ദ്രൗപദി
ഇവിടെ, ദ്രുപദന്റെ കന്യതൻ
പൂഞ്ചായലും ചേലയുമധർമ്മത്തിൻ
ലജ്ജയറ്റൊരു കൈയിൽ,
ഇവിടെ, മിഴിതാഴ്ത്തി മൗനമാണ്ടിരിക്കുന്ന
ഭീഷ്മരും വിദുരരും
ധർമ്മപുത്രരുമില്ല,
ഇവിടേ, മിന്നൽപോലെ
നൂറ്റുനൂറ്റൊഴുകുന്ന
ചക്രപാണിതൻ വർണ്ണ
കഞ്ചുകച്ചുരുളില്ലാ,
ഇവിടേ, ദേവർപോലും
കൺമിഴിക്കോണാൽ രംഗ-
മാസ്വദിക്കുന്നൂ പിന്നെ-
ത്തൻ വഴി നടക്കുന്നൂ!
പൂഞ്ചായലും ചേലയുമധർമ്മത്തിൻ
ലജ്ജയറ്റൊരു കൈയിൽ,
ഇവിടെ, മിഴിതാഴ്ത്തി മൗനമാണ്ടിരിക്കുന്ന
ഭീഷ്മരും വിദുരരും
ധർമ്മപുത്രരുമില്ല,
ഇവിടേ, മിന്നൽപോലെ
നൂറ്റുനൂറ്റൊഴുകുന്ന
ചക്രപാണിതൻ വർണ്ണ
കഞ്ചുകച്ചുരുളില്ലാ,
ഇവിടേ, ദേവർപോലും
കൺമിഴിക്കോണാൽ രംഗ-
മാസ്വദിക്കുന്നൂ പിന്നെ-
ത്തൻ വഴി നടക്കുന്നൂ!
ദ്വാപരയുഗശ്യാമസന്ധിയിൽ
അമാവാസി മൂടിയോ-
രരുന്ധതീ വിളക്കായ്
അതികായരഞ്ചുപേർക്കരുമയാം
പെൺമണി വിലപിക്കേ,
ഒരു കയ്യുണർന്നീല, നാവുണർന്നീല,
സൂക്ഷ്മധർമ്മത്തിനതിഗൂഢരഥ്യകളറിയാത്ത
മന്ദരായ് വിജ്ഞർപോലും
മരവിച്ചിരുന്നുപോയ്.
കുലവില്ലുണർത്തിയ
വീരശൃംഗാരത്തിന്റെ
മാറ്റൊലി നുകർന്നകം
പൂത്തുലഞ്ഞവൾ, പിന്നെ
അഞ്ചുപേർക്കൊരേ നെഞ്ചി-
ലഞ്ചിടും മണിയറ
പങ്കുവെച്ചവൾ, തുണ-
യറ്റുനിന്നുരുകുമ്പോൾ
ചൊടിക്കാൻ മടിക്കുന്ന
ധർമ്മമെന്തൊരു ധർമ്മം?
തടുക്കാൻ മടിക്കുന്ന
വീര്യമെന്തൊരു വീര്യം?
അമാവാസി മൂടിയോ-
രരുന്ധതീ വിളക്കായ്
അതികായരഞ്ചുപേർക്കരുമയാം
പെൺമണി വിലപിക്കേ,
ഒരു കയ്യുണർന്നീല, നാവുണർന്നീല,
സൂക്ഷ്മധർമ്മത്തിനതിഗൂഢരഥ്യകളറിയാത്ത
മന്ദരായ് വിജ്ഞർപോലും
മരവിച്ചിരുന്നുപോയ്.
കുലവില്ലുണർത്തിയ
വീരശൃംഗാരത്തിന്റെ
മാറ്റൊലി നുകർന്നകം
പൂത്തുലഞ്ഞവൾ, പിന്നെ
അഞ്ചുപേർക്കൊരേ നെഞ്ചി-
ലഞ്ചിടും മണിയറ
പങ്കുവെച്ചവൾ, തുണ-
യറ്റുനിന്നുരുകുമ്പോൾ
ചൊടിക്കാൻ മടിക്കുന്ന
ധർമ്മമെന്തൊരു ധർമ്മം?
തടുക്കാൻ മടിക്കുന്ന
വീര്യമെന്തൊരു വീര്യം?
ഇന്നുമീധർമ്മത്തിന്റെ കന്മുഖം
കരിമിഴിനിറയുംനേരം
പുറംതിരിഞ്ഞേ ശയിക്കുന്നു,
ആരെയോ വിളിച്ചാർത്തു
കേഴട്ടെ ഹരിണികൾ
കാടെരിയുമ്പോഴെന്തു
നീതിസാരമെന്നാവാം!
കരിമിഴിനിറയുംനേരം
പുറംതിരിഞ്ഞേ ശയിക്കുന്നു,
ആരെയോ വിളിച്ചാർത്തു
കേഴട്ടെ ഹരിണികൾ
കാടെരിയുമ്പോഴെന്തു
നീതിസാരമെന്നാവാം!
ശക്തിയാണിവളത്രേ!
ധരയെപ്പോലെ ക്ഷമാ-
ശീലയാണിവളത്രേ!
അമ്മയാ,ണമൃതമാ-
ണുൺമയാ,ണിരുട്ടിലെ-
ത്തരിയാ,ണുടയോനു
രമയാ,ണുയിരാണു്
എങ്കിലും നിരാലംബ,
യെവിടെച്ചൂതാടിലും
പണയംപോകാനുള്ള
ധർമ്മഭീതയാമുരു!
ധരയെപ്പോലെ ക്ഷമാ-
ശീലയാണിവളത്രേ!
അമ്മയാ,ണമൃതമാ-
ണുൺമയാ,ണിരുട്ടിലെ-
ത്തരിയാ,ണുടയോനു
രമയാ,ണുയിരാണു്
എങ്കിലും നിരാലംബ,
യെവിടെച്ചൂതാടിലും
പണയംപോകാനുള്ള
ധർമ്മഭീതയാമുരു!
കൈത്തലങ്ങളിൽ
ചക്രവാളങ്ങളൊതുക്കുവാൻ
വിപ്ലവം നയിക്കുവാ,
നിവളെ സഖിയാക്കും,
മത്സരങ്ങളിൽ, രണ-
ഭൂമിയി, ലിരുട്ടിന്റെ
താവളങ്ങളിൽവെച്ചു
പുഴുവാക്കിടും പിന്നെ!
ചക്രവാളങ്ങളൊതുക്കുവാൻ
വിപ്ലവം നയിക്കുവാ,
നിവളെ സഖിയാക്കും,
മത്സരങ്ങളിൽ, രണ-
ഭൂമിയി, ലിരുട്ടിന്റെ
താവളങ്ങളിൽവെച്ചു
പുഴുവാക്കിടും പിന്നെ!
കാലമേ, യനുസ്യൂത-
മോടുമീ രഥത്തിന്റെ
കടിഞ്ഞാൺപിടിച്ചൊന്നു
പിൻതിരിഞ്ഞുണരുക,
നിന്റെയിച്ചവുട്ടടി-
ച്ചുറ്റിലുമിന്നും കൃഷ്ണ
കേണിരപ്പതുകണ്ടു
ഭേരികളടക്കുക!
മോടുമീ രഥത്തിന്റെ
കടിഞ്ഞാൺപിടിച്ചൊന്നു
പിൻതിരിഞ്ഞുണരുക,
നിന്റെയിച്ചവുട്ടടി-
ച്ചുറ്റിലുമിന്നും കൃഷ്ണ
കേണിരപ്പതുകണ്ടു
ഭേരികളടക്കുക!
ഇപ്പുതുനൂറ്റാണ്ടിന്റെ
ചുണ്ടിലെക്കടുംവിഷ-
പ്പുകയേറ്റവളതി
ശ്യാമയായ്, ഹതാശയായ്
ദ്യോവിൽനിന്നടർത്തിയ
മിഴിയാൽ മതികെട്ട
ഭൂമിയെ വിളിച്ചുള്ളി-
ലഭയം യാചിക്കുന്നു.
ചുണ്ടിലെക്കടുംവിഷ-
പ്പുകയേറ്റവളതി
ശ്യാമയായ്, ഹതാശയായ്
ദ്യോവിൽനിന്നടർത്തിയ
മിഴിയാൽ മതികെട്ട
ഭൂമിയെ വിളിച്ചുള്ളി-
ലഭയം യാചിക്കുന്നു.
വിരിമാറുലച്ചുകൊ-
ണ്ടുഗ്രസാഗരംപോലെ,
ഉതിരംകൊതിച്ചുകൊ-
ണ്ടഗ്നിസായകംപോലെ,
ഇനിയുംവരാനിത്ര മടിയെ,
ന്തവതാരമെവിടെ? -ഇന്നും
കൃഷ്ണ കേണിരക്കുകയല്ലോ!
ണ്ടുഗ്രസാഗരംപോലെ,
ഉതിരംകൊതിച്ചുകൊ-
ണ്ടഗ്നിസായകംപോലെ,
ഇനിയുംവരാനിത്ര മടിയെ,
ന്തവതാരമെവിടെ? -ഇന്നും
കൃഷ്ണ കേണിരക്കുകയല്ലോ!
(1983)