.jpg){kind=link}
25
സൗഖ്യസ്മരണ
അൽഫ്രെദ് ദ് മ്യുസ്സെ (ALFRED DE MUSSET (1810-1857))
ദുഃഖകാലത്തുണരുന്ന പൂർവ്വസൗഖ്യസ്മരണപോലെ കയ്പുറ്റ അനുഭവം വേറെ ഇല്ലെന്നു ഇറ്റാലിയൻ മഹാകവി ദാന്തെ (DANTE 1265–1321) തന്റെ ‘ദിവ്യനാടകത്തിൽ’ പറഞ്ഞിട്ടുള്ളതിനെയാണ് മ്യുസ്സെ ഇവിടെ പരാമർശിച്ചിട്ടുള്ളത്.
‘ദുഃഖകാലത്തുണർന്നുവരുന്നതാം
പൂർവ്വസൗഖ്യസ്മൃതിപോലെ ഹീനമായ്
അന്യദുര്യോഗമി’ല്ലെന്നു, ‘ദാന്തെ’, നീ [1]
ചൊന്നിടുന്നതിൻ കാരണമെന്തുവാൻ?
തിക്തമാകുമീ വാക്യത്തിൻ പിന്നിലെ–
ച്ചിത്തവൃത്തിയേതേതെന്നറിഞ്ഞീലാ.
ചാരുരശ്മി ചൊരിഞ്ഞ മഹസ്സിനെ–
ക്കൂരിരുട്ടിൽ നാം വിസ്മരിക്കേണമോ?
ഭാഗ്യദോഷത്തിൻ നേർക്കു വിക്ഷിപ്തമാ–
മിപ്പരുഷോക്തി താവകം തന്നെയോ
ദുഃഖവഹ്നിയിൽ നീറിയകല്മഷ–
ചിത്തമാർന്നോരനശ്വരനായോവേ? [2]
മാദൃശർക്കു വെളിവരുളീടുമാ–
പ്പൂത ജ്യോതിസ്സിൽ നിന്നാവാൻ വയ്യിതു.
സ്ഫാരഹർഷാനുഭൂതിയെക്കാളിലും
പാരമാർത്ഥികമായിടാം തൽസ്മൃതി. [3]
മിന്നിടുന്നൊരു തീക്കനൽ ജീവിത–
മന്യുവിൻ ചുടുചാമ്പലിൽ കാണുവോൻ
വിസ്മയത്തിൻ വിടർമിഴിയോടെയാ
വിസ്ഫുരണത്തെ നോക്കിനിന്നീടവേ,
വേദനപ്പെടും വേളയിൽത്താനവ–
നോമനക്കിനാവൊന്നിനെപ്പുല്കവേ, [4]
അത്തലേറ്റും കരാളമായുള്ളൊരു
മിത്ഥ്യയാണതെന്നെന്തിനായ് ചൊല്ലണം?
ജീവിതത്തിന്റെ ഭാസുരഭാഗത്തിൻ
നൈമിഷികതയാലെ നിരാശരായ്
കേവലം കനിവാണതെന്നോതിടും [5]
ഭാഗ്യഹീനരേ, നിങ്ങൾതൻ ജീവിത–
മാകമാനമായേകനിമേഷമാം, [6]
തൂകിടായ്കതിൻ നാശമോർത്തശ്രുനീർ! [7]
പൂർവ്വസൗഖ്യസ്മൃതിപോലെ ഹീനമായ്
അന്യദുര്യോഗമി’ല്ലെന്നു, ‘ദാന്തെ’, നീ [1]
ചൊന്നിടുന്നതിൻ കാരണമെന്തുവാൻ?
തിക്തമാകുമീ വാക്യത്തിൻ പിന്നിലെ–
ച്ചിത്തവൃത്തിയേതേതെന്നറിഞ്ഞീലാ.
ചാരുരശ്മി ചൊരിഞ്ഞ മഹസ്സിനെ–
ക്കൂരിരുട്ടിൽ നാം വിസ്മരിക്കേണമോ?
ഭാഗ്യദോഷത്തിൻ നേർക്കു വിക്ഷിപ്തമാ–
മിപ്പരുഷോക്തി താവകം തന്നെയോ
ദുഃഖവഹ്നിയിൽ നീറിയകല്മഷ–
ചിത്തമാർന്നോരനശ്വരനായോവേ? [2]
മാദൃശർക്കു വെളിവരുളീടുമാ–
പ്പൂത ജ്യോതിസ്സിൽ നിന്നാവാൻ വയ്യിതു.
സ്ഫാരഹർഷാനുഭൂതിയെക്കാളിലും
പാരമാർത്ഥികമായിടാം തൽസ്മൃതി. [3]
മിന്നിടുന്നൊരു തീക്കനൽ ജീവിത–
മന്യുവിൻ ചുടുചാമ്പലിൽ കാണുവോൻ
വിസ്മയത്തിൻ വിടർമിഴിയോടെയാ
വിസ്ഫുരണത്തെ നോക്കിനിന്നീടവേ,
വേദനപ്പെടും വേളയിൽത്താനവ–
നോമനക്കിനാവൊന്നിനെപ്പുല്കവേ, [4]
അത്തലേറ്റും കരാളമായുള്ളൊരു
മിത്ഥ്യയാണതെന്നെന്തിനായ് ചൊല്ലണം?
ജീവിതത്തിന്റെ ഭാസുരഭാഗത്തിൻ
നൈമിഷികതയാലെ നിരാശരായ്
കേവലം കനിവാണതെന്നോതിടും [5]
ഭാഗ്യഹീനരേ, നിങ്ങൾതൻ ജീവിത–
മാകമാനമായേകനിമേഷമാം, [6]
തൂകിടായ്കതിൻ നാശമോർത്തശ്രുനീർ! [7]
SOUVENIR
കുറിപ്പുകൾ
[1]
വ്യഥയേ ഗതഭൂതിതൻ മനോ–
രഥമേകിടു വിപന്നലോകരിൽ
(ആശാൻ — സിംഹപ്രസവം)
രഥമേകിടു വിപന്നലോകരിൽ
(ആശാൻ — സിംഹപ്രസവം)
…ദോഷാശങ്കി നുകർന്നതങ്ങൊടുവിലോ–
ക്കാനിക്കുമാറിന്നതിൽ
ദോഷം തോന്നിയെനിക്കു ഭൂതസുഖവും
ദുഃഖീഭവിക്കുന്നുതേ
(ആശാൻ — ഒരു അനുതാപം)
ക്കാനിക്കുമാറിന്നതിൽ
ദോഷം തോന്നിയെനിക്കു ഭൂതസുഖവും
ദുഃഖീഭവിക്കുന്നുതേ
(ആശാൻ — ഒരു അനുതാപം)
പ്രേമം നശിച്ചെന്റെ മാനസം മേഘങ്ങൾ
മാറിയ വാനംപോലായപോതും
എങ്ങുനിന്നെന്നറിയാതെ വന്നോർമ്മയാം
കാർമേഘം തിങ്ങി നിറഞ്ഞിരുന്നു
(കെ. എം. പണിക്കർ — ബാലികാമതം)
മാറിയ വാനംപോലായപോതും
എങ്ങുനിന്നെന്നറിയാതെ വന്നോർമ്മയാം
കാർമേഘം തിങ്ങി നിറഞ്ഞിരുന്നു
(കെ. എം. പണിക്കർ — ബാലികാമതം)
[2]
തന്റെ പ്രേമഭാജനമായ Beatrice ന്റെ മരണത്താൽ ദാന്തെ നിത്യദുഃഖത്തിൽ നീറിയതിനെ പരാമർശിക്കുന്നു.
[3]
ഗതസരണിയിലെ സ്സുഖത്തെയെല്ലാം
ശതഗുണമായ് വിലകൂട്ടിയോർപ്പതുണ്ടാം
(വള്ളത്തോൾ — കീറത്തലയണ)
ശതഗുണമായ് വിലകൂട്ടിയോർപ്പതുണ്ടാം
(വള്ളത്തോൾ — കീറത്തലയണ)
സന്തപ്തജീവന്നു നഷ്ടസുഖസ്മൃതി–
തൻതണൽപോലുമത്യന്തമാശ്വാസദം
(ജി. — ആ മരം)
തൻതണൽപോലുമത്യന്തമാശ്വാസദം
(ജി. — ആ മരം)
മറഞ്ഞുപോയൊരാ മഹാപ്രകാശത്തെ
സ്മരണയിൽക്കണ്ടിട്ടകം കുളിർക്കവേ
(ഇടപ്പള്ളി — ഹൃദയാലാപം)
സ്മരണയിൽക്കണ്ടിട്ടകം കുളിർക്കവേ
(ഇടപ്പള്ളി — ഹൃദയാലാപം)
സ്മരണയായി പ്പറന്നുവന്നെന്നുമെൻ
മരണശയ്യയിൽ മാന്തളിർ ചാർത്തുവാൻ
(ഇടപ്പള്ളി — മണിനാദം)
മരണശയ്യയിൽ മാന്തളിർ ചാർത്തുവാൻ
(ഇടപ്പള്ളി — മണിനാദം)
എങ്കിലുമെത്ര മധുരമിന്നാ–
ത്തങ്കക്കിനാവിൻ സ്മരണപോലും
(ചങ്ങമ്പുഴ — കലാപ്രേമം മൂലം)
ത്തങ്കക്കിനാവിൻ സ്മരണപോലും
(ചങ്ങമ്പുഴ — കലാപ്രേമം മൂലം)
നിഹതനല്ല മനുഷ്യൻ സ്മൃതികൾതൻ
നിറമലർക്കാവധീനമായുള്ളവൻ
(ചങ്ങമ്പുഴ — തപ്തസ്മൃതി)
നിറമലർക്കാവധീനമായുള്ളവൻ
(ചങ്ങമ്പുഴ — തപ്തസ്മൃതി)
സുന്ദരസ്മൃതി തത്തുമെന്നന്ത്യ–
സ്പന്ദനങ്ങളിൽക്കൂടിയും
(ചങ്ങമ്പുഴ — തിരസ്കാരം)
സ്പന്ദനങ്ങളിൽക്കൂടിയും
(ചങ്ങമ്പുഴ — തിരസ്കാരം)
നഷ്ടസൗഭാഗ്യസ്മൃതികൾക്കധീനനാ–
യിഷ്ടപ്പെടുന്നിതവയെ ഞാനത്രമേൽ
… … …
സല്ലപിച്ചു കഴിച്ചിടട്ടിന്നാ–
നല്ലകാലസ്മൃതികളുമായ് ഞാൻ
(ചങ്ങമ്പുഴ — സ്പന്ദിക്കുന്ന അസ്ഥിമാടം)
യിഷ്ടപ്പെടുന്നിതവയെ ഞാനത്രമേൽ
… … …
സല്ലപിച്ചു കഴിച്ചിടട്ടിന്നാ–
നല്ലകാലസ്മൃതികളുമായ് ഞാൻ
(ചങ്ങമ്പുഴ — സ്പന്ദിക്കുന്ന അസ്ഥിമാടം)
ആരു ചവിട്ടിത്താഴ്ത്തിലുമഴലിൻ
പാതാളത്തിലൊളിക്കിലുമേതോ
പൂർവ്വസ്മരണയിലാഹ്ലാദത്തിൻ
ലോകത്തെത്തും ഹൃദയം
(സുഗതകുമാരി — പാവം മാനവഹൃദയം)
പാതാളത്തിലൊളിക്കിലുമേതോ
പൂർവ്വസ്മരണയിലാഹ്ലാദത്തിൻ
ലോകത്തെത്തും ഹൃദയം
(സുഗതകുമാരി — പാവം മാനവഹൃദയം)
പണ്ടത്തെ സ്മൃതികളാൽ പാലടയുണ്ടും…
(പി. ഭാസ്കരൻ — തേൻ നിറച്ച അരിപ്പ)
(പി. ഭാസ്കരൻ — തേൻ നിറച്ച അരിപ്പ)
പുണ്ണിൻനീറ്റത്തിലോർമ്മക്കുളിരമൃതു പുരട്ടുന്ന കൗമാരവായ്പും
(എൻ. എൻ. കക്കാട് — ത്രിശ്ലോകി)
(എൻ. എൻ. കക്കാട് — ത്രിശ്ലോകി)
ഈ മഹാധന്യമാമോർമ്മയിലെന്മനം
ശ്രീമയനിർവൃതി പൂണുമനുദിനം
(നളിനകുമാരി — അജ്ഞാതരാഗം)
ശ്രീമയനിർവൃതി പൂണുമനുദിനം
(നളിനകുമാരി — അജ്ഞാതരാഗം)
അതിമനേജ്ഞമക്കാലസ്മരണയെൻ
മതിയിലിന്നുമമൃതു പൊഴിക്കയാം
(സി. കൃഷ്ണൻനായർ — വേർപാടിൽ)
മതിയിലിന്നുമമൃതു പൊഴിക്കയാം
(സി. കൃഷ്ണൻനായർ — വേർപാടിൽ)
ഇറുന്ന പൂക്കളിലിഴയുമീ സുഖ–
സ്മൃതികളിലെത്ര വരകൾ, വർണ്ണങ്ങൾ
(കടമ്മനിട്ട — വരകൾ, വർണ്ണങ്ങൾ)
സ്മൃതികളിലെത്ര വരകൾ, വർണ്ണങ്ങൾ
(കടമ്മനിട്ട — വരകൾ, വർണ്ണങ്ങൾ)
ദുഃഖം കാണുന്നു സുഖകാലത്തു മർത്ത്യൻ
ദുഃഖകാലത്തും സുഖം കാണുന്നു
(ആശാൻ — ദുരവസ്ഥ)
ദുഃഖകാലത്തും സുഖം കാണുന്നു
(ആശാൻ — ദുരവസ്ഥ)
[4]
അവനിവാഴ്‌വു കിനാവു കഷ്ടം
(ആശാൻ — വീണപൂവ്)
(ആശാൻ — വീണപൂവ്)
ദൈവത്തിൻഗതി നാഗയാനകുടിലം നീർപ്പോളയിജ്ജീവിതം
(ആശാൻ — ഒരു അനുതാപം)
(ആശാൻ — ഒരു അനുതാപം)
മന്ദഹസിക്കും പ്രഭാതാർക്കരഞ്ജിത–
സുന്ദരഹൈമകണം ക്ഷണജീവിതം
(ജി. — ആ മരം)
സുന്ദരഹൈമകണം ക്ഷണജീവിതം
(ജി. — ആ മരം)
നിരഘമിജ്ജീവിതം പോലുമയ്യോ
വെറുമൊരു പൊള്ളയാം സ്വപ്നമെങ്കിൽ
(ചങ്ങമ്പുഴ — ആനന്ദലഹരി)
വെറുമൊരു പൊള്ളയാം സ്വപ്നമെങ്കിൽ
(ചങ്ങമ്പുഴ — ആനന്ദലഹരി)
ക്ഷണിതകയ്ക്കൊരു പര്യായമാം ഹിമ–
കണിക മാത്രമാണീലോകജീവിതം
(ചങ്ങമ്പുഴ — ഇരുളിൽ)
കണിക മാത്രമാണീലോകജീവിതം
(ചങ്ങമ്പുഴ — ഇരുളിൽ)
ഓമലേ, ജീവിതം സ്വപ്നമല്ലേ?
(ചങ്ങമ്പുഴ — ഹേമന്തചന്ദ്രികേ)
(ചങ്ങമ്പുഴ — ഹേമന്തചന്ദ്രികേ)
ജീവിതം, ജീവിതം സ്വപ്നംമാത്രം
കേവലമേതോ നിഴലുമാത്രം
(ചങ്ങമ്പുഴ — നിഴലുകൾ)
കേവലമേതോ നിഴലുമാത്രം
(ചങ്ങമ്പുഴ — നിഴലുകൾ)
[5]
കാലംകുറഞ്ഞദിനമെങ്കിലുമർത്ഥദീർഘം
മാലേറെയെങ്കിലുമതീവ മനോഭിരാമം
… … …
മേഘജ്യോതിസ്സുതൻ ക്ഷണികജീവിതമല്ലികാമ്യം?
(ആശാൻ — വീണപൂവ്)
മാലേറെയെങ്കിലുമതീവ മനോഭിരാമം
… … …
മേഘജ്യോതിസ്സുതൻ ക്ഷണികജീവിതമല്ലികാമ്യം?
(ആശാൻ — വീണപൂവ്)
അല്പനേരത്തിനാൽ മാഞ്ഞുപോമെങ്കിലു–
മപ്പുതുകാഴ്ചതാൻ പോരുമല്ലോ ചിരം
നീലാഭൂഭീതമാമെൻ മയൂരത്തെയും
പീലി പരത്തിച്ചു നൃത്തമാടിക്കുവാൻ
(വള്ളത്തോൾ — കാത്തിരിക്കൽ)
മപ്പുതുകാഴ്ചതാൻ പോരുമല്ലോ ചിരം
നീലാഭൂഭീതമാമെൻ മയൂരത്തെയും
പീലി പരത്തിച്ചു നൃത്തമാടിക്കുവാൻ
(വള്ളത്തോൾ — കാത്തിരിക്കൽ)
ഏകക്ഷണമാമളുക്കിലൊതുങ്ങിമേ
ലോകസുഖം ശതജന്യഭോഗ്യം തദാ
(ജി. — ആ മരം)
ലോകസുഖം ശതജന്യഭോഗ്യം തദാ
(ജി. — ആ മരം)
നിമിഷമാത്രാനുഭൂതിയിലാത്മാവിൽ
കുമിയുമാനന്ദ വേലിയേറ്റത്തിനാൽ
കരകളൊക്കെയും മുങ്ങിയ ജീവിത–
ക്കടലു കണ്ടു ഞാനേകമായ്, പൂർണ്ണമായ്
(ജി. — സാക്ഷാൽക്കാരം)
കുമിയുമാനന്ദ വേലിയേറ്റത്തിനാൽ
കരകളൊക്കെയും മുങ്ങിയ ജീവിത–
ക്കടലു കണ്ടു ഞാനേകമായ്, പൂർണ്ണമായ്
(ജി. — സാക്ഷാൽക്കാരം)
എന്തിനു, മർത്തയായുസ്സിൽ സാരമായതു ചില
മുന്തിയ സന്ദർഭങ്ങ, ളല്ല, മാത്രകൾമാത്രം
(വൈലോപ്പിള്ളി — ഊഞ്ഞാലിൽ)
മുന്തിയ സന്ദർഭങ്ങ, ളല്ല, മാത്രകൾമാത്രം
(വൈലോപ്പിള്ളി — ഊഞ്ഞാലിൽ)
അരനാഴികകൊണ്ടേ നീണ്ടൊരു ജന്മത്തിന്നു
പരമാം സാഫല്യത്തെച്ചേർക്കുമാനന്ദങ്ങൾക്കായ്
(ബാലാമണിയമ്മ — പ്രണാമം)
പരമാം സാഫല്യത്തെച്ചേർക്കുമാനന്ദങ്ങൾക്കായ്
(ബാലാമണിയമ്മ — പ്രണാമം)
ഈ വിധമോർമ്മിപ്പിച്ചു തൽസ്മിതമാത്മാവിന്നി–
ജ്ജീവിതം ക്ഷണപ്രായമാണു തൻ വളർച്ചയിൽ
(ബാലാമണിയമ്മ — കൽക്കത്തയിലെ ഇരുട്ടറ)
ജ്ജീവിതം ക്ഷണപ്രായമാണു തൻ വളർച്ചയിൽ
(ബാലാമണിയമ്മ — കൽക്കത്തയിലെ ഇരുട്ടറ)
കേവലമൊരു മുക്കിൽ മരിച്ചു കിടക്കുമെൻ
ജീവിതകാലത്തൊരു നിമിഷം ജീവിച്ചു ഞാൻ
(പി. കുഞ്ഞിരാമൻ നായർ — പൂവിതളുകൾ)
ജീവിതകാലത്തൊരു നിമിഷം ജീവിച്ചു ഞാൻ
(പി. കുഞ്ഞിരാമൻ നായർ — പൂവിതളുകൾ)
ഏക നിമേഷമതിൻ നീണ്ടു നില്പാണു
ലോകം പുകഴ്ത്തുന്ന നാകം
(ചങ്ങമ്പുഴ — വിജയി ഞാൻ)
ലോകം പുകഴ്ത്തുന്ന നാകം
(ചങ്ങമ്പുഴ — വിജയി ഞാൻ)
തെളിഞ്ഞു മിന്നുമീ നിമേഷത്തിന്നല്ലോ
തിഞ്ഞലഞ്ഞെത്ര ജടില ജന്മങ്ങൾ
(ദേവി — ഹരി നിനക്കായിക്കരുതിക്കാത്തു ഞാൻ)
തിഞ്ഞലഞ്ഞെത്ര ജടില ജന്മങ്ങൾ
(ദേവി — ഹരി നിനക്കായിക്കരുതിക്കാത്തു ഞാൻ)
ചൊല്ലിക്കേട്ടേനരനിമിഷമൊന്നാളിനില്പാണു ലക്ഷം
കൊല്ലം നീറിപ്പുകയുവതിലും കാമ്യമായുള്ളതത്രേ
(വിഷ്ണുനാരായണൻ നമ്പൂതിരി — അയൽക്കാരൻ)
കൊല്ലം നീറിപ്പുകയുവതിലും കാമ്യമായുള്ളതത്രേ
(വിഷ്ണുനാരായണൻ നമ്പൂതിരി — അയൽക്കാരൻ)
[6]
ഹിതമുറ്റ ജീവിതം പുല്ക്കൊടിത്തുമ്പിലെ
ഹിമബിന്ദുപോലെയാണെങ്കിലെന്തേ?
(സുഗതകുമാരി — പഴയൊരു കഥ)
ഹിമബിന്ദുപോലെയാണെങ്കിലെന്തേ?
(സുഗതകുമാരി — പഴയൊരു കഥ)
ഒരു മാത്രതൻ സർവ്വകാലസംഗ്രഹക്ഷണ–
പ്രഭയിൽ മായാപടം മാറ്റുക മനോഹരീ
(ബാലചന്ദ്രൻ ചുള്ളിക്കാട് — ഗസൽ)
പ്രഭയിൽ മായാപടം മാറ്റുക മനോഹരീ
(ബാലചന്ദ്രൻ ചുള്ളിക്കാട് — ഗസൽ)
In small proportions we just beauties see
And in short measures life may perfect be
(B. Johnson — The noble natue)
And in short measures life may perfect be
(B. Johnson — The noble natue)
And when I fell fair creature of an hour
(Keats — The terror of death)
(Keats — The terror of death)
[7]
നമുക്കു നന്മകൾ നയിച്ച നാളുകൾ
നശിച്ചതോർത്തു നാം വമിപ്പു വീർപ്പുകൾ
(ചങ്ങമ്പുഴ — വൈരുദ്ധ്യം)
നശിച്ചതോർത്തു നാം വമിപ്പു വീർപ്പുകൾ
(ചങ്ങമ്പുഴ — വൈരുദ്ധ്യം)
പോയ്ക്കഴിഞ്ഞതു ചിന്തിച്ചശ്രുക്കൾ വീഴ്ത്താനല്ല
കൈക്കലുള്ളതിൻ മൂല്യം കാണുവാനത്രേ നേത്രം
(വെണ്ണിക്കുളം — പ്രബോധനം)
കൈക്കലുള്ളതിൻ മൂല്യം കാണുവാനത്രേ നേത്രം
(വെണ്ണിക്കുളം — പ്രബോധനം)