വെ­റ്റി­ല­യിൽ ചെ­റി­യോ­രോ­ട്ട.

ചെ­റു­തേ­തും വ­ലു­തിൻ സൂചന.

പെ­രു­കാ­മി­തു് പെരിയ കി­ട­ങ്ങാ­യ്.

ഒരു പുഴു ഒ­ളി­വി­ലി­രു­ന്നു്

തു­ള­യ്ക്കു­ന്നോ കാതൽ?

പേ­ജോ­രോ­ന്നും

വാ­ക്കോ­രോ­ന്നും

വെ­ളി­വോ­രോ­ന്നും

വീ­റാ­യ് വീശും കൊ­ടി­യോ­രോ­ന്നും

തു­ള­യി­ട്ടു് തു­ല­യ്ക്കു­ന്നോ

ഒ­ളി­വി­ലി­രു­ന്നൊ­രു തി­മി­ര­ക്കീ­ടം?

ചെ­യ്തി­കൾ തോറും

ദൃ­ശ്യം തോറും

സാരം തോ­റു­മി­രു­ണ്ട കയം.

ഒരു പുഴു ഉ­ള്ളി­ലി­രു­ന്നു്

ചു­രു­ട്ടു­ന്നോ നമ്മെ,

ഉ­ള്ളു് ചു­രു­ട്ടി­ക്കീ­ടം?

ത­ട­യു­ന്നോ ഭീ­രു­ക്കീ­ടം

മു­ഴു­രൂ­പം ഉ­ദി­ക്കൽ?

മു­ഴു­നോ­ട്ടം നോ­ക്കൽ?

മു­ഴു­സ­ത്യം കാണൽ?

മു­ഴു­പ്രേ­മം പ്രേ­മി­ക്കൽ?

മു­ഴു­മ­യ്ക്കാ­യ് പോ­രാ­ടി

മു­ഴു­നീ­തി ജ­യി­ക്കൽ?

മു­ഴു­ജ­ന്മം ജീ­വി­ക്കൽ?

ഒരു പുഴു മു­ന്നിൽ ന­ട­ന്നു് ന­യി­ക്കു­ന്നോ,

ഒരു വാ­ഗ്ദാ­ന­ക്കീ­ടം?

വീ­ഴ്ത്തു­ന്നോ തുള മൊ­ഴി­യിൽ

മി­നി­യാ­ന്നേ കൂടിയ കീടം?

കേ­ടി­ല്ലാ­തൊ­രു വി­ള­യും

പാ­ടി­ല്ലെ­ന്നോ കൃ­ഷി­യിൽ?

ഒരു പുഴു ന­മ്മെ­ത്തി­ന്നും

ന­മ്മി­ല­ഴു­ക്കു് നി­റ­ച്ചും

ഉ­ള്ളു് ക­ശ­ക്കു­ന്നോ?

ഒരു വി­ശ്വാ­സ­ക്കീ­ടം?

മ­ഴ­യെ­വി­ടെ­പ്പെ­യ്തെ­ന്നാ­ലും

ചോ­രു­ന്നെൻ കൂര.

പ്രാ­യ­മെ­നി­ക്കേ­റും തോറും.