കാ​ല​ച​ക്ര​ത്തി​രി​പ്പു നി​മി​ത്തം സമ​കാ​ലീ​ന​രു​ടെ ‘കക്കു​സു് കവി’ (‘മാന്യ’മല്ലാ​ത്ത വി​ഷ​യ​ങ്ങ​ളെ സമ​കാ​ലീന സാ​ഹി​ത്യ​സാ​ങ്കേ​തി​ക​നി​യ​മ​ങ്ങ​ളെ ലം​ഘി​ച്ചു പ്ര​തി​പാ​ദി​ക്കു​ന്ന കവി​യിൽ നി​ന്നു) ഇന്നു​ള്ള​വ​രു​ടെ ഒരു അത്ഭു​ത​മ​നു​ഷ്യ​നും, ആധു​നിക കവി​താ​ലോ​ക​ത്തി​ലെ ഒരു പ്ര​സ്ഥാന സ്ഥാ​പ​ക​നു​മാ​യി ഉയർ​ന്നു​വ​ന്നി​ട്ടു​ള്ള ഫ്ര​ഞ്ചു മഹാ​ക​വി ആർതർ റിംബോ വി​നെ​ക്കു​റി​ച്ചു മാ​തൃ​ഭൂ​മി ആഴ്ച​പ്പ​തി​പ്പി​ലും, ഒരു മാ​തൃ​ഭൂ​മി ടാഗോർ വി​ശേ​ഷാൽ പ്ര​തി​യി​ലും ഞാൻ ലേ​ഖ​ന​ങ്ങൾ കുറേ വർ​ഷ​ങ്ങൾ​ക്കു മു​മ്പു് എഴു​തി​യി​രു​ന്നു. റിം​ബോ​വി​ന്റെ ഒരു ജീ​വ​ച​രി​ത്രം രചി​ച്ചി​ട്ടു​ള്ള ഈനി​ഡ്സ്റ്റാ​ക്കി, അദ്ദേ​ഹ​ത്തി​ന്റെ ട്രാ​ജ​ഡി​യു​ടെ മൂ​ല​കാ​ര​ണ​ക്കാ​രി തന്റെ മാ​താ​വാ​ണെ​ന്നു സ്ഥാ​പി​ച്ചി​ട്ടു​ണ്ടു്. മനു​ഷ്യ​സ​ഹ​ജ​ങ്ങ​ളായ സൗ​മ്യ​വി​കാ​ര​ങ്ങ​ളെ മത​ത്തി​ന്നു​വേ​ണ്ടി ബലി​ക​ഴി​ക്കു​ന്ന​തു മാ​ന്യ​ത​യു​ടെ ഉത്ത​മ​ല​ക്ഷ​ണ​മാ​ണെ​ന്നു വി​ശ്വ​സി​ച്ചി​രു​ന്ന ഒരു ബൂർ​ഷ്വാ​സി​ക​ളിൽ​പ്പെ​ട്ട അതി​ഭ​ക്ത​യായ ഒരു കത്തോ​ലി​ക്ക മാ​താ​വാ​യി​രു​ന്നു ആ സ്ത്രീ. അവ​രു​ടെ രൗ​ദ്ര​മായ ശി​ക്ഷ​ണം റിം​ബോ​വിൽ മത​വി​ദ്വേ​ഷ​വും മാ​ന്യ​താ​വി​ദ്വേ​ഷ​വും ജനി​പ്പി​ക്കു​ക​യും, ബാ​ല്യ​ത്തിൽ​ത്ത​ന്നെ വീടു വി​ട്ടോ​ടി​പ്പോ​കു​വാൻ അദ്ദേ​ഹ​ത്തെ പ്രേ​രി​പ്പി​ക്കു​ക​യും ചെ​യ്തു. ‘ആദ്യ​ത്തെ കമ്യൂ​ണി​യൻ’ എന്ന കവി​ത​യിൽ മാ​താ​വി​ന്റെ കൊടിയ മത​ഭ​ക്തി അവരെ എങ്ങ​നെ ചീ​ത്ത​യാ​ക്കി​യെ​ന്നു റിംബോ തന്നെ ധ്വ​നി​പ്പി​ച്ചു​ട്ടു​ണ്ടു്.

ഇതു​പോ​ലെ, നാ​ലു​പേർ​ക്കൊ​പ്പം മാ​ന്യ​മാ​യി കു​ടും​ബാം​ഗ​ങ്ങ​ളെ വളർ​ത്തി​ക്കൊ​ണ്ടു പോ​കു​വാൻ അവ​രോ​ടു പണ​മു​ണ്ടാ​ക്കു​ന്ന​തി​നു പ്രാ​മു​ഖ്യം കൊ​ടു​ത്തു​കൊ​ണ്ടു​ള്ള ഉഗ്ര​മായ ശി​ക്ഷ​ണം പൊ​ന്തി​ച്ചു​നി​ല്ക്കു​ന്ന പെ​രു​മാ​റ്റം കൂ​ടി​യേ തിരൂ എന്നു വി​ശ്വ​സി​ച്ചി​രു​ന്ന ദേ​ഹ​മ​ത്രേ ശ്രീ. ബഷീ​റി​ന്റെ പി​താ​വു്. ശ്രീ. ബഷീ​റി​നെ ബാ​ല്യ​ത്തിൽ​ത്ത​ന്നെ വി​ടു​വി​ട്ടോ​ടി​പ്പോ​കു​വാ​നും, മാ​ന്യ​ത​യെ വെ​റു​ക്കു​ന്ന വി​പ്ല​വ​കാ​രി​യായ ഒരു സാ​ഹി​ത്യ​കാ​ര​നാ​കു​വാ​നും ഇതു ഇട​യാ​ക്കി. എന്നാ​ലും റിംബോ മാ​താ​വി​നെ ഗാ​ഢ​മാ​യി സ്നേ​ഹി​ച്ചി​രു​ന്ന​തു​പോ​ലെ, ബഷീ​റും പി​താ​വി​നെ സ്നേ​ഹി​ച്ചി​രു​ന്നു. ഇതി​ലാ​ണു് ഇവർ ഇരു​വ​രു​ടേ​യും ട്രാ​ജ​ഡി സ്ഥി​തി​ചെ​യ്യു​ന്ന​തു്. ഈ പി​തൃ​പു​ത്ര​ട്രാ​ജ​ഡി​യാ​ണു് ഭാ​ഷാ​സാ​ഹി​ത്യ​ത്തി​ലെ ഉത്തമ ചെ​റു​നോ​വ​ലു​ക​ളി​ലൊ​ന്നായ ‘ബാ​ല്യ​കാ​ല​സ​ഖി’യിൽ ബഷീർ ചി​ത്രീ​ക​രി​ച്ചി​ട്ടു​ള്ള​തും. ശീ​ല​ത്തി​ന്റെ​യും, മാ​മൂ​ലി​ന്റെ​യും പു​ത്രി​യായ ‘മാ​ന്യത’യെന്ന നി​രർ​ത്ഥ​മായ മു​ദ്രാ​വാ​ക്യ​ത്തി​ന്റെ വി​വി​ധ​വ​ശ​ങ്ങ​ളെ ‘ജന്മ​ദി​നം’ എന്ന കഥാ​സ​മാ​ഹാ​ര​ത്തി​ലെ ‘ജന്മ​ദി​നം’ ‘ഐഷ​ക്കു​ട്ടി’ ‘സെ​ക്ക​ണ്ട് ഹാൻഡ്’ ആദി​യായ ചില ചെ​റു​ക​ഥ​ക​ളി​ലും ‘അനര്‍ഘ​നി​മി​ഷം’, ‘കഥാ​ബീ​ജം’. ‘പ്രേ​മ​ലേ​ഖ​നം’ മു​ത​ലായ കൃ​തി​ക​ളി​ലും ബഷീർ വെ​ല്ലു​വി​ളി​ച്ചി​ട്ടു​ണ്ടു്. ഭാ​ര​തീ​യ​സാ​ഹി​ത്യ​ത്തി​ലേ​യും ഭാ​ഷാ​സാ​ഹി​ത്യ​ത്തി​ലേ​യും പരാ​ജ​യ​പ്ര​സ്ഥാ​ന​ത്തിൽ​പ്പെ​ട്ട ഉത്ത​മ​ചെ​റു​ക​ഥ​ക​ളി​ലൊ​ന്നായ ‘ശബ്ദ​ങ്ങ​ളി’ൽ ഈ വെ​ല്ലു​വി​ളി പര​മ​കാ​ഷ്ഠ പ്രാ​പി​ച്ചി​രി​ക്കു​ന്ന​തു കാണാം. മാ​ന്യ​ത​യു​ടെ തോ​തി​ന്നും മറ്റു​ള്ള കാ​ര്യ​ങ്ങ​ളെ​പ്പോ​ലെ യു​ഗം​തോ​റും മാ​റ്റ​മു​ണ്ടാ​കു​ന്ന​താ​ണെ​ന്നും, നര​വം​ശ​ങ്ങ​ളെ ആസ്പ​ദി​ച്ചും മാ​ന്യ​ത​യു​ടെ തോ​തു​കൾ​ക്കു തമ്മിൽ വ്യ​ത്യാ​സ​മു​ണ്ടാ​യി​രി​ക്കു​മെ​ന്നു​ള്ള പച്ച​പ്പ​ര​മാർ​ത്ഥ​വും ഇവിടെ ചൂ​ണ്ടി​ക്കാ​ണി​ച്ചു​കൊ​ള്ള​ട്ടെ.

12 അദ്ധ്യാ​യ​ങ്ങ​ളു​ണ്ടെ​ങ്കി​ലും, പ്ര​കൃ​ത​കൃ​തി ഒരു ചെ​റു​നോ​വ​ല​ല്ല, പി​ന്നെ​യോ, ഒരു ദീർ​ഘ​ചെ​റു​കഥ മാ​ത്ര​മാ​ണു്. ഇന്ന​ത്തെ ലോകം ഒരു ചി​ത്ത​രോ​ഗാ​സ്പ​ത്രി​യാ​ണെ​ന്നു​ള്ള ഏകീ​കൃത ബോധം (യൂ​ണി​റ്റി ഓഫ് ഇമ്പ്ര​ഷൻ) ‘ശബ്ദ​ങ്ങൾ’ ജനി​പ്പി​ക്കു​ന്ന​തു നി​മി​ത്ത​മാ​ണു് ഇതു് ഒരു ചെ​റു​ക​ഥ​യേ​യും ഒരു നോ​വ​ലി​നേ​യും, തമ്മിൽ വേർ​തി​രി​ക്കേ​ണ്ട​തു്. ഒരു ചെ​റു​ക​ഥ​യ്ക്കു ഇത്ര ദൈർ​ഘ്യ​മേ ആകാവൂ എന്നൊ​രു നി​യ​മ​വു​മി​ല്ല. ദൈർ​ഘ്യം ഏറി​യി​രു​ന്നാ​ലും, പ്ര​സ്തുത ഏകീ​കൃ​ത​ബോ​ധം ജനി​പ്പി​ക്കു​ന്നു​വെ​ങ്കിൽ, അതു ഒരു ചെ​റു​ക​ഥ​യാ​യി​രി​ക്കും. നോവൽ ചെ​റു​കഥ എന്നീ രണ്ടു രൂ​പ​ങ്ങ​ളു​ടെ സാ​ങ്കേ​തി​ക​മാർ​ഗ്ഗ​ങ്ങൾ​ക്കു തമ്മിൽ വ്യ​ത്യാ​സ​വു​മു​ണ്ടു്. ഉദാ​ഹ​ര​ണ​മാ​യി ബഷീ​റി​ന്റെ 96 പേ​ജു​ള്ള ‘ബാ​ല്യ​കാ​ല​സ​ഖി’ ഒരു ചെ​റു​നോ​വ​ലും 103 പേ​ജു​ള്ള ‘ശബ്ദ​ങ്ങൾ’ ഒരു ചെ​റു​ക​ഥ​യു​മാ​ണു്. ഒന്നാം തരം ചെ​റു​ക​ഥ​യെ​ഴു​ത്തു​കാ​രായ കി​പ്ലി​ങ്ങ്, ജേ​ക്ക​ബ്സ്, ടാഗോർ, കാ​ത​റൈൻ മാൻ​സ്ഫീൽ​ഡ് മു​ത​ലായ പലരും നോ​വ​ലെ​ഴു​ത്തിൽ പരാ​ജ​യ​പ്പെ​ട്ടി​ട്ടു​ണ്ടു്. വി​ശ്വ​സാ​ഹി​ത്യ​ത്തിൽ എച്ച്. ജി. വെ​ത്സ്, ടോൾ​സ്റ്റാ​യ്, ഗോഗോൾ, മാ​പ്പ​സ​ങ്ങ്, സോമർ സെ​റ്റ്മാം, മുൽ​ക്ക് രാജ് ആന​ന്ദ് എന്നി​വ​രെ​പ്പോ​ലെ​യു​ള്ള അപൂർ​വ്വം ചി​ല​രും ഭാ​ഷാ​സാ​ഹി​ത്യ​ത്തിൽ തക​ഴി​യും, ബഷീ​റും മാ​ത്ര​മേ രണ്ടി​ലും ഒന്നു​പോ​ലെ വി​ജ​യി​ച്ചി​ട്ടു​ള്ളു.

ഒരു നാലും കൂടും വഴി​യിൽ​നി​ന്നു് ഒരു വൈ​ദി​കൻ എടു​ത്തു വളർ​ത്തിയ ഒരു ചോ​ര​ക്കു​ഞ്ഞു വളർ​ന്നു് ഒരു പട്ടാ​ള​ക്കാ​ര​നാ​യി രണ്ടാം​ലോ​ക​യു​ദ്ധ​ത്തിൽ പങ്കു​കൊ​ള്ളു​ന്നു. അവി​ടെ​നി​ന്നു പതി​വായ സി​ഫി​ലി​സ്രോ​ഗം പോലും സമ്പാ​ദി​ക്കാ​തെ തി​രി​ച്ചു​വ​ന്ന അദ്ദേ​ഹ​ത്തി​ന്നു തന്റെ ധൈ​ര്യം മുഖേന ഒരു ഉപ​ജീ​വ​ന​മാർ​ഗ്ഗം ലഭി​യ്ക്കു​ന്നു. അന​ന്ത​രം മനു​ഷ്യ​സ​ഹ​ജ​മായ ലൈം​ഗിക ജീ​വി​ത​ജി​ജ്ഞാ​സ​യും മറ്റൊ​രാ​ളു​ടെ വഞ്ച​ന​യും ഹേ​തു​വാ​യി താൻ ചെ​യ്യു​ന്ന​തെ​ന്തെ​ന്ന​റി​യാ​തെ അദ്ദേ​ഹം സ്വ​വർ​ഗ്ഗ സം​ഭോ​ഗം ചെ​യ്തു ഗൊ​ണോ​റി​യാ രോഗം നേ​ടു​ന്നു. ഈ നേ​ട്ടം വരു​ത്തി​വ​ച്ച ഫല​ങ്ങൾ​നി​മി​ത്തം അദ്ദേ​ഹം തെ​രു​വും തി​ണ്ണ​യു​മാ​ശ്ര​യി​ച്ചു ജീ​വി​ക്കു​ക​യും, സമ​കാ​ലീ​ന​ജീ​വി​ത​ത്തി​ന്റെ പല​വ​ശ​ങ്ങൾ കാ​ണു​ക​യും ചെ​യ്യു​ന്നു. പ്ര​സ്തുത രോഗം കൊ​ണ്ടു​ള്ള കാ​യി​ക​പീ​ഡ​യും ഇന്ന​ത്തെ ലോ​ക​ത്തി​ന്നു് ഒരു ചി​ത്ത​രോ​ഗാ​സ്പ​ത്രി​യോ​ടു​ള്ള സാ​ദൃ​ശ്യ​ത്തി​ന്റെ ബോ​ധ​വും വരു​ത്തി​വ​ച്ച കൊടിയ നൈ​രാ​ശ്യം തന്നെ ആത്മ​ഹ​ത്യ​യ്ക്കു പ്രേ​രി​പ്പി​ച്ചു​വെ​ങ്കി​ലും, ഇതി​ലും അദ്ദേ​ഹം പരാ​ജ​യ​പ്പെ​ടു​ന്നു. എന്നി​ട്ടു് ചില സന്ദർ​ഭ​ങ്ങ​ളിൽ മനു​ഷ്യർ​ക്കു സഹ​ജ​മാ​യി തോ​ന്നാ​റു​ള്ള കു​മ്പ​സാ​ര​മോ​ഹ​ത്തി​നു വഴി​പ്പെ​ട്ടു് അദ്ദേ​ഹം ഒരു രാ​ത്രി താൻ ബഹു​മാ​നി​ക്കു​ന്ന ഒരു സാ​ഹി​ത്യ​കാ​ര​ന്റെ വീ​ട്ടിൽ കേ​റി​ച്ചെ​ന്നു് ആ മനു​ഷ്യ​നോ​ടു തന്റെ ചരി​ത്രം, ലോ​ക​ത്തി​ന്റെ ഭ്രാ​ന്തു തന്നി​ലും പകർ​ന്ന​മ​ട്ടിൽ, പറ​ഞ്ഞു​കേൾ​പ്പി​ക്കു​ന്നു. ഇതാ​ണു് കഥ​യു​ടെ പോ​ക്കു്. ഇട​യ്ക്കി​ട​യ്ക്കു് അസം​ഗ​ത​ങ്ങ​ളായ പ്ര​കൃ​തി​ലാ​വ​ണ്യ വർ​ണ്ണന, വി​ശ്വ​ത്തി​ന്റെ പരി​ണാ​മാ​ദി പ്ര​ശ്ന​ങ്ങൾ എന്നിവ വലി​ച്ചു​കൊ​ണ്ടു​വ​ന്നി​ട്ടു​ണ്ടു്. പ്ര​സ്തുത ചി​ത്ത​ഭ്രമ അന്ത​രീ​ക്ഷം തുടരേ ധ്വ​നി​പ്പി​ക്കു​വാ​നും, ലാ​വ​ണ്യ​പൂർ​ണ്ണ​മാ​യി ജീ​വി​ക്കേ​ണ്ട മനു​ഷ്യൻ ഇന്നു് എത്ര​യ​ധി​കം വൈ​രൂ​പ്യ​പൂർ​വ്വം ജീ​വി​ച്ചു​വ​രു​ന്നു എന്നും വി​ശ്വ​പ​രി​ണാ​മാ​ദി പ്ര​ശ്ന​ങ്ങൾ​ക്കു തു​ല്യം പ്രാ​ധാ​ന്യ​മേ​റി​യ​വ​യാ​ണു് പട്ടി​ണി​ബ​ഹി​ഷ്ക്ക​ര​ണം, രോ​ഗ​നി​വാ​ര​ണം ആദി​യായ ഭൗ​തി​ക​പ്ര​ശ്ന​ങ്ങ​ളെ​ന്നും കാ​ണി​ക്കു​വാ​നു​മാ​ണു് ഇങ്ങി​നെ ചെ​യ്തി​രി​ക്കു​ന്ന​തു്. ഇതിലെ കു​മ്പ​സാര സാ​ങ്കേ​തി​ക​മാർ​ഗ്ഗം ബഷീ​റി​ന്റെ ജന്മ​സി​ദ്ധ​മായ കലാ​വാ​സ​ന​യ്ക്ക് ഒരു നല്ല ഉദാ​ഹ​ര​ണ​മാ​ണു്. ഈ കഥ​യി​ലെ സാ​ഹി​ത്യ​കാ​ര​നെ​പ്പോ​ലെ ചി​ന്താ​ശീ​ല​നായ മറ്റൊ​രാ​ളു​ടെ വി​മർ​ശ​നം കൂ​ടാ​തെ സ്വ​ന്തം കഥ കഥാ​കാ​രൻ​ത​ന്നെ പറ​യു​ന്ന ആഖ്യാ​ന​രീ​തി വി​ജ​യി​ക്കു​ന്ന​ത​ല്ലെ​ന്നു​ള്ള പര​മാർ​ത്ഥം ഗ്ര​ഹി​ച്ചി​ട്ടാ​ണു് ബഷീർ ഈ സാ​ഹി​ത്യ​കാ​ര​നെ ഇതിൽ കൊ​ണ്ടു​വ​ന്നി​ട്ടു​ള്ള​തും.

മാ​ന്യ​ത​യോ​ടു​ള്ള പര​മ​മായ വെ​ല്ലു​വി​ളി, കലാ​മാ​ഹ​ത്മ്യം, എന്നി​വ​യ്ക്കു പുറമേ പ്ര​കൃ​ത​കൃ​തി​ക്കു മറ്റു ചില വൈ​ശി​ഷ്ട​ങ്ങ​ളും പ്ര​ത്യേ​ക​ത​ക​ളും ഉള്ള​താ​യി കാണാം. ഒന്നാ​മ​താ​യി ഞാൻ ശ്രീ. പൊ​റ്റേ​ക്കാ​ട്ടി​ന്റെ ‘പൗർ​ണ്ണ​മി’ നി​രൂ​പ​ണം ചെ​യ്ത​പ്പോൾ ചൂ​ണ്ടി​ക്കാ​ണി​ച്ചി​രു​ന്ന ഒരു പ്ര​ത്യേ​കത ഇതി​ലു​ണ്ടു്, രോ​ഗാ​തു​ര​രു​ടെ പീ​ഡി​ത​ജീ​വി​തം അനു​ഭാ​വ​പൂർ​വ്വം വർ​ണ്ണി​ച്ചി​ട്ടു​ള്ള​താ​ണു് ഇതു്. ‘പൗർ​ണ്ണ​മി’യിലെ ‘ആശ്ര​മ​ത്തി​ന്റെ നെ​ടു​വീർ​പ്പു​കൾ’ എന്ന കഥയിൽ കു​ഷ്ഠ​രോ​ഗി​ക​ളു​ടെ ജീ​വി​തം വർ​ണ്ണി​ച്ചി​രി​ക്കു​ന്നു. ‘ശബ്ദ​ങ്ങ​ളി’ലാ​ക​ട്ടെ ഗൊ​ണൊ​റി​യാ രോ​ഗി​ക​ളു​ടെ ജീ​വി​ത​മാ​ണു് പ്ര​തി​പാ​ദി​ച്ചി​ട്ടു​ള്ള​തു്. പൊ​റ്റേ​ക്കാ​ട്ടി​ന്റെ പ്ര​സ്തു​ത​ക​ഥ​യി​ലെ ഒരു​ത​രം ന്യൂ​ന​ത​യാ​യി ഞാൻ ചൂ​ണ്ടി​ക്കാ​ണി​ച്ചി​രു​ന്ന​തും, ഇന്ന​ത്തെ ശാ​സ്ത്രീയ കണ്ടു​പി​ടി​ത്ത​ങ്ങ​ളെ​ക്കു​റി​ച്ചു​ള്ള അജ്ഞ​ത​യിൽ​നി​ന്നു ജനി​ക്കു​ന്ന​തു​മായ പരാ​ജ​യ​മ​ന​സ്ഥി​തി ബഷീ​റി​ന്റെ കഥ​യി​ലും കാണാം.

രണ്ടാ​മ​താ​യി, ആധു​നിക ഭാ​ഷാ​സ​ഹി​ത്യ​ത്തിൽ ഇന്നു​വ​രെ ആരും തു​റ​ന്നു വർ​ണ്ണി​ച്ചി​ട്ടി​ല്ലാ​ത്ത സ്വ​വർ​ഗ്ഗ​സം​ഭോ​ഗം പ്ര​കൃ​ത​കൃ​തി​യിൽ തു​റ​ന്നു വർ​ണ്ണി​ച്ചി​രി​ക്കു​ന്നു. വി​ശ്വ​സാ​ഹി​ത്യ​ത്തിൽ പല മഹാ​സാ​ഹി​ത്യ​കാ​ര​ന്മാ​രും ഇതിനെ പ്ര​തി​പാ​ദി​ച്ചി​ട്ടു​ണ്ടു്. ഇതി​ന്നു് ഉദാ​ഹ​ര​ണ​ങ്ങൾ പെ​ട്രോ​ണി​യ​സ് എന്ന പ്രാ​ചിന ലത്തീൻ സാ​ഹി​ത്യ​കാ​ര​നും, ദിദറോ, ബൽ​സാ​ക്ക്, ഗോ​തി​യേ, ഫ്ളാ​ബർ​ട്ട്, മോ​പ്പ്സ​ങ്ങ്, ബെലോ, ബൂർഷേ, കാ​തു​ല്ലേ​മെ​ന്ദെ​സ്, ലമാർ​തീൻ, വെർ​ലെ​യിൻ, പീയർ ലൂ​യി​സ് എന്നി ഫ്ര​ഞ്ചു​സാ​ഹി​ത്യ​കാ​ര​രും, ഏക്കു​ദ് എന്ന ബെൽ​ജി​യൻ സാ​ഹി​ത്യ​കാ​ര​നും, നോബൽ സമ്മാ​നം നേടിയ തോ​മ​സ്മാൻ എന്ന ജർ​മ്മൻ സാ​ഹി​ത്യ​കാ​ര​നും, സ്വിൻ​ബേൺ, ഡി. എച്ച്. ലാ​റൻ​സ്, എച്ച്. ഈ. ബേ​റ്റ്സ്, എന്നീ ഇം​ഗ്ലീ​ഷ് സാ​ഹി​ത്യ​കാ​ര​രു​മാ​ണു്. ശ്രീ പൊൻ​കു​ന്നം വർ​ക്കി ‘നി​വേ​ദന’ത്തി​ലെ ‘പാ​ള​ങ്കോ​ടൻ’ എന്ന കഥ​യി​ലും, ശ്രീ ചങ്ങ​മ്പുഴ തന്റെ പ്ര​സി​ദ്ധി​ക​രി​ക്കാ​ത്ത ഒരു കവി​ത​യായ ‘ആശ്ര​മ​മൃ​ഗം’ എന്ന​തി​ലും ഇതിനെ ധ്വ​നി​പ്പി​ക്കുക മാ​ത്രം ചെ​യ്തി​രു​ന്നു. ‘ശബ്ദ​ങ്ങ​ളി’ലെ സ്വ​വർ​ഗ്ഗ​ഭോഗ പ്ര​തി​പാ​ദ​നം മാ​ന്യ​രും സന്യാ​സി​മാ​രു​മായ നമ്മു​ടെ സഹൃ​ദ​യർ​ക്കു ചു​ഴ​ലി​രോ​ഗം പി​ടി​പ്പി​ക്കു​മെ​ന്നു ജീ​വി​ത​ത്തി​ന്റെ സൃ​ഷ്ടി​ക്കു പ്രാ​രം​ഭ​മാ​യി വേണ്ട സർ​വ്വേ​യിൽ ഇന്ന​ത്തെ ജീ​വി​ത​ത്തി​ന്റെ സകല വശ​ങ്ങ​ളും ഒന്നൊ​ഴി​യാ​തെ ചി​ത്രീ​ക​രി​ക്കേ​ണ്ട​താ​ണെ​ന്നു​ള്ള പരാ​ജ​യ​പ്ര​സ്ഥാ​നാ​ദർ​ശം പു​ര​സ്ക​രി​ച്ചു് ഈ വി​ഷ​യ​ത്തി​ന്റെ പ്ര​തി​പാ​ദ​നം സമ്പൂർ​ണ്ണ​മാ​യി ന്യാ​യീ​ക​രി​ക്കാ​വു​ന്ന​താ​ണു്.

മൂ​ന്നാ​മ​താ​യി, സം​ഗീ​താ​ത്മ​ക​ത്വം നി​മി​ത്തം ഇം​ഗ്ലീ​ഷ് കവി​താ​ലോ​ക​ത്തി​ലെ ചങ്ങ​മ്പുഴ എന്നു വി​ളി​ക്കാ​വു​ന്ന മഹാ​ക​വി സ്വിൻ​ബേൺ സ്ത്രീ​കൾ തമ്മി​ലു​ള്ള സ്വ​വർ​ഗ്ഗ​പ്ര​ണ​യം വർ​ണ്ണി​ക്കു​ന്ന “അന​ക്തോ​റി​യാ ” എന്ന കവിത രചി​ച്ച​തി​നെ​പ്പ​റ്റി ആർ​ണോൾ​ഡ് ബെ​ന്നെ​റ്റ് എന്ന നി​രൂ​പ​കൻ ഇങ്ങ​നെ പറ​ഞ്ഞി​രു​ന്നു: “പര​മ​മായ പ്ര​തി​ഭ​യു​ള്ള ഒരു സാ​ഹി​ത്യ​കാ​ര​നു തന്റെ ജന്മ​ദേ​ശ​ത്തോ​ടു കാ​ട്ടി​ക്കൂ​ട്ടാ​വു​ന്ന പ്രാ​യേണ അന​ന്യ​സ​ദൃ​ശ​മായ ഒരു നേ​ര​മ്പോ​ക്കു സ്വിൻ​ബേൺ നട​ത്തി​യി​രു​ന്നു.” പ്ര​തി​പാ​ദി​ക്കു​വാൻ നി​വൃ​ത്തി​യി​ല്ലാ​ത്ത ‘അന​ക്തോ​റിയ’ എന്ന മനോ​ഹ​ര​മായ കവിത രചി​ച്ചു് തന്റെ നാ​ട്ടി​ലെ സാ​ഹി​ത്യ​ത്തിൽ അതി​നു് ഒരു പര​മോ​ച്ച​സ്ഥാ​നം കൊ​ടു​ത്ത​താ​ണു് ഈ നേ​ര​മ്പോ​ക്കു്, ഇതു​പോ​ലെ നേ​ര​മ്പോ​ക്കു​കൾ ഭാ​ഷാ​സാ​ഹി​ത്യ​ത്തിൽ ഇന്നു​വ​രെ ഉണ്ടാ​യി​ട്ടു​ള്ള യഥാർ​ത്ഥ സാ​മു​ദാ​യിക നോ​വ​ലു​ക​ളിൽ വച്ചു ഉത്ത​മ​മായ “തോ​ട്ടി​യു​ടെ മകനി”ൽ മാ​ന്യ​മ​ല്ലാ​ത്ത തോ​ട്ടി​വേല മു​ഖ്യ​മാ​യി പ്ര​തി​പാ​ദി​ച്ചി​രി​ക്കു​ന്ന​തു​കൊ​ണ്ടു് തക​ഴി​യും, ഭാ​ഷാ​സാ​ഹി​ത്യ​ത്തി​ലെ ഒരു ഉത്തമ ചെ​റു​ക​ഥ​യായ ‘ശബ്ദ​ങ്ങ​ളി’ൽ അസ​ഭ്യ​മായ സ്വ​വർ​ഗ്ഗ​ഭോ​ഗം വ്യ​ക്ത​മാ​യി വർ​ണ്ണി​ച്ചി​ട്ടു​ള്ള​തു നി​മി​ത്തം ബഷീ​റും ഇപ്ര​കാ​ര​മു​ള്ള നേ​ര​മ്പോ​ക്കു​കൾ പ്ര​വർ​ത്തി​ച്ചി​രി​ക്കു​ന്നു.

നാ​ലാ​മ​താ​യി, വി​ശ്വ​സാ​ഹി​ത്യ​ത്തി​ലെ അവി​സ്മ​ര​ണീ​യ​ങ്ങ​ളും അത്യു​ജ്ജ്വ​ല​ങ്ങ​ളും, ലോ​കോ​ത്ത​ര​മായ അതി​വൈ​ചി​ത്ര്യ​മു​ള്ള​വ​യു​മായ രം​ഗ​ങ്ങ​ളിൽ ഒന്നു ബഷീർ പ്ര​കൃ​ത​കൃ​തി​യിൽ സൃ​ഷ്ടി​ച്ചി​രി​ക്കു​ന്നു. ഇതിലെ “അമ്മ​യും മകനും”, ‘ഭാ​വി​യി​ലെ ഒരു പൗരൻ’ എന്ന തല​ക്കെ​ട്ടു​ക​ളോ​ടു​കൂ​ടിയ 9-ാം, 10-ാം അദ്ധ്യാ​യ​ങ്ങ​ളിൽ ചി​ത്രീ​ക​രി​ച്ചി​ട്ടു​ള്ള വഴി​യ​മ്പ​ല​രം​ഗ​മാ​ണു് ഇതു്. ഇതിനെ സ്വ​പ്ന​ത്തിൽ കണ്ട ഒരു രംഗം പോ​ലെ​യാ​ക്കു​വാൻ ബഷീ​റി​നെ പ്രേ​രി​പ്പി​ച്ച കലാ​വാ​സ​ന​യേ​യും പ്ര​തി​ഭ​യേ​യും എത്ര​യ​ധി​കം പ്ര​ശം​സി​ച്ചാ​ലും അതു് അധി​ക​മാ​യി​പ്പോ​കു​ന്ന​ത​ല്ല. ഒരു ആസ്പ​ത്രി​യിൽ വെ​ടി​യേ​റ്റു കി​ട​ക്കു​ന്ന ഒരു പട്ടാ​ള​ക്കാ​ര​ന്റെ അടു​ക്കൽ പട്ടാ​പ്പ​കൽ മറ്റു​ള്ള​വർ അയാ​ളു​ടെ ഭാ​ര്യ​യെ സം​ഭോ​ഗ​ത്തി​നാ​യി കർ​ട്ട​നി​ട്ടു കട്ടി​ലി​ന​ക​ത്തു കൂ​ട്ടി​വി​ട്ടി​ട്ടു്, അതു കഴി​യു​ന്ന​തു​വ​രെ അവ​ളു​ടെ കു​ട്ടി​യെ എടു​ത്തു​കൊ​ണ്ടു നി​ല്ക്കു​ന്ന രംഗം ലക്ഷോ​പ​ല​ക്ഷം പ്ര​തി​കൾ നാനാ ഭാ​ഷ​ക​ളിൽ വി​റ്റ​ഴി​ഞ്ഞ സു​പ്ര​സി​ദ്ധ ജർ​മ്മൻ നോ​വ​ലായ റെ​മാ​ക്കി​ന്റെ ‘ആൾ​ക്വ​യ​റ്റ് ഓൺ ദി വെ​സ്റ്റേൺ ഫ്ര​ണ്ട് ’ എന്ന​തിൽ ചി​ത്രീ​ക​രി​ച്ചി​ട്ടു​ണ്ടു്. സോള യുടെ ‘നാനാ’യിലും, ചങ്ങ​മ്പു​ഴ​യു​ടെ ‘കളി​ത്തോ​ഴി’യിലും സം​ഭോ​ഗ​രംഗ ചി​ത്രീ​ക​ര​ണം കാണാം. ബഷീ​റി​ന്റെ പ്ര​സ്തുത വഴി​യ​മ്പ​ല​രം​ഗ​ത്തി​ലും ഒരു മാ​ന്യ​നും പി​ച്ച​ക്കാ​രി​യും തമ്മി​ലു​ള്ള സം​ഭോ​ഗ​ത്തി​ന്റെ പ്രാ​രം​ഭ​ത്തെ​പ്പ​റ്റി ഒരു വർ​ണ്ണ​ന​യു​ണ്ടു്. പക്ഷേ, ഇതൊ​ക്ക ഈ രം​ഗ​ത്തെ അവി​സ്മ​ര​ണീ​യ​വും ഉജ്ജ്വ​ല​വും വി​ചി​ത്ര​വു​മാ​ക്കി​ച്ച​മ​ച്ചി​ട്ടു​ള്ള​തു്. ഈ രം​ഗ​ത്തിൽ നട​ക്കു​ന്ന സകല സം​ഗ​തി​ക​ളും ഒന്നി​ച്ചു​കൂ​ടി​യാ​ണു് പ്ര​സ്തുത ബോധം ഇതു ജനി​പ്പി​ക്കു​ന്ന​തു്. വി​ശാ​ല​മായ അമാ​ന്യ​ലോ​ക​ജീ​വി​തം കലാ​വാ​സ​നാ​പൂർ​വ്വം ഫോർ​ഷോർ​ട്ട​നി​ങ്ങ് ചെ​യ്തു ബഷീർ ഇതിൽ ചി​ത്രീ​ക​രി​ച്ചി​രി​ക്കു​ന്നു.

ഇവ​യ്ക്കു പുറമേ, പ്ര​കൃ​ത​കൃ​തി​യിൽ മഹാ​യു​ദ്ധ​ങ്ങ​ളു​ടെ നി​രർ​ത്ഥ​ക​ത്വം, യു​ദ്ധ​ക്ക​ള​ങ്ങ​ളി​ലെ ഭീ​ക​ര​ത്വം, ആഭ്യ​ന്ത​ര​വർ​ഗ്ഗീയ യു​ദ്ധ​ക്ക​ള​ങ്ങ​ളി​ലെ ഭീ​ക​ര​ത്വം, ആഭ്യ​ന്ത​ര​വർ​ഗ്ഗീയ യു​ദ്ധ​ങ്ങ​ളു​ടെ മൃ​ഗീ​യ​ത്വം, മാ​ന്യ​മെ​ന്നു പറ​ഞ്ഞു വരു​ന്ന ജീ​വി​ത​ങ്ങ​ളി​ലെ മാ​ന്യ​ത​യി​ല്ലാ​യ്മ​യും സു​ഖ​മി​ല്ലാ​യ്മ​യും, മാ​ന്യ​ര​ല്ലെ​ന്നു പറ​ഞ്ഞ​വ​രു​ടെ ജീ​വി​ത​ത്തി​ലെ യഥാർ​ത്ഥ മാ​ന്യ​ത​യും സു​ഖ​വും, ജനി​ക്കു​ന്ന മത​ത്തിൽ തന്നെ മനു​ഷ്യൻ വളർ​ന്നു വര​ണ​മെ​ന്നു​ള്ള വയ്പി​ന്റെ യു​ക്തി​രാ​ഹി​ത്യം, വേ​ശ്യാ​വൃ​ത്തി, പാ​തി​വ്ര​ത്യം മു​ത​ലായ പല പ്ര​ശ്ന​ങ്ങ​ളും ബഷീർ ഭം​ഗി​യാ​യി ധ്വ​നി​പ്പി​ച്ചി​രി​ക്കു​ന്നു.

ഗ്ര​ന്ഥ​കർ​ത്താ: വൈ​ക്കം മു​ഹ​മ്മ​ദ് ബഷീർ.

പ്ര​സാ​ധ​കർ: നേഷണൽ ബു​ക്ക് സ്റ്റാൾ, കോ​ട്ട​യം.

വില: 1ക. 8ണ.—മം​ഗ​ളോ​ദ​യം, തുലാം 1123.

(വൈ​ക്കം മു​ഹ​മ്മ​ദ് ബഷീ​റി​ന്റെ ലേ​ഖ​ന​ത്തി​നു് കേസരി ബാ​ല​കൃ​ഷ്ണ​പി​ള്ള എഴു​തിയ നി​രൂ​പ​ണം.)

പാ​ശ്ചാ​ത്യ സാ​ഹി​ത്യ ചി​ന്ത​ക​ളു​ടെ ഊഷ്മള ചൈ​ത​ന്യം മലയാള ഭാ​ഷ​യി​ലേ​ക്കു് ആവാ​ഹി​ച്ച ഫ്യൂ​ച്ച​റി​സ്റ്റ് ചി​ന്ത​ക​നും വി​മർ​ശ​ക​നും. പത്ര​പ്ര​വർ​ത്ത​കൻ, നി​രൂ​പ​കൻ, ചരി​ത്ര​കാ​രൻ എന്നീ നി​ല​ക​ളിൽ ശ്ര​ദ്ധേ​യ​നായ മല​യാ​ള​സാ​ഹി​ത്യ​കാ​ര​നാ​യി​രു​ന്നു കേസരി എന്ന​റി​യ​പ്പെ​ടു​ന്ന കേസരി എ. ബാ​ല​കൃ​ഷ്ണ​പി​ള്ള. ജീ​വി​ത​ത്തി​ലും സാ​ഹി​ത്യ​ത്തി​ലും അദ്ദേ​ഹം ഒരു വി​പ്ല​വ​കാ​രി​യാ​യി​രു​ന്നു.

1889-ൽ തമ്പാ​നൂ​രി​ലെ പു​ളി​ക്കൽ മേലേ വീ​ട്ടിൽ ജനനം. പണ്ഡി​ത​നും ഗ്ര​ന്ഥ​കാ​ര​നു​മായ ദാ​മോ​ദ​രൻ​കർ​ത്താ​വാ​ണു് അച്ഛൻ. അമ്മ പാർ​വ്വ​തി അമ്മ. കു​ടി​പ്പ​ള്ളി​ക്കൂ​ട​ത്തി​ലും കൊ​ല്ലം ഹൈ​സ്ക്കൂ​ളി​ലു​മാ​യി സ്ക്കൂൾ വി​ദ്യാ​ഭ്യാ​സം. 1908-ൽ തി​രു​വ​ന​ന്ത​പു​രം മഹാ​രാ​ജാ​സ് കോ​ളേ​ജിൽ നി​ന്നു് ചരി​ത്രം ഐഛി​ക​മാ​യെ​ടു​ത്തു് ബി. എ. ജയി​ച്ചു. ഗേൾസ് കോ​ളേ​ജി​ലും കൊ​ല്ലം മഹാ​രാ​ജാ​സ് കോ​ളേ​ജി​ലും ചരി​ത്രാ​ദ്ധ്യാ​പ​ക​നാ​യി ജോലി ചെ​യ്തു. സാ​യാ​ഹ്ന​ക്ലാ​സിൽ പഠി​ച്ചു് 1913-ൽ ബി. എൽ. ജയി​ച്ചു. 1917-ൽ ജോലി രാജി വെ​ച്ചു വക്കീ​ലാ​യി പ്രാ​ക്റ്റീ​സ് തു​ട​ങ്ങി. 1922 വരെ തി​രു​വ​ന​ന്ത​പു​രം ഹൈ​ക്കോ​ട​തി​യിൽ വക്കീ​ലാ​യി​രു​ന്നു.