.jpg){kind=link}
59
വെടിയുകെന്നെ നീ
ഴെറാർ ദ് നെർവാൽ (GERARD DE NERVAL, 1808-1855)
പ്രേമാർത്ഥനയുമായി മുന്നോട്ടു വന്ന നവകാമുകിക്കു പ്രതീക്ഷിക്കാത്ത പ്രതികരണം. ആ അർത്ഥന കൈക്കൊള്ളാൻ അവളുടെ പ്രേമപാത്രം തയ്യാറില്ല. കാരണം: തന്റെ മനസ്സ് തളർന്നതാണ്, യൗവനംപോലും വാർന്നുപോയ നിലയിലാണ്. പ്രതിപ്രേമത്തിനു തനിക്കു കഴിവില്ല. മനസ്സ് മദഭരിതമായിരുന്നപ്പോഴാണ് അവൾ വന്നിരുന്നതെങ്കിൽ സ്ഥിതി വ്യത്യസ്തമായേനേ. അവളുടെ മായിക മന്ദഹാസം തനിക്കു ജീവനക്ഷമത നല്കിയേനേ.…
വെടിയുകെന്നെ നീ കേണപേക്ഷിപ്പു ഞാൻ,
വിഫലമാക്കൊലാ നിൻ നവയൗവനം.
മധുരദർശനേ, താന്തമെൻ ഹൃത്തിതി-
ന്നുണർവിയറ്റുവാനാകാ നിനക്കിനി.
യുവതവാർന്നു വിളർത്തതാമെൻമുഖം
തനതു ദൈന്യത്തിൽ പുഞ്ചിരിക്കില്ലയി-
പ്പുതിയ ഭാഗ്യോദയത്തിനു നേർക്കെടോ;
പരിതപിപ്പു ഞാനീ വൈപരീത്യത്തിൽ,
തിരികെ ലഭ്യമോ ഹേമന്ത മർദ്ദിത-
മലരിനു തൻ സുഗന്ധവും കാന്തിയും [1]
വിഫലമാക്കൊലാ നിൻ നവയൗവനം.
മധുരദർശനേ, താന്തമെൻ ഹൃത്തിതി-
ന്നുണർവിയറ്റുവാനാകാ നിനക്കിനി.
യുവതവാർന്നു വിളർത്തതാമെൻമുഖം
തനതു ദൈന്യത്തിൽ പുഞ്ചിരിക്കില്ലയി-
പ്പുതിയ ഭാഗ്യോദയത്തിനു നേർക്കെടോ;
പരിതപിപ്പു ഞാനീ വൈപരീത്യത്തിൽ,
തിരികെ ലഭ്യമോ ഹേമന്ത മർദ്ദിത-
മലരിനു തൻ സുഗന്ധവും കാന്തിയും [1]
പെരികെ ജീവിതാവേശത്തിലെൻ കരൾ
മദഭരിതമായ്ത്തുള്ളിന നാളിലാ-
ണിതുവിധത്തിൽ നീയെൻ നേർക്കു സുസ്മിതം
ചൊരിഞ്ഞതെങ്കിലെന്നോർത്തുപോകുന്നു ഞാൻ.
വഴിയുമാനന്ദപൂർവ്വമതിന്നു ഞാ-
നരുളിയേനേ. മദീയമാം സ്വാഗതം,
അരുളിയേനേ യെനിക്കതു ജീവന-
ക്ഷമത സ്വീയമാം വശ്യതയൊന്നിനാൽ [2]
മദഭരിതമായ്ത്തുള്ളിന നാളിലാ-
ണിതുവിധത്തിൽ നീയെൻ നേർക്കു സുസ്മിതം
ചൊരിഞ്ഞതെങ്കിലെന്നോർത്തുപോകുന്നു ഞാൻ.
വഴിയുമാനന്ദപൂർവ്വമതിന്നു ഞാ-
നരുളിയേനേ. മദീയമാം സ്വാഗതം,
അരുളിയേനേ യെനിക്കതു ജീവന-
ക്ഷമത സ്വീയമാം വശ്യതയൊന്നിനാൽ [2]
കടലിൽ കോളിലാപ്പെട്ടു തകർന്ന തൻ-
തരണി മുങ്ങവേ യുദ്വിഗ്ന നാവിക-
മിഴികൾ കാൺമൊരു പ്രോജ്ജ്വലതാരക-
മിവനു താവക ദീപ്രമാമീക്ഷണം. [3]
വെടിയുകെന്നെ നീ കേണപേക്ഷിപ്പു ഞാൻ,
വിഫലമാക്കൊലാ നിൻ നവയൗവനം.
തുടരൊലാ ശ്രമം വ്യർത്ഥമായ് മാമക-
മഥിത ഹൃത്തിനുജ്ജീവനമേകുവാൻ.
യുവതവാർന്നു വിളർത്തതാമെൻ മുഖം
പറവതില്ലയോ: ‘നല്ല നാളില്ലിനി’?
തരണി മുങ്ങവേ യുദ്വിഗ്ന നാവിക-
മിഴികൾ കാൺമൊരു പ്രോജ്ജ്വലതാരക-
മിവനു താവക ദീപ്രമാമീക്ഷണം. [3]
വെടിയുകെന്നെ നീ കേണപേക്ഷിപ്പു ഞാൻ,
വിഫലമാക്കൊലാ നിൻ നവയൗവനം.
തുടരൊലാ ശ്രമം വ്യർത്ഥമായ് മാമക-
മഥിത ഹൃത്തിനുജ്ജീവനമേകുവാൻ.
യുവതവാർന്നു വിളർത്തതാമെൻ മുഖം
പറവതില്ലയോ: ‘നല്ല നാളില്ലിനി’?
Laisse-Moi
കുറിപ്പുകൾ
[1]
അത്യന്തമോഹന സ്വപ്നാനുഭൂതികൾ
കത്തിച്ചുവെച്ച നിലാത്തിരികൾ
ഒക്കെയും കെട്ടു കഴിഞ്ഞൊരീയല്ലിലോ
കഷ്ടമെൻചാരേ നീ വന്നുചേർന്നു!
മങ്ങിമറഞ്ഞ സുവർണ്ണ കാലത്തൊന്നും
മംഗളേ, നീയെന്തേ വന്നിടാഞ്ഞു?…
അല്ലലും കണ്ണീരുമല്ലാതെനിക്കിപ്പോ-
ളില്ലല്ലോ ദേവീ, നിനക്കു നല്കാൻ!
(ചങ്ങമ്പുഴ — ഹേമന്തചന്ദ്രിക)
കത്തിച്ചുവെച്ച നിലാത്തിരികൾ
ഒക്കെയും കെട്ടു കഴിഞ്ഞൊരീയല്ലിലോ
കഷ്ടമെൻചാരേ നീ വന്നുചേർന്നു!
മങ്ങിമറഞ്ഞ സുവർണ്ണ കാലത്തൊന്നും
മംഗളേ, നീയെന്തേ വന്നിടാഞ്ഞു?…
അല്ലലും കണ്ണീരുമല്ലാതെനിക്കിപ്പോ-
ളില്ലല്ലോ ദേവീ, നിനക്കു നല്കാൻ!
(ചങ്ങമ്പുഴ — ഹേമന്തചന്ദ്രിക)
[2]
അന്നായിരുന്നെങ്കിൽ നിന്നെയെടുത്തൊരു
മന്ദസ്മിതത്തിൽ ഞാൻ മൂടിയേനേ,
ആമഗ്നയാക്കാൻ കഴിഞ്ഞേനേ നിന്നെയ-
ന്നോമൽപ്പുളകപ്പൂമ്പൊയ്കയൊന്നിൽ.
(ചങ്ങമ്പുഴ — ഹേമന്തചന്ദ്രിക)
മന്ദസ്മിതത്തിൽ ഞാൻ മൂടിയേനേ,
ആമഗ്നയാക്കാൻ കഴിഞ്ഞേനേ നിന്നെയ-
ന്നോമൽപ്പുളകപ്പൂമ്പൊയ്കയൊന്നിൽ.
(ചങ്ങമ്പുഴ — ഹേമന്തചന്ദ്രിക)
[3]
ദീപ്രമാമീക്ഷണം = പ്രകാശമാനമായ നോട്ടം