സൂക്തം 40.
വിശ്വാമിത്രന്‍ ഋഷി; ഗായത്രി ഛന്ദസ്സ്; ഇന്ദ്രൻ ദേവത.
ഇന്ദ്ര, സോമം പിഴിഞ്ഞെങ്ങൾ വർഷിതാവാകുമങ്ങയെ
വിളിയ്ക്കുന്നു: കുടിച്ചാലും, മത്തുണ്ടാക്കുന്ന നീര്‍ ഭവാന്‍! 1
വിളിയ്ക്കുന്നു: കുടിച്ചാലും, മത്തുണ്ടാക്കുന്ന നീര്‍ ഭവാന്‍! 1
ഇന്ദ്ര ബുദ്ധികരം സോമം പിഴിഞ്ഞതു സകൌതുകം
കുടിയ്ക്ക, തൃപ്തിയ്ക്കുദരം നിറയ്ക്കുക, പുരുസ്തുത! 2
കുടിയ്ക്ക, തൃപ്തിയ്ക്കുദരം നിറയ്ക്കുക, പുരുസ്തുത! 2
ഇന്ദ്ര, വാഴ്ത്തപെടുന്നോനേ, സർവദേവാന്വിതൻ ഭവാൻ
വളർത്തുകെ,ങ്ങൾതന്‍ ഹവ്യം ചേർന്ന യജ്ഞം മരുൽപതേ! 3
വളർത്തുകെ,ങ്ങൾതന്‍ ഹവ്യം ചേർന്ന യജ്ഞം മരുൽപതേ! 3
ഇതാ, പിഴിഞ്ഞ ശുചിയാമിമ്പമേകുന്ന സോമനീര്‍
പൂകുന്നു, നിൻതിരുവയര്‍ക്കുള്ളിലിന്ദ്ര, സതാംപതേ! 4
പൂകുന്നു, നിൻതിരുവയര്‍ക്കുള്ളിലിന്ദ്ര, സതാംപതേ! 4
നിറുത്തുകിന്ദ്ര, പിഴിയപ്പെട്ട സോമം വയറ്റില്‍ നീ:
നിന്‍ദ്യോവില്‍ മേവുവോന്നല്ലോ വരണീയമിതുജ്ജ്വലം! 5
നിന്‍ദ്യോവില്‍ മേവുവോന്നല്ലോ വരണീയമിതുജ്ജ്വലം! 5
കുടിയ്ക്കുകെങ്ങൾതൻ സോമം മധുധാരാര്‍ദ്രനായ്ബ്ഭവാന്‍:
സ്തുതിസേവ്യ, ഭവാനാല്‍ത്താനന്നമിന്ദ്ര, വിശോധിതം! 6
സ്തുതിസേവ്യ, ഭവാനാല്‍ത്താനന്നമിന്ദ്ര, വിശോധിതം! 6
ഇന്ദ്രങ്കലല്ലോ, പൂർണ്ണങ്ങൾ സേവകന്റെ വിഭൂതികൾ
ചെന്നുചേരുന്നു: സോമത്തിൻപാനാല്‍ വളരുവോനവന്‍! 7
ചെന്നുചേരുന്നു: സോമത്തിൻപാനാല്‍ വളരുവോനവന്‍! 7
ചാരത്തുനിന്നോ ദൂരത്തുനിന്നോ വന്നെത്തുകെങ്ങളില്‍;
വൃത്രഘ്ന, നീ ചെവിക്കൊള്ളുകീ, ഞങ്ങളുടെ വാക്കുകൾ! 8
വൃത്രഘ്ന, നീ ചെവിക്കൊള്ളുകീ, ഞങ്ങളുടെ വാക്കുകൾ! 8
ദൂരാന്തികങ്ങൾക്കിടയിലെങ്ങർച്ചിയ്ക്കപ്പെടുന്നുവോ;
അങ്ങുനിന്നിവിടത്തിങ്കലെഴുന്നള്ളേണമിന്ദ്ര, നീ! 9
അങ്ങുനിന്നിവിടത്തിങ്കലെഴുന്നള്ളേണമിന്ദ്ര, നീ! 9
കുറിപ്പുകൾ: സൂക്തം 40.
[2] ബുദ്ധികരം = പ്രജ്ഞാജനകം.
[3] മരുല്‍പതി = മരുത്തുക്കളുടെ അധിപതി.
[5] ഇത് – സോമം.
[6] മധുധാരാർദ്രൻ – മാദകമായ സോമനീര്‍കൊണ്ടു നനഞ്ഞവന്‍. ഞങ്ങളുടെ അന്നം വിശുദ്ധീകരിയ്ക്കുന്നതു ഭവാന്‍തന്നെയാണല്ലോ.
[7] സേവകന്റെ (സേവിയ്ക്കുന്നവന്റെ) പുർണ്ണങ്ങ(അന്യൂനങ്ങ)ളായ വിഭവങ്ങൾ ഇന്ദ്രങ്കലാണ്, ചെന്നുചേരുന്നത്.
[8] ഈ വാക്കുകൾ – സ്തുതികൾ.
[9] ദൂരാന്തികങ്ങൾ – ദൂരദേശവും സമീപദേശവും.