജ്ഞാ​ന​പ്ര​ദ​മായ ലേഖനം ഡി. ആർ. ഭണ്ഡാർ​കർ എഴു​തി​യി​രു​ന്നു. ബ്രാഹ്മണ-​ക്ഷത്രിയ-വൈശ്യ-ശൂദ്രജാതിക്കാർ ഉൾ​പ്പെ​ട്ടി​രു​ന്ന നാ​ഗ​ര​വർ​ഗ്ഗ​ക്കാ​രു​ടെ ഐതി​ഹ്യം വി​സ്ത​രി​ച്ചു വി​വ​രി​ച്ചി​ട്ടു​ള്ള ഈ ലേ​ഖ​ന​ത്തിൽ​നി​ന്നു ചില സം​ഗ​തി​കൾ ചുവടെ ചേർ​ക്കു​ന്നു:

രവി​ന​ദി മു​തൽ​ക്കു​ള്ള പൂർ​വ്വ​പ​ഞ്ചാ​ബി​ലും, ഉത്ത​ര​പ്ര​ദേ​ശ​ത്തു​മാ​യി സ്ഥി​തി​ചെ​യ്യു​ന്ന സപാ​ദ​ല​ക്ഷ (ശി​വാ​ലി​ക്) പർ​വ്വ​ത​നി​ര​യു​ള്ള ദേ​ശ​ത്തു 72 ഗ്രാ​മ​ങ്ങ​ളി​ലാ​യി സപാ​ദ​ല​ക്ഷീ​യ​ബ്രാ​ഹ്മ​ണർ (ഹി​ന്ദു​ക്കൾ) പാർ​ത്തി​രു​ന്നു. ഇവർ നാലു ജാ​തി​ക​ളി​ലും ഉൾ​പ്പെ​ട്ട ഹി​ന്ദു​ക്കൾ ആയി​രു​ന്നു. നാ​ഗ​ര​വർ​ഗം എന്നും ഇവർ​ക്കു പേ​രു​ണ്ടാ​യി​രു​ന്നു. ഹാ​ട​കേ​ശ്വ​രൻ ആയി​രു​ന്നു ഇവ​രു​ടെ കു​ല​ദേ​വത. ഇവ​രു​ടെ 72 ഗ്രാ​മ​ങ്ങ​ളിൽ നി​ന്നു നാലു ജാ​തി​യിൽ​പ്പെ​ട്ട ഒരു കു​ടി​പാർ​പ്പു​സം​ഘം ഉത്ത​ര​ഗു​ജ​റാ​ത്തി​ലെ പണ്ട​ത്തെ ചമൽ​കാ​ര​പു​രം, അഥവാ ആന​ന്ദ​പു​രം, നി​ന്നി​രു​ന്ന ഇന്ന​ത്തെ വടനഗർ നിൽ​ക്കു​ന്ന ദേ​ശ​ത്തു വന്നു് ഇവി​ടു​ത്തെ റാ​ണി​യു​ടെ അനു​വാ​ദ​സ​ഹി​തം നി​വ​സി​ക്കു​ക​യു​ണ്ടാ​യി. ഇവരിൽ 68 ഗ്രാ​മ​ക്കാർ റാ​ണി​യിൽ നി​ന്നു ഭൂ​മി​ദാ​നം വാ​ങ്ങി ഇവിടെ പാർ​ത്തു. ശേ​ഷി​ച്ച നാലു ഗ്രാ​മ​ക്കാർ ദാനം വാ​ങ്ങാൻ മടി​ച്ചു തി​രി​ച്ചു പോയി. ഈ 68 ഗ്രാ​മ​ക്കാ​രിൽ മറ്റു നാലു ഗ്രാ​മ​ക്കാർ ഇവി​ട​ത്തെ നാ​ഗൻ​മാ​രെ ഭയ​ന്നു പി​ന്നീ​ടു് ഇവിടെ നി​ന്നു പലാ​യ​നം ചെ​യ്തു. ഇങ്ങ​നെ ചമൽ​ക്കാ​ര​പു​ര​ത്തു് 64 ഗ്രാ​മ​ക്കാർ മാ​ത്രം ശേ​ഷി​ച്ചു.

പി​ന്നീ​ടു് ഇവി​ടെ​വ​ച്ചു ശക്രൻ ഒരു യജ്ഞം നട​ത്തു​വാൻ നി​ശ്ച​യി​ച്ചു. ഇതി​നാ​യി ഇദ്ദേ​ഹം ഹി​മാ​ല​യ​ദേ​ശ​ത്തു​നി​ന്നു് എട്ടു നാ​ഗ​ര​ബ്രാ​ഹ്മണ ഗ്രാ​മ​ക്കാ​രെ ക്ഷ​ണി​ച്ചു​കൊ​ണ്ടു​വ​ന്നു. ഇവർ​ക്കു അഷ്ട​കു​ലീ​നർ എന്ന പേ​രു​കി​ട്ടി. ഇവരിൽ ചിലർ മധ്യ​ഗർ, അഥവാ മധ്യ​ദേ​ശ​ക്കാർ, ആയി​രു​ന്നു. അഷ്ട​കു​ലീ​ന​രിൽ നി​ന്നു വേർ​തി​രി​ക്കു​വാൻ ഇവിടെ ഉണ്ടാ​യി​രു​ന്ന 64 ഗ്രാ​മ​ക്കാർ​ക്കു സാ​മാ​ന്യർ എന്ന പേരു കൊ​ടു​ക്കു​ക​യും ചെ​യ്തു. നാ​ഗ​ര​വർ​ഗ്ഗ​ക്കാർ ആണു് ശൗ​ര​സേ​നി പ്രാ​കൃ​ത​ഭാ​ഷ​യോ​ടു് അടു​പ്പ​മു​ള്ള നാഗര, ഉപ​നാ​ഗര എന്നീ രണ്ടു് അപ്ര​ഭം​ശ​ഭാ​ഷ​ക​ളും, നാ​ഗ​ര​ലി​പി​യും സൃ​ഷ്ടി​ച്ച​വർ.

പിൽ​ക്കാ​ല​ത്തു സപാ​ദ​ല​ക്ഷ​ദേ​ശ​ത്തു​നി​ന്നു നാ​ഗ​ര​വർ​ഗ്ഗ​ശാ​ഖ​കൾ ബീ​ഹാ​റി​ലും, ബം​ഗാ​ളി​ലും, രാ​ജ​പു​ട്ടാ​ണ​യി​ലെ ബി​ക്കാ​നീ​റി​ലും, പോയി കു​ടി​പാർ​ക്കു​ക​യു​ണ്ടാ​യി. ബം​ഗാ​ളി​ലേ​ക്കു പോ​യ​വ​ര​ത്രേ ഇവി​ട​ത്തെ കാ​യ​സ്ഥ​ബ്രാ​ഹ്മ​ണ​രു​ടെ പൂർ​വ്വി​കർ. യമനായ ധർ​മ​രാ​ജ​ന്റെ അനു​ജ​നും, കണ​ക്കെ​ഴു​ത്തു​കാ​ര​നു​മായ ചി​ത്ര​ഗു​പ്ത​നെ കാ​യ​സ്ഥർ തങ്ങ​ളു​ടെ കു​ല​സ്ഥാ​പ​ക​നാ​യി കരു​തി​വ​രു​ന്നു. കാ​യ​സ്ഥ​പ​ദ​ത്തി​ന്റെ അർ​ത്ഥം ലേഖകൻ, അഥവാ ഗണകൻ എന്നാ​ണെ​ന്നു വി​ജ്ഞാ​നേ​ശ്വ​രൻ പറ​ഞ്ഞി​ട്ടു​ണ്ടു്. രാ​ജാ​വു നി​യ​മി​ച്ച കാ​യ​സ്ഥൻ ഒരു പ്ര​മാ​ണം ഒപ്പി​ടു​മ്പോൾ അതു രാ​ജാ​വി​ന്റെ ഒപ്പാ​യി കരു​ത​പ്പെ​ട്ടു വരു​ന്നു എന്നു വി​ഷ്ണു​സ്തു​തി ചൂ​ണ്ടി​കാ​ണി​ച്ചി​ട്ടു​മു​ണ്ടു്. ബം​ഗാ​ളി ബ്രാ​ഹ്മ​ണർ കാ​യ​സ്ഥ​രെ ശൂ​ദ്ര​രാ​യി പരി​ഗ​ണി​ച്ചി​രു​ന്നു.

തമി​ഴ്‌​നാ​ട്ടി​ലെ പ്രാ​ചീ​ന​കേ​ര​ള​ത്തിൽ നമ്പൂ​തി​രി​മാർ വന്ന​തി​നെ​പ്പ​റ്റി​യു​ള്ള ഐതി​ഹ്യ​ത്തി​ലും, നാ​ഗ​ര​ഐ​തി​ഹ്യ​ത്തി​ലെ 64 ഗ്രാ​മ​ക​ഥ​യും, നാ​ഗ​ര​രെ ഭയ​ന്നു​ണ്ടായ പലാ​യ​ന​ക​ഥ​യും, അഷ്ട​ആ​ഢ്യ​ന്മാ​രു​ടെ കഥയും കാണാം. ഇതിൽ നി​ന്നു് ഈ കഥകൾ തമി​ഴ്‌​നാ​ട്ടി​ലെ പ്രാ​ചീ​ന​കേ​ര​ള​ത്തെ സം​ബ​ന്ധി​ച്ച​വ​യ​ല്ലെ​ന്നു് അനു​മാ​നി​ക്കാം. വി. ആർ. ഭണ്ഡാർ​കർ ചമൽ​ക്കാ​ര​പു​രം (ആന​ന്ദ​പു​രം) ഗു​ജ​റാ​ത്തി​ലെ ഇന്ന​ത്തെ വട​ന​ന​ഗ​രാ​ണെ​ന്നു വി​ചാ​രി​ക്കു​ന്നു. ഇതു ശരി​യ​ല്ല. ആദ്യ​ത്തെ ആന​ന്ദ​പു​രം ഹെലുഷ (ഹർഷ) എന്നു ഹ്യു​യാൻ​സാ​ങ്ങ് പേ​രി​ട്ടി​ട്ടു​ള്ള തെ​ക്കൻ കാ​ശ്മീ​ര​ത്തെ ഇന്ന​ത്തെ രാ​ജാ​രി നഗ​ര​മാ​യി​രു​ന്നു. ഇവിടെ നി​ന്നു​ള്ള ഒരു കു​ടി​പാർ​പ്പു​സം​ഘ​മാ​ണു് ഗു​ജ​റാ​ത്തി​ലെ ആന​ന്ദ​പു​രം പി​ന്നീ​ടു് സ്ഥാ​പി​ച്ച​തു്. ഹർഷം എന്ന​തി​നു് ആന​ന്ദം എന്ന അർ​ത്ഥ​മു​ണ്ട​ല്ലോ. പൌ​രാ​ണി​ക​കേ​ര​ള​ത്തി​ന്റെ രാ​ജ​ധാ​നി​ക​ളിൽ ഒന്നാ​യി​രു​ന്നു രാ​ജാ​രി എന്നു് 1956-ലെ ജയ​കേ​ര​ളം വി​ശേ​ഷാൽ​പ്ര​തി​യിൽ ഞാൻ സ്ഥാ​പി​ച്ചി​രു​ന്നു. ഗു​ജ​റാ​ത്തിൽ നി​ന്നു് ഈ നാഗരർ ആദ്യം ദക്ഷി​ണാ​പ​ഥ​ത്തി​ലേ​ക്കും, പി​ന്നീ​ടു് കേ​ര​ള​ത്തി​ലേ​ക്കും പോ​ന്നു.

കേ​ര​ള​ത്തി​ലെ ‘64 നമ്പൂ​തി​രി​ഗ്രാ​മ​ങ്ങൾ’ എന്നു പറ​ഞ്ഞു​വ​രു​ന്നവ വാ​സ്ത​വ​ത്തിൽ നമ്പൂ​തി​രി​മാർ മാ​ത്രം പാർ​ത്തു​വ​ന്നി​രു​ന്നവ അല്ല. പി​ന്നെ​യോ, നമ്പൂ​തി​രി​മാർ ഉൾ​പ്പെ​ട്ട നാ​നാ​ജാ​തി​ക്കാ​രും മത​ക്കാ​രും നി​വ​സി​ച്ചി​രു​ന്നവ ആയി​രു​ന്നു എന്നു ഭണ്ഡാർ​ക​രു​ടെ ലേഖനം സൂ​ചി​പ്പി​ക്കു​ന്നു​ണ്ടു്. ഗ്രാ​മ​ണി എന്ന ഒദ്യോ​ഗിക നാ​മ​ത്തിൽ ഗ്രാ​മ​വാ​സി​ക​ളായ ഹിന്ദു-​ബുദ്ധ-ജയിനാദികളുടെ ഇടയിൽ ഈ മത​ക്കാ​രു​ടെ സ്മൃ​തി​ക​ളും ധർ​മ​ശാ​സ്ത്ര​ങ്ങ​ളും അനു​സ​രി​ച്ചു നീ​തി​ന്യാ​യ​പ​രി​പാ​ല​യം നിർ​വ്വ​ഹി​ക്കു​ന്ന പ്രാ​ഡ്വി​വാ​കൻ (ജഡ്ജി) നമ്പൂ​തി​രി​യു​ടെ അദ്ധ്യ​ക്ഷ​ത​യിൽ ഓരോ ഗ്രാ​മ​സ​ഭ​യും കൂടി ഗ്രാ​മ​ഭ​ര​ണം നട​ത്തി​വ​ന്നു. ഇതു നി​മി​ത്ത​മ​ത്രേ ഈ ഗ്രാ​മ​ങ്ങ​ളെ നമ്പൂ​തി​രി​ഗ്രാ​മ​ങ്ങൾ എന്നു ജന​കീ​യ​ഐ​തി​ഹ്യം പേ​രി​ട്ടി​ട്ടു​ള്ള​തു്. ഇന്ന​ത്തെ പഞ്ചാ​യ​ത്തു​ക​ളെ​പ്പോ​ലെ ഈ ഗ്രാ​മ​സ​ഭ​കൾ പ്രാ​ദേ​ശിക സ്വ​യം​ഭ​ര​ണം മാ​ത്രം നട​ത്തി​വ​ന്നി​രു​ന്നു.

അശോ​ക​മൗ​ര്യ​ന്റെ കാ​ല​ത്തു് (273–232 ബി. സി.) സത്യ​പു​ത്രം, കേ​ര​ള​പു​ത്രം എന്നീ രണ്ടു രാ​ജ്യ​ങ്ങൾ ഉത്ത​ര​കാ​ന​റ​യി​ലെ ഗോ​കർ​ണ​ത്തി​നും കന്യാ​കു​മാ​രി​ക്കു​മി​ട​യ്ക്കു സ്ഥി​തി​ചെ​യ്തി​രു​ന്നു. ഗോ​കർ​ണ​മെ​ന്നും പേ​രു​ണ്ടാ​യി​രു​ന്ന കോ​ടീ​ശ്വ​രം വരെ​യു​ള്ള കട​ലോ​ര​ദേ​ശ​വും, മൈ​സൂ​രും, സത്യ​പു​ത്ര​ത്തി​ലും, ഇതിനു തെ​ക്കു​ള്ള സമു​ദ്ര​തീ​ര​ദേ​ശ​വും, കൊം​ഗും, കേ​ര​ള​പു​ത്ര​ത്തി​ലും ഉൾ​പ്പെ​ട്ടി​രു​ന്നു. പതി​വാ​യി പര​സ്പര വി​വാ​ഹ​ങ്ങൾ നട​ത്താ​റു​ള്ള സ്വ​രൂ​പ​ങ്ങ​ളാ​യി​രു​ന്നു ഇവ രണ്ടും ഭരി​ച്ചി​രു​ന്ന​തു്.

മൌ​ര്യ​സാ​മ്രാ​ജ്യാ​ധ​പ്പ​ത​നം സം​ഭ​വി​ച്ച 184 ബി. സി.-​ക്കുശേഷം ഒരു സത്യ​പു​ത്ര​നൃ​പ​ന്റെ​യും കേ​ര​ള​പു​ത്ര റാ​ണി​യു​ടേ​യും മകൻ രാ​മ​ഘ​ട​മൂ​ഷി​കൻ (170–146 ബി. സി.) തന്റെ വാ​ഴ്ചാ​രം​ഭ​ത്തിൽ രണ്ടു രാ​ജ്യ​ങ്ങ​ളേ​യും തമ്മിൽ യോ​ജി​പ്പി​ച്ചു​വെ​ങ്കി​ലും, തന്റെ അന്ത്യ​കാ​ല​ത്തു രണ്ടു പു​ത്ര​ന്മാ​രായ വടു​വി​നും, നന്ദ​ന​നു​മാ​യി​ട്ടു പഴ​യ​പ​ടി ഇതിനെ രണ്ടാ​യി ഭാ​ഗി​ക്കു​ക​യാ​ണു് ചെ​യ്ത​തു്. വട​ക്കൻ രാ​ജ്യ​ത്തി​നു ആന്ധ്ര​പു​ത്ര​മെ​ന്നും, ഹൈ​ഹ​യ​മെ​ന്നും പേ​രു​കൾ സി​ദ്ധി​ക്കു​ക​യു​ണ്ടാ​യി. ഈ രാ​മ​ഘ​ട​മൂ​ഷി​കൻ ഒന്നാ​മ​ത്തെ ചേ​ര​മാൻ​പെ​രു​മാ​ളാ​ണു താനും.

64 ഗ്രാ​മ​ങ്ങ​ളും സ്ഥാ​പി​ച്ച​തി​നു​ശേ​ഷം, “ശ്രീ പര​ശു​രാ​മൻ 64 ഗ്രാ​മ​ത്തേ​യും വരു​ത്തി വെ​ള്ള​പ്പ​നാ​ട്ടിൽ കൊ​ണ്ടു​വ​ന്നു​വ​ച്ചു്, 64 ഗ്രാ​മ​ത്തി​നും 64 മഠവും തീർ​ത്തു്, 64 ദേ​ശ​വും തി​രി​ച്ചു കൽ​പി​ച്ചു്, ഓരോരോ ഗ്രാ​മ​ത്തി​നും അനു​ഭ​വി​പ്പാൻ വെ​വ്വേ​റെ ദേ​ശ​വും വസ്തു​വും തി​രി​ച്ചു​കൊ​ടു​ത്തു. ഒരു ഗ്രാ​മ​ത്തി​നും വെ​ള്ള​പ്പ​നാ​ട്ടിൽ വസ്തു​വും തറ​വാ​ടും കൂ​ടാ​തെ കണ്ടി​ല്ല. 64 ഗ്രാ​മ​ത്തി​നും വെ​ള്ള​പ്പ​നാ​ടു പ്ര​ധാ​നം എന്നു കൽ​പ്പി​ച്ചു.”

ഇപ്ര​കാ​രം കേ​ര​ളോൽ​പ്പ​ത്തി​യിൽ പറ​ഞ്ഞി​ട്ടു​ള്ള വെ​ള്ള​പ്പ​നാ​ടു സത്യ​പു​ത്ര​ത്തി​ന്റെ രാ​ജ​ധാ​നി​യും, മൈ​സൂ​രി​ലെ ശി​ക്കാർ​പ്പൂർ താ​ലൂ​ക്കി​ലെ ബെൾ​ഗാ​മെ (ബലി​ഗ്രാ​മം) നഗ​ര​ത്തിൽ നി​ന്നി​രു​ന്ന മാ​ഹി​ഷ്മ​തി​യും ആകു​ന്നു. മൈസൂർ ഐതി​ഹ്യം ബെൾ​ഗാ​മെ​യ്ക്കു ബീ​ജ​ന​ഗ​ര​മെ​ന്നും, തമിഴ് ഐതി​ഹ്യം ഇതിനു കരു​വൂർ (ബീ​ജ​ന​ഗ​രം) എന്നും പേ​രി​ട്ടി​ട്ടു​ണ്ടു്.

പ്രാ​ചീ​ന​കേ​ര​ള​ത്തി​ലെ 64 ഗ്രാ​മ​ങ്ങൾ ഒരേ സമ​യ​ത്ത​ല്ല സ്ഥാ​പി​ക്ക​പ്പെ​ട്ട​തു്. ക്ര​മേണ പല കാ​ല​ങ്ങ​ളി​ലു​മാ​യി ഇവ ഉത്ഭ​വി​ച്ചു. ഗ്രാ​മ​ങ്ങ​ളു​ടെ സ്ഥാ​ന​ങ്ങൾ​ക്കും മാ​റ്റ​ങ്ങൾ ഉണ്ടാ​യി​ക്കൊ​ണ്ടി​രു​ന്നു. ഒരു ഗ്രാ​മ​ത്തിൽ നി​ന്നു കു​ടി​പാർ​പ്പു​കാർ മറ്റൊ​ന്നു സ്ഥാ​പി​ക്കു​മ്പോൾ, ഇവർ പല​പ്പോ​ഴും മാ​തൃ​ഗ്രാ​മ​ത്തി​ന്റെ പേ​രു​കൾ പുതിയ ഗ്രാ​മ​ങ്ങൾ​ക്കു നൽ​കി​വ​ന്നി​രു​ന്നു. ഒരു ഗ്രാ​മ​ത്തി​നു് ഒരു പുതിയ പേ​രു​കൊ​ടു​ക്കു​ക​യാ​ണെ​ങ്കിൽ, ഇതി​ന്റെ ഒരു അപ​ര​നാ​മ​മാ​ക്കി മാ​തൃ​ഗ്രാ​മ​ത്തി​ന്റെ നാമം നി​ല​നിർ​ത്തി​വ​ന്നി​രു​ന്നു താനും.

ഒടു​വി​ല​ത്തെ ചേ​ര​മാൻ​പെ​രു​മാൾ കേരളം ഭാ​ഗി​ച്ചു കൊ​ടു​ത്ത കഥ വി​വ​രി​ക്കു​മ്പോൾ, അന്നു​ണ്ടാ​യി​രു​ന്ന വി​ഭാ​ഗ​ങ്ങൾ മു​ത​ലാ​യ​വ​യെ കേ​ര​ളോൽ​പ്പ​ത്തി​യിൽ ഇപ്ര​കാ​രം പ്ര​സ്താ​വി​ച്ചി​രി​ക്കു​ന്നു: “കന്യാ​കു​മാ​രി ഗോ​കർ​ണ​ത്തി​ന്റെ ഇടയിൽ… ചേ​ര​മാൻ നാടു നൂ​റ്റി​അ​റു​പ​തു​കാ​തം വഴി​നാ​ടും, 4448 ദേ​വ​പ്ര​തി​ഷ്ഠ​യും, 108 ദുർ​ഗാ​ല​യ​വും, 360 ഭൂ​ത​പ്ര​തി​ഷ്ഠ​യും, 108 നാൽ​പ്പ​ത്തീ​ര​ടി​യും 64 ഗ്രാ​മ​വും, 96 നഗ​ര​വും, 18 കോ​ട്ട​പ്പ​ടി​യും, 17 നാടും—തു​ളു​നാ​ടു, കോ​ല​ത്തു​നാ​ടു, പോ​നാ​ടും, കു​റു​മ്പ​നാ​ടും, പു​റ​വ​ഴി​നാ​ടും, ഏറ​നാ​ടു, പറ​പ്പു​നാ​ടു, വള്ളു​വ​നാ​ടു, രാ​വ​ണ​നാ​ടു, വെ​ട്ട​ത്തു​നാ​ടും, തി​രു​മാ​ന​ശ്ശേ​രി​നാ​ടു, പെ​രി​മ്പ​ട​പ്പു​നാ​ടു, നെ​ടു​ങ്ങ​നാ​ടു, വെ​ങ്ങ​നാ​ടു, മു​റി​ങ്ങ​നാ​ടു, ഓണ​നാ​ടു, വേ​ണാ​ടു, അണഞ്ഞ അഞ്ചു​നാ​ടു: പാ​ണ്ടി, കൊംഗു, തുളു, വയ​നാ​ടു, പു​ന്നാ​ടു, എന്നു പറ​യു​ന്നു.”

നാൽ​പ്പ​ത്തീ​ര​ടി​കൾ വെ​ളി​ച്ച​പ്പാ​ടു ക്ഷേ​ത്ര​ങ്ങൾ ആകു​ന്നു. ഇത്ത​രം ക്ഷേ​ത്ര​ങ്ങൾ പണ്ടു് ഏഷ്യ ഒട്ടു​ക്കും, ഈജി​പ്തി​ലും, ഗ്രീ​സി​ലും, ഇറ്റ​ലി​യി​ലും മറ്റും സ്ഥി​തി​ചെ​യ്തി​രു​ന്നു. കേ​ര​ളോൽ​പ്പ​ത്തി ഭാ​ഗ​ത്തിൽ ഗ്രാ​മ​ങ്ങ​ളേ​യും, നഗ​ര​ങ്ങ​ളേ​യും പ്ര​ത്യേ​കം പ്ര​സ്താ​വി​ച്ചി​ട്ടു​ണ്ട​ല്ലോ. ഇവ തമ്മി​ലു​ള്ള വ്യ​ത്യാ​സ​ങ്ങൾ എന്തെ​ല്ലാ​മാ​ണു്? ഗ്രാ​മം പ്രാ​ദേ​ശിക സ്വ​യം​ഭ​ര​ണാ​വ​കാ​ശ​മു​ള്ള ഘട​ക​വും, നഗരം ദേ​ശ​വാ​ഴി​കൾ മു​ത​ലാ​യ​വർ മുഖേന രാ​ജാ​വു നേ​രി​ട്ടു ഭരി​ച്ചി​രു​ന്ന ഘട​ക​വും ആണെ​ന്നു​ള്ള​ത​ത്രേ ഇവ തമ്മി​ലു​ള്ള ഒരു വ്യ​ത്യാ​സം. തൊ​ഴിൽ​സം​ഘ​ങ്ങൾ (നി​ഗ​മ​ങ്ങൾ) മാ​ത്ര​മേ ജനകീയ സ്ഥാ​പ​ന​ങ്ങ​ളാ​യി നഗ​ര​ങ്ങ​ളിൽ ഉണ്ടാ​യി​രു​ന്നു​ള്ളു. ഇവ തൊഴിൽ സം​ബ​ന്ധി​ച്ച കാ​ര്യ​ങ്ങൾ മാ​ത്ര​മേ തീ​രു​മാ​നി​ച്ചി​രു​ന്നു​മു​ള്ളു.

നഗ​ര​ങ്ങ​ളി​ലെ തൊ​ഴിൽ​സം​ഘ​ങ്ങ​ളു​ടെ വ്യാ​പാ​ര​ങ്ങ​ളിൽ രാ​ജാ​വു് ഒരു നി​കു​തി ചു​മ​ത്തി​യി​രു​ന്നു. അന്ന​ത്തെ ഒരു വലിയ നി​കു​തി​യി​നം ആയി​രു​ന്ന ഈ തൊ​ഴിൽ​നി​കു​തി​യിൽ (അങ്ക​ത്തിൽ) ഒരു സാ​ര​മായ ഭാഗം സകല ജാ​തി​ക്കാ​രും അട​ങ്ങി​യി​രു​ന്ന ഗണി​ക​സം​ഘ​ങ്ങൾ കൊ​ടു​ത്തി​രു​ന്നു. പ്രാ​ചീ​ന​ഭാ​ര​ത​ത്തിൽ ഗണി​ക​കൾ​ക്കു​ണ്ടാ​യി​രു​ന്ന മാ​ന്യ​മായ സ്ഥാ​ന​വും, ഇവ​രു​ടെ ഗു​ണ​ങ്ങ​ളും, ഇവരെ രാ​ജാ​വു ബഹു​മാ​നി​ച്ചി​രു​ന്ന​തും, എ. ഡി. മൂ​ന്നാം ശത​ക​ത്തി​ലെ വാ​ത്സ്യാ​യ​ന​ന്റെ ‘കാ​മ​സൂ​ത്ര’ത്തിൽ ഇങ്ങ​നെ വി​വ​രി​ച്ചി​രി​ക്കു​ന്നു:

പിൽ​ക്കാ​ല​ത്തെ വി​ജ​യ​ന​ഗ​ര​സാ​മ്രാ​ജ്യ​ത്തി​ലെ പൊ​ലീ​സ് വകു​പ്പി​ന്റെ ചെ​ല​വി​നു വേ​ണ്ട​തു മു​ഴു​വ​നും ഗണി​ക​നി​കു​തി​യിൽ നി​ന്നു കി​ട്ടി​യി​രു​ന്നു എന്നു കെ. ടി. ഷാ ചൂ​ണ്ടി​ക്കാ​ട്ടി​യി​രു​ന്നു. ഇതു​പോ​ലെ​ത​ന്നെ ആയി​രു​ന്നി​രി​ക്ക​ണം തമി​ഴ്സം​ഘ​കാ​ല​ത്തെ (498–817 എ. ഡി.) ഗണി​ക​നി​കു​തി​യും. പണ്ട​ത്തെ ഗണി​ക​കൾ​ക്കു സമു​ദാ​യ​ത്തിൽ ഉണ്ടാ​യി​രു​ന്ന സ്ഥാ​ന​ത്തെ പറ്റി ഷാ ഇങ്ങ​നെ പറ​ഞ്ഞി​രി​ക്കു​ന്നു: “വൈ​വാ​ഹി​ക​ജീ​വി​ത​ത്തി​ന്റെ സു​ഖ​ക​ര​മായ പോ​ക്കി​നു വി​ഘ്നം വരു​ത്താ​തെ കാ​ക്കു​ന്ന പ്ര​വൃ​ത്തി മാ​ത്ര​മ​ല്ല ഗണിക ചെ​യ്തി​രു​ന്ന​തു്. അവൾ ഒരു ഗവർൺ​മെ​ന്റു​ദ്യോ​ഗ​സ്ഥ​യും, പ്ര​ജ​ക​ളു​ടെ ആരോ​ഗ്യ​ത്തെ സം​ര​ക്ഷി​ച്ചു​കൊ​ണ്ടു​പോ​യി​രു​ന്ന​വ​ളും കൂ​ടി​യാ​യി​രു​ന്നു.”

മറ്റൊ​രു കാ​ര്യം ഷാ ഇവിടെ പ്ര​സ്താ​വി​ച്ചി​ട്ടി​ല്ല; പൊ​തു​വർ (പൊ​തു​മ​ക​ളിർ) എന്നു തമിഴ് സം​ഘ​മ​ഹാ​കാ​വ്യ​മായ ‘മണി​മേ​ഖല’യിൽ പേ​രി​ട്ടി​ട്ടു​ള്ള ഈ ഗണി​ക​കൾ കലാ​ഭി​വൃ​ദ്ധി​ക്കു വേ​ണ്ടി ചെ​യ്തി​രു​ന്ന വേ​ല​യ​ത്രേ ഇതു്. തമിഴ് സം​ഘ​കാ​ല​ത്തെ നർ​ത്ത​കി​കൾ, കവ​യി​ത്രി​കൾ, പാ​ട്ടു​കാ​രി​കൾ എന്നി​വ​രിൽ ഒരു വലിയ ഭാഗം ഈ പൊതുവ ആയി​രു​ന്നു. ‘ചി​ല​പ്പ​തി​കാര’ത്തി​ലെ കോ​വ​ല​ന്റെ വയ്പാ​ട്ടി​യാ​യി​രു​ന്ന മാ​ധ​വി​യെ ഇത്ത​ര​ക്കാ​രു​ടെ ഒരു ഉദാ​ഹ​ര​ണ​മാ​യി എടു​ത്തു​കാ​ട്ടാം. ‘മൃ​ച്ഛ​ക​ടിക’മെന്ന പ്രാ​ചീ​ന​സം​സ്കൃ​ത​നാ​ട​ക​ത്തി​ലെ വസ​ന്ത​സേ​ന​യും ഇത്ത​ര​ക്കാ​രി​യി​രു​ന്നു.

ഗ്രാ​മ​വും നഗ​ര​വും തമ്മി​ലു​ള്ള മറ്റൊ​രു വ്യ​ത്യാ​സം ഭൂ​നി​കു​തി​യായ വി​ള​വി​ന്റെ ആറി​ലൊ​രം​ശം ഗ്രാ​മ​ങ്ങ​ളിൽ നി​ന്നു പി​രി​ച്ചെ​ടു​ക്കു​വാൻ രാ​ജാ​വി​നു് അധി​കാ​ര​മി​ല്ല എന്നു​ള്ള​താ​കു​ന്നു. ഇതിനെ കേ​ര​ളോൽ​പ്പ​ത്തി​യിൽ ഇങ്ങ​നെ വി​വ​രി​ച്ചി​രി​ക്കു​ന്നു: “മു​മ്പിൽ 64 ഗ്രാ​മ​ത്തി​നും ഒരു​മി​ച്ചു പൂവും നീരും കൊ​ടു​ത്ത​തു അനു​ഭ​വി​പ്പാൻ ജന്മം എന്നു പറ​യു​ന്നു. ആ കൊ​ടു​ത്ത​തു ഓരോ ഗ്രാ​മ​ങ്ങ​ളി​ലു​മു​ള്ള തറ​വാ​ട്ടു​കാർ​ക്കു ഒരു​മി​ച്ചു​കൊ​ടു​ത്ത ഏകോ​ദ​കം. പി​ന്നെ പത്തു ഗ്രാ​മ​ത്തിൽ 14 ഗോ​ത്ര​ത്തിൽ 36,000 ബ്രാ​ഹ്മ​ണർ​ക്കു വാ​ളി​ന്മേൽ നീർ​പ​കർ​ന്നു​കൊ​ടു​ത്ത​തു രാ​ജാം​ശം; അവർ​ക്കു എന്റെ ജന്മം എന്നു ചൊ​ല്ലി വിരൽ മു​ക്കാം. മറ്റ​വർ​ക്കു ‘എന്റെ ജന്മം’ എന്നു വിരൽ മു​ക്ക​രു​തു്. അവർ​ക്കു് അനു​ഭ​വ​ത്തി​ന്നേ മു​ക്കു​ള്ളു. അവർ അന്യോ​ന്യം മു​ക്കു​മ്പോൾ ‘എനി​ക്കു അനു​ഭ​വം’ എന്നു ചൊ​ല്ലി വി​രൽ​മു​ക്കേ​ണം.”

പി​ന്നെ​യും കേ​ര​ളോൽ​പ്പ​ത്തി​യിൽ ഇങ്ങ​നെ പ്ര​സ്താ​വി​ച്ചി​രി​ക്കു​ന്നു: “രാ​ജാ​വി​നു മല​നാ​ട്ടിൽ ഷൾ​ഭാ​ഗം കൊ​ടു​ത്തി​ട്ടി​ല്ല; വൃ​ത്തി​യേ കൊ​ടു​ത്തി​ട്ടു​ള്ളു; എല്ലാ​വ​രു​ടേ​യും വസ്തു​വി​ന്മേ​ലും ഷൾ​ഭാ​ഗം രക്ഷാ​പു​രു​ഷ​ന്മാർ അനു​ഭ​വി​ച്ചു; രണ്ടാ​മ​തു തളി​യാ​തി​രി​മാർ അനു​ഭ​വി​ച്ചു; പി​ന്നെ ചാ​ത്തി​രർ​ക്കാ​യി കൽ​പ്പി​ച്ചു​വ​യ്ക്ക​യാൽ ഇന്നു ചാ​ത്തി​രർ​ക്കു് ആയ​തു​ണ്ടു്.” ഇതിലെ വൃ​ത്തി (വി​രു​ത്തി) ഗ്രാ​മ​ങ്ങ​ളൊ​ഴി​ച്ചു​ള്ള ശേ​ഷി​ച്ച രാ​ജ്യ​ഭാ​ഗ​ങ്ങ​ളിൽ​നി​ന്നു ഭൂ​നി​കു​തി, അങ്കം, ചു​ങ്കം മു​ത​ലാ​യവ പി​രി​ച്ചെ​ടു​ക്കു​വാ​നു​ള്ള അവ​കാ​ശ​മാ​കു​ന്നു. ഈ ഭാ​ഗ​ങ്ങ​ളി​ലു​ള്ള വസ്തു​ക്ക​ളു​ടെ ജന്മാ​വ​കാ​ശം രാ​ജാ​വി​ലാ​ണു് സ്ഥി​തി​ചെ​യ്തി​രു​ന്ന​തു്. ഗ്രാ​മ​വ​സ്തു​ക്ക​ളു​ടെ ജന്മാ​വ​കാ​ശം ഗ്രാ​മ​ക്കാർ​ക്കു് എല്ലാ​വർ​ക്കും കൂ​ടി​യു​ള്ള​തു​മാ​കു​ന്നു.

64 ഗ്രാ​മ​ങ്ങ​ളെ പത്തര അവ​രോ​ധ​ക​ഴ​ക​ങ്ങ​ളാ​ക്കി സം​ഘ​ടി​പ്പി​ച്ചു്, ഇവയിൽ ഓരോ​ന്നി​ന്റേ​യും ഭര​ണ​ത്തി​ന്റെ മേൽ​നോ​ട്ടം അവ​രോ​ധ​ക​ഴ​ക​ങ്ങ​ളെ ഏൽ​പ്പി​ച്ചി​രു​ന്നു. ഓരോ കഴ​ക​ത്തി​നും ഓരോ രക്ഷാ​പു​രു​ഷ​നെ ഗ്രാ​മ​പ്ര​തി​നി​ധി​കൾ യോഗം കൂടി ഒരു ക്ലി​പ്ത​കാ​ല​ത്തേ​ക്കു തി​ര​ഞ്ഞെ​ടു​ത്തി​രു​ന്നു. നി​ഴൽ​യോ​ഗ​ങ്ങ​ളെ​ന്നും ഇവ​യ്ക്കു പേ​രു​ണ്ടു്. നിഴൽ എന്ന തമി​ഴ്പ​ദ​ത്തി​ന്റെ അർ​ത്ഥം രക്ഷി​ക്കുക എന്ന​താ​കു​ന്നു. നി​ഴൽ​യോ​ഗ​ത്തിൽ രാ​ജാ​വി​ന്റെ പ്ര​തി​നി​ധി​ക്കു് അര വോ​ട്ടു മാ​ത്ര​മേ ഉണ്ടാ​യി​രു​ന്നു​ള്ളു. ഇങ്ങ​നെ​യാ​ണു് പത്തര അവ​രോ​ധ​ക​ഴ​ക​ങ്ങ​ളാ​യ​തു്. രക്ഷാ​പു​രു​ഷ​ന്മാ​രെ ആദി​യിൽ മൂ​ന്നു​വർ​ഷ​ത്തേ​ക്കും, പി​ന്നീ​ടു 12 വർ​ഷ​ത്തേ​ക്കും ആണു് തി​ര​ഞ്ഞെ​ടു​ത്തി​രു​ന്ന​തു്. ഇവ​യ്ക്കി​ട​യ്ക്കു് ഇവരെ കു​റേ​നാൾ അഞ്ചാ​ണ്ടി​ലേ​ക്കു് തി​ര​ഞ്ഞെ​ടു​ത്തി​രു​ന്നു എന്നു​മൊ​രു ഐതി​ഹ്യ​മു​ണ്ടു്.

കഴ​ക​നി​ശ്ച​യ​ങ്ങൾ നട​ത്തി​ക്കൊ​ടു​ത്ത​തു രക്ഷാ​പു​രു​ഷ​ന്മാ​രാ​യി​രു​ന്നു. ഇതിനു പ്ര​തി​ഫ​ല​മാ​യി രക്ഷാ​പു​രു​ഷർ ഗ്രാ​മ​ങ്ങ​ളി​ലെ വി​ള​വി​ന്റെ ആറി​ലൊ​രം​ശം പി​രി​ച്ചെ​ടു​ത്തി​രു​ന്നു. അവ​രോ​ധ​ന​മ്പി, വാ​ഴു​വർ, വാ​ഴു​ന്ന​വർ, ആളുവർ, വാൾ​ന​മ്പി, ചാ​ത്തി​രർ (ശാ​സ്ത്രി​കൾ, ശാ​സ്ത്രം അഥവാ ആയുധം എടു​ത്ത​വർ) എന്നീ ഔദ്യോ​ഗി​ക​നാ​മ​ങ്ങൾ ഇവർ വഹി​ച്ചി​രു​ന്നു. രാ​ജാ​വി​നെ​പ്പോ​ലെ വധ​ശി​ക്ഷ നട​ത്തു​വാ​നും ഇവർ​ക്കു് അധി​കാ​രം ഉണ്ടാ​യി​രു​ന്നു.

12 വാ​ഴു​ന്ന​വ​രു​ടെ പേ​രു​കൾ കേ​ര​ളോൽ​പ്പ​ത്തി​യിൽ പ്ര​സ്താ​വി​ച്ചി​ട്ടു​ണ്ടു്. ഇട​പ്പ​ള്ളി നമ്പ്യാ​തി​രി, വെ​ങ്ങ​നാ​ട്ടു നമ്പ്യാ​തി​രി, കനി​ത്തല പണ്ടാല, പു​തു​മ​ന​ക്കാ​ട്ടു നമ്പ്യാ​തി​രി, ഇള​മ്പ​യി​ലാ​ണ്ട​ലു, പു​ന്ന​ത്തൂർ നമ്പി​ടി, തലയുർ മൂസത്, പി​ലാ​ന്തോ​ളിൽ മൂസത്, ചോ​ഴ​ത്തു് ഇളയത്, കു​ഴി​മ​ണ്ണു മൂസത്, കല്ലു​ക്കാ​ട്ടു ഇളയത്, പൊ​ന്നി​നി​ല​ത്തു മു​മ്പിൽ, എന്നി​വ​യ​ത്രേ ഈ പേ​രു​കൾ [2] പത്തര അവ​രോ​ധ​ക​ഴ​ക​ങ്ങ​ളിൽ ഓരോ​ന്നി​നോ​ടും—പെ​രി​ഞ്ചെ​ല്ലൂർ 3000, പറ​പ്പൂർ 5000, ചെ​ങ്ങ​ന്നൂർ 5000, എന്നി​ങ്ങ​നെ സം​ഖ്യ​കൾ ഘടി​പ്പി​ച്ചി​ട്ടു​ണ്ടു്. ഇവ​യെ​ല്ലാം​കൂ​ടി മു​പ്പ​ത്തി​ആ​റാ​യി​രം വരും. ഈ അവ​രോ​ധ​ക​ഴ​ക​ങ്ങൾ ഭര​ണ​മേൽ​നോ​ട്ടം വഹി​ച്ചി​രു​ന്ന ചെ​റു​ഗ്രാ​മ​ങ്ങ​ളിൽ ഉണ്ടാ​യി​രു​ന്ന കു​ട്ടി​ക​ളു​ടെ ആകെ​ത്തു​ക​യ​ത്രേ ഈ സം​ഖ്യ​കൾ.

കേ​ര​ളോൽ​പ്പ​ത്തി​യു​ടെ ഒരു പാ​ഠ​ത്തിൽ കേ​ര​ള​ത്തിൽ പണ്ടു പ്ര​ച​രി​ച്ചി​രു​ന്ന വ്യാ​ഴ​വ​ട്ട​ഗ​ണ​ന​ത്തെ​പ്പ​റ്റി ഇങ്ങ​നെ പറ​ഞ്ഞി​രി​ക്കു​ന്നു; “മു​ന്നേ കൊ​ല്ല​മി​ല്ല, കാ​ല​മ​റി​വാൻ കലിയേ ഉള്ളൂ. അതു് എല്ലാ​വർ​ക്കും തി​രി​യാ​യ്ക കൊ​ണ്ടു 64 ഗ്രാ​മ​ത്തിൽ ബ്രാ​ഹ്മ​ണർ കേ​ര​ള​ത്തി​ലു​ള്ള രാ​ജാ​ക്ക​ന്മാ​രും കൊ​ല്ല​ത്തു യാ​വാ​രി​യും​കൂ​ടി ചിറ കു​ഴി​ച്ച കാലം… അന്നു ക്ഷേ​ത്രം തീർ​ത്തു. കൊ​ല്ലം അന്നു തു​ട​ങ്ങി വ്യാ​ഴ​ത്തി​ന്റെ മു​മ്പിൽ നട​ത്തി​യി​രി​ക്കു​ന്നു. കലി എല്ലാ​വർ​ക്കും അറി​ഞ്ഞു​കൂ​ടാ, ജ്യോ​തി​ഷ​ക്കാർ​ക്കു് അറി​ഞ്ഞു​കൂ​ടാ. കൊ​ല്ല​വർ​ഷം അറി​ഞ്ഞു​കൊ​ള്ളാം. അതു​കൊ​ണ്ടു കൊ​ല്ല​വും വ്യാ​ഴ​വും കൂ​ടി​ന​ട​ത്തു​ന്നു.”

വ്യാ​ഴ​ഗ്ര​ഹം ഏതു നക്ഷ​ത്ര​ത്തോ​ടു കൂ​ടി​ച്ചേർ​ന്നു നിൽ​ക്കു​ന്നു​വോ, അതിൽ തന്നെ പന്ത്ര​ണ്ടു വർഷം കഴി​ഞ്ഞു തി​രി​ച്ചു വരു​ന്ന​താ​ണു്. ഇതിൽ നി​ന്നു ജ്യോ​തി​ശാ​സ്ത്ര​ത്തി​ലെ വ്യാ​ഴ​വ​ട്ടം ഉത്ഭ​വി​ച്ചു. ഈ വ്യാ​ഴ​വ​ട്ട​മാ​ണു് പണ്ടു് കേ​ര​ള​ത്തിൽ സർ​വ​ത്ര പ്ര​ച​രി​ച്ചി​രു​ന്ന​തു്. അറു​പ​തു വർ​ഷ​മ​ട​ങ്ങിയ പു​രാ​ണ​ങ്ങ​ളി​ലെ ചതുർ​യു​ഗ​ത്തി​ന്റെ, അഥവാ ബൃ​ഹ​സ്പ​തി വർ​ഷ​വ​ട്ട​ത്തി​ന്റെ, അഞ്ചി​ലൊ​രം​ശം ആണു് ഇതു്. ഈ ഇരു​ത​രം വർ​ഷ​വ​ട്ട​ങ്ങ​ളും പണ്ടു് തി​ബ​ത്തു​കാ​രു​ടേ​യും, ചീ​ന​ന്മാ​രു​ടേ​യും ഇട​യ്ക്കും പ്ര​ച​രി​ച്ചി​രു​ന്നു.

12 വർ​ഷ​ത്തേ​ക്കു​മാ​ത്രം തി​ര​ഞ്ഞെ​ടു​ക്കു​ന്ന രക്ഷാ​പു​രു​ഷ​ന്മാ​രെ പര​മ്പ​ര​യാ നാ​ടു​വാ​ണി​രു​ന്ന ചേ​ര​രാ​ജാ​ക്ക​ന്മാ​രെ 12 വർ​ഷ​ത്തേ​ക്കു​മാ​ത്രം നി​യ​മി​ക്കു​ന്ന​വ​രാ​ക്കി കേ​ര​ളോൽ​പ്പ​ത്തി​യിൽ പറ​ഞ്ഞി​രി​ക്കു​ന്ന​തു് അബ​ദ്ധ​മാ​ണു്. രാ​ജ്യ​ത്തി​ലെ ഗ്രാ​മ​ങ്ങ​ളു​ടെ തല​വ​ന്മാ​രാ​യു​ള്ള രക്ഷാ​പു​രു​ഷ​രെ 12 വർ​ഷ​ത്തേ​ക്കു മാ​ത്ര​മേ അവ​രോ​ധി​ച്ചു നി​യ​മി​ച്ചി​രു​ന്നു​ള്ളു. തൻ​നി​മി​ത്തം ഇവർ​ക്കു് 12 വർ​ഷ​ത്തേ​ക്കു് മാ​ത്ര​മേ രാ​ജാ​വി​നെ അം​ഗീ​ക​രി​ക്കാൻ അധി​കാ​ര​മു​ണ്ടാ​യി​രു​ന്നു​ള്ളു. അതി​നു​ശേ​ഷം തി​ര​ഞ്ഞെ​ടു​ക്കു​ന്ന രക്ഷാ​പു​രു​ഷർ പി​ന്നെ​യും 12 വർ​ഷ​ത്തേ​ക്കു് ആ രാ​ജാ​വി​നെ​ത്ത​ന്നെ അം​ഗീ​ക​രി​ച്ചി​രു​ന്നു. ഇതാ​ണു് കേ​ര​ളോൽ​പ്പ​ത്തി പറ​ഞ്ഞി​ട്ടു​ള്ള​തി​ന്റെ യഥാർ​ത്ഥ അർ​ത്ഥം. മറ്റു തമി​ഴ്‌​നാ​ട്ടു​രാ​ജ്യ​ങ്ങ​ളായ പാ​ണ്ഡ്യ​ത്തി​ലും, ചോ​ഴ​ത്തി​ലും രാ​ജാ​ക്ക​ന്മാർ പര​മ്പ​ര​യാ നാ​ടു​വാ​ണി​രു​ന്ന​തു​പോ​ലെ ചേ​ര​രും പര​മ്പ​ര​യാ നാ​ടു​വാ​ണി​രു​ന്നു.

കേ​ര​ള​ത്തിൽ നാ​ടു​വാ​ണി​രു​ന്ന പണ്ട​ത്തെ സ്വ​രൂ​പ​ങ്ങ​ളിൽ ഓരോ​ന്നി​ന്റെ​യും കു​ല​ദേ​വത ഭഗ​വ​തി​യാ​യി​രു​ന്നു. അവ​രോ​ധ​ക​ഴ​ക​ങ്ങ​ളു​ടെ​യും കഥ ഇതു​ത​ന്നെ​യാ​ണു്. കഴകി എന്നും പര്യാ​യ​മു​ള്ള അവ​രോ​ധ​ഗ്രാ​മ​ദേ​വി​യു​ടെ ക്ഷേ​ത്ര​വ​ള​പ്പിൽ വച്ചു കഴ​ക​യോ​ഗ​ങ്ങൾ നട​ത്തി​വ​ന്നി​രു​ന്ന​തു​മൂ​ലം, ഗ്രാ​മ​ക്കൂ​ട്ട​ങ്ങൾ​ക്കും. കഴ​ക​ങ്ങൾ എന്നു പേ​രു​കി​ട്ടി. ചേരം ഒഴി​ച്ചു​ള്ള ശേ​ഷി​ച്ച തമി​ഴ്‌​നാ​ട്ടു​രാ​ജ്യ​ങ്ങ​ളിൽ, ഗ്രാ​മ​ക്കൂ​ട്ട​മായ കഴ​ക​ത്തെ കോ​ട്ട​മെ​ന്നു വി​ളി​ച്ചു​വ​ന്നി​രു​ന്നു. ഭഗ​വ​തി​യു​ടെ മറ്റൊ​രു പര്യാ​യ​മായ കോ​ട്ട​വി എന്ന​തിൽ​നി​ന്ന​ത്രേ ഈ നാമം ഉത്ഭ​വി​ച്ച​തു്.

രാ​ജ്യം​ഭ​രി​ക്കു​ന്ന​തിൽ ചേ​ര​രാ​ജാ​ക്ക​ന്മാ​രെ ഉപ​ദേ​ശി​ച്ചി​രു​ന്ന രണ്ടു സമി​തി​ക​ളാ​ണു് ഐം​പെ​രു​ങ്കു​ഴു​വും, എൺ​പേ​രാ​യ​വും, കുഴു എന്ന​തി​നു സഭ, സമിതി എന്നു് അർ​ത്ഥ​മു​ണ്ടു്. രാ​ഷ്ട്രീയ മന്ത്രി​മാർ, പു​രോ​ഹി​തർ, സേ​നാ​പ​തി​മാർ, ധാ​ന്യ​സം​ഭ​രണ ഉദ്യോ​ഗ​സ്ഥ​ന്മാർ, ചാ​ര​പ്ര​മാ​ണി​കൾ എന്നി​വ​രു​ടെ സമി​തി​യാ​ണു് ഐം​പെ​രു​ങ്കു​ഴു. കഴ​ക​പ്ര​തി​നി​ധി​ക​ളായ തളി​യാ​തി​രി നമ്പൂ​തി​രി​മാ​രും പു​രോ​ഹി​ത​രിൽ ഉൾ​പ്പെ​ട്ടി​രു​ന്നു. സെ​ക്ര​ട്ട​റി​മാർ, പൊ​ലീ​സ് മേ​ധാ​വി​കൾ, പലതരം സൈ​ന്യ​വി​ഭാ​ഗ​ങ്ങ​ളു​ടെ തല​വ​ന്മാർ, നഗ​ര​ഭ​ര​ണം നിർ​വ​ഹി​ക്കു​ന്ന​വർ മു​ത​ലാ​യ​വർ ആണു് എൺ​പേ​രാ​യ​ത്തി​ലെ അം​ഗ​ങ്ങൾ.

സാർ​വ​ത്രി​ക​മായ രാ​ജ​കീ​യാ​ധി​കാ​ര​ത്തിൽ നി​ന്നു രക്ഷ​കി​ട്ട​ണ​മെ​ങ്കിൽ, പ്ര​ജ​കൾ ഏതാ​നും ക്ഷേ​ത്ര​സ​ങ്കേ​ത​ങ്ങ​ളിൽ പോയി അഭയം പ്രാ​പി​ച്ചേ മതി​യാ​വൂ. ഇവിടെ രാ​ജ​ഭ​ട​ന്മാർ പ്ര​വേ​ശി​ക്ക​രു​തു് എന്നു​ള്ള ആചാരം ചേ​ര​രാ​ജാ​ക്ക​ന്മാർ ഒരി​ക്ക​ലും ലം​ഘി​ച്ചി​രു​ന്നി​ല്ല.

കേ​സ​രി​യു​ടെ ലഘു ജീ​വ​ച​രി​ത്രം.