റി​പ്പ​ബ്ലി​ക്ക് ദി​ന​ത്തി​ലെ അക്ര​മ​സം​ഭ​വ​ങ്ങൾ​ക്കു ശേഷം കർഷക പ്ര​ക്ഷോ​ഭ​ത്തി​നെ​തി​രെ മോദി സർ​ക്കാർ കൈ​ക്കൊ​ണ്ട രൂ​ക്ഷ​മായ നട​പ​ടി​കൾ സൂ​ചി​പ്പി​ക്കു​ന്ന​തു് കർഷക സമ​ര​ത്തെ, അതി​ന്റെ സം​ഭ​വ​ത്വ​ത്തെ, ഭര​ണ​കൂ​ടം ഭയ​പ്പെ​ട്ടു തു​ട​ങ്ങി​യി​രി​ക്കു​ന്നു എന്ന​താ​ണു്. ഭീ​തി​യു​ടെ, ഭീ​ക​ര​ത​യു​ടെ, ഭര​ണ​കൂ​ട​ങ്ങൾ ജന​ങ്ങ​ളെ ഭയ​ച​കി​ത​രാ​ക്കു​ന്നു എന്ന​തി​നു​പ​രി, ജന​ങ്ങ​ളെ ഭയ​ക്കു​ന്നു എന്ന​താ​വും കൂ​ടു​തൽ ശരി. സിംഘു, തി​ക്രി, ഗാ​സി​പ്പൂർ സമ​ര​പ്പ​ന്ത​ലു​കൾ​ക്കു് ചു​റ്റും കർ​ഷ​ക​രു​ടെ വരവു പോ​ക്കു​കൾ നി​രോ​ധി​ക്കു​വാ​നാ​യി പോ​ലീ​സ്സു​കാർ ദേശീയ പാ​ത​യിൽ കി​ട​ങ്ങു​കൾ ഉണ്ടാ​ക്കു​ക​യും, കോൺ​ക്രീ​റ്റ് ചെ​യ്തു് ഇരു​മ്പ് മു​ള്ളാ​ണി​കൾ പി​ടി​പ്പി​ച്ചു്, ചെ​റു​കോ​ട്ട​ക​ളോ​ളം വലി​പ്പ​ത്തി​ലു​ള്ള ബാ​രി​ക്കേ​ഡു​കൾ നിർ​മ്മി​ക്കു​ക​യും ചെ​യ്തു. യു​ദ്ധ​സ്ഥ​ല​ങ്ങ​ളി​ലും അതിർ​ത്തി​ക​ളി​ലും കാ​ണു​ന്ന പോലെ കമ്പി വേ​ലി​കൾ പല​യി​ട​ത്തും ഉയർ​ത്തി. ഇന്ത്യാ-​പാകിസ്ഥാൻ, ഇന്ത്യാ-​ചൈന-അതിർത്തി പ്ര​ദേ​ശ​ങ്ങ​ളിൽ കാ​ണു​ന്ന​തി​നേ​ക്കാൾ വലിയ മതി​ലു​ക​ളും സു​ര​ക്ഷാ സന്നാ​ഹ​ങ്ങ​ളു​മാ​ണു് സമ​ര​സ്ഥ​ല​ങ്ങ​ളിൽ കണ്ട​തു്. സ്വ​ന്തം നാ​ട്ടി​ലെ കർ​ഷ​ക​രെ, സ്വ​ന്തം ജനതയെ, ശത്രു രാ​ജ്യ​മാ​യി​ക്കാ​ണു​ന്ന ഒരു പാ​ര​നോ​യി​ഡ് ഭര​ണ​കൂ​ട​ത്തി​ന്റെ ഉന്മാദ ലക്ഷ​ണ​ങ്ങൾ.

സമ​ര​സ്ഥ​ല​ങ്ങ​ളി​ലേ​ക്കു് അവ​ശ്യ​സാ​ധ​ന​ങ്ങ​ളെ​ത്തി​ക്കാ​നു​ള്ള സൗ​ക​ര്യ​ങ്ങൾ, ജല-​വൈദ്യുതി വി​ത​ര​ണം, ഇന്റർ​നെ​റ്റ് സം​വി​ധാ​നം എല്ലാം തട​യ​പ്പെ​ട്ടു. നാ​ട്ടു​കാർ എന്ന പേരിൽ ബി. ജെ. പി.-​ക്കാർ ഗു​ണ്ട​ക​ളെ സം​ഘ​ടി​പ്പി​ച്ചു് സമ​ര​സ്ഥ​ല​ങ്ങൾ ആക്ര​മി​ച്ചു. ഇതി​ന്റെ ഉള്ളു​ക​ള്ളി​കൾ പു​റ​ത്തു് കൊ​ണ്ടു് വന്ന പത്ര​പ്ര​വർ​ത്ത​ക​രെ അറ​സ്റ്റ് ചെ​യ്തു് ജയി​ലി​ലാ​ക്കി പീ​ഢി​പ്പി​ച്ചു. കിസാൻ ഏക് താ മോർ​ച്ച​യു​ടെ​യും മറ്റ് അനു​ബ​ന്ധ സം​ഘ​ട​ന​ക​ളു​ടെ​യും ട്വി​റ്റർ അക്കൗ​ണ്ടു​കൾ നിർ​ത്ത​ലാ​ക്കി. കർ​ഷ​ക​രു​ടെ റോ​ഡു​പ​രോധ സമ​ര​ത്തെ തകർ​ക്കു​വാ​നാ​യി പഞ്ചാ​ബിൽ നി​ന്നു് ദി​ല്ലി​യി​ലേ​ക്കും തി​രി​ച്ചും ഉള്ള പല തീ​വ​ണ്ടി​ക​ളും താൽ​ക്കാ​ലി​ക​മാ​യി നിർ​ത്ത​ലാ​ക്കി, ചി​ല​തു് വഴി തി​രി​ച്ചു് വി​ട്ടു.

ഭര​ണ​കൂ​ടം സമ​ര​സ്ഥ​ല​ത്തു് മു​ള്ളാ​ണി​ക​ളും ബാ​രി​ക്കേ​ഡു​ക​ളും കമ്പി​വേ​ലി​ക​ളും പാ​കി​യ​പ്പോൾ അതിനു മധു​ര​മായ മറു​പ​ടി​യാ​യി, തി​ക്കാ​യ​ത്തി​ന്റെ നേ​തൃ​ത്വ​ത്തിൽ കർഷകർ ചെ​യ്ത​തു് പനി​നീർ​പ്പൂ​ക്കൾ നട്ടു വളർ​ത്തു​ക​യും സമീ​പ​സ്ഥ​ല​ങ്ങ​ളി​ലെ ഒഴി​ഞ്ഞ നി​ല​ങ്ങ​ളിൽ കൃഷി നട​ത്തി​ക്കാ​ട്ടു​ക​യു​മാ​ണു്.

ഇത്ത​ര​മൊ​രു സന്ദർ​ഭ​ത്തി​ലാ​ണു് അമേ​രി​ക്കൻ പോപ് താ​ര​മായ റി​ഹ​ന്ന, (ഫെ​ബ്രു​വ​രി 2), ലോ​ക​പ്ര​ശ​സ്ത​യായ പരി​സ്ഥി​തി പ്ര​വർ​ത്തക ഗ്രേ​റ്റാ തൻ​ബെർ​ഗ്, (ഫെ​ബ്രു​വ​രി 3), മീന ഹാ​രി​സ്, മിയാ ഖലീഫ, അമെ​ന്ദ സേർനി, സൂസൻ സരൻഡൻ, ജെയ് സീൻ എന്നി​ങ്ങ​നെ വി​ഭി​ന്ന മേ​ഖ​ല​ക​ളിൽ ലോ​ക​വി​ശ്രു​ത​രായ വ്യ​ക്തി​കൾ കർ​ഷ​കർ​ക്കു് ഐക്യ​ദാർ​ഢ്യം പ്ര​ഖ്യാ​പി​ച്ചു കൊ​ണ്ടു് സാ​മൂ​ഹ്യ മാ​ദ്ധ്യ​മ​ങ്ങ​ളിൽ പോ​സ്റ്റു​ക​ളി​ടു​ന്ന​തു്. കർഷക സമരം അന്തർ​ദ്ദേ​ശീയ ശ്ര​ദ്ധ​യി​ലേ​ക്കു് കൊ​ണ്ടു​വ​രു​വാൻ ഇതു് സഹാ​യ​ക​മാ​യി. അതോ​ടൊ​പ്പം അതി​രൂ​ക്ഷ​മായ ട്വി​റ്റർ യു​ദ്ധ​ങ്ങൾ​ക്കു് അതു് വഴി​മ​രു​ന്നി​ടു​ക​യും ചെ​യ്തു.

ഇന്ത്യ​യു​ടെ ഐക്യം നശി​പ്പി​ക്കു​വാ​നു​ള്ള അന്തർ​ദ്ദേ​ശീയ ഗൂ​ഢാ​ലോ​ച​ന​യു​ടെ ഭാ​ഗ​മാ​ണു് ഈ ട്വീ​റ്റു​കൾ എന്നു് ബോ​ളി​വു​ഡ് നടി​യായ കങ്കണ റെ​ണൗൽ​ട്ടി​നെ​പ്പോ​ലു​ള്ള​വ​രു​ടെ​യും വി​ദേ​ശ​കാ​ര്യ വക്താ​വി​ന്റെ​യും ട്വി​റ്റർ പോ​സ്റ്റു​കൾ തു​ടർ​ന്നു് വന്നു. അക്ഷ​യ​കു​മാർ, കരൻ ജോഹർ, ഏക്താ കപൂർ, ലതാ മം​ഗേ​ഷ്ക്കർ, സച്ചിൻ തെ​ണ്ഡൂൽ​ക്കർ, വി​രാ​ട് കോ​ഹ്ലി, രവി ശാ​സ്ത്രി, അനിൽ കു​മ്പ്ലേ, എന്നി​വ​രു​ടെ സന്ദേ​ശ​ങ്ങൾ ഒരേ തരം ഹാഷ് ടാ​ഗു​ക​ളിൽ, കോ​പ്പി പേ​യ്സ്റ്റ് ചെ​യ്ത​തെ​ന്ന​പോ​ലെ പരി​ഹാ​സ്യ​മാം വിധം ട്വി​റ്റ​റിൽ പ്ര​ത്യ​ക്ഷ​പ്പെ​ട്ടു. ഇവരെ വി​മർ​ശി​ച്ചു്കൊ​ണ്ടു് പ്ര​ശ​സ്ത സി​നി​മാ താ​ര​മായ തപ്സി പന്നു തു​ട​ങ്ങി​യ​വ​രു​ടെ എതിർ ട്വീ​റ്റു​ക​ളും വന്നു. വി​ദേ​ശ​ത്തും സ്വ​ദേ​ശ​ത്തും ഉള്ള അതി ദേ​ശീ​യ​വാ​ദി​കൾ ഗ്രേ​റ്റ തൻ​ബെർ​ഗ്, മീന ഹാ​രീ​സ് തു​ട​ങ്ങി​യ​വ​രെ ഗൂ​ഢാ​ലോ​ച​ന​ക്കാ​രാ​യി ചി​ത്രീ​ക​രി​ക്കു​ക​യും അവ​രു​ടെ കോ​ല​ങ്ങൾ കത്തി​ക്കു​ക​യും ചെ​യ്തു.

ഗ്രേ​റ്റാ തൻ​ബർ​ഗ്ഗി​നെ​പ്പോ​ലു​ള്ള യു​വ​പ​രി​സ്ഥി​തി​വാ​ദി​ക​ളെ ഭീ​ക​ര​വാ​ദി​ക​ളാ​യും ഇന്ത്യൻ റി​പ്പ​ബ്ലി​ക്കി​നെ​തി​രെ ഗൂ​ഢാ​ലോ​ചന നട​ത്തു​ന്ന​വ​രാ​യും മു​ദ്ര​കു​ത്തി​ക്കൊ​ണ്ടു് ഇന്ത്യൻ ഗവ​ണ്മെ​ന്റ് നട​ത്തിയ പ്ര​ച​ര​ണ​യു​ദ്ധ​ങ്ങൾ മോ​ദി​ഗ​വ​ണ്മെ​ന്റി​നെ ലോക രാ​ജ്യ​ങ്ങൾ​ക്കു് മു​ന്നിൽ അപ​ഹാ​സ്യ​മാ​ക്കു​ക​യും അതി​ന്റെ ഫാ​സി​സ്റ്റ്സ്വ​രൂ​പ​ത്തെ അന്താ​രാ​ഷ്ട്ര മാ​ദ്ധ്യ​മ​ങ്ങൾ​ക്കു മു​ന്നിൽ തു​റ​ന്നു കാ​ട്ടു​ക​യും ചെ​യ്തു. ഗ്രേ​റ്റാ തൻ​ബർ​ഗ് പോ​സ്റ്റ് ചെയ്ത കർഷക സമ​ര​ത്തി​ന​നു​കൂ​ല​മാ​യു​ള്ള ടൂൾ​കി​റ്റ് സാ​മൂ​ഹ്യ മാ​ദ്ധ്യ​മ​ത്തിൽ ഷെയർ ചെ​യ്ത​തി​ന്റെ പേരിൽ ബാം​ഗ്ലൂ​രി​ലെ പരി​സ്ഥി​തി പ്ര​വർ​ത്ത​ക​യായ ദിഷാ രവി എന്ന ഇരു​പ​ത്തി​ര​ണ്ടു​കാ​രി അറ​സ്റ്റ് ചെ​യ്യ​പ്പെ​ട്ടു (ഫെ​ബ്രു​വ​രി 13). ഖാ​ലി​സ്ഥാ​നി​ക​ളു​മാ​യി ബന്ധ​മു​ണ്ടെ​ന്നു് ആരോ​പി​ക്ക​പ്പെ​ടു​ന്ന പോ​യെ​റ്റി​ക് ജസ്റ്റി​സ് ഫൗ​ണ്ടേ​ഷ​ന്റെ സഹാ​യ​ത്തോ​ടു കൂ​ടി​യാ​ണു് ദി​ഷാ​ര​വി ടൂൾ കി​റ്റ് എഡി​റ്റു ചെ​യ്ത​തെ​ന്നും റി​പ്പ​ബ്ലി​ക്കു് ദി​ന​ത്തിൽ നടന്ന അക്ര​മ​സം​ഭ​വ​ങ്ങൾ​ക്കു് പി​ന്നി​ലെ ഗൂ​ഢാ​ലോ​ച​ന​കൾ ആസൂ​ത്ര​ണം ചെ​യ്ത​തു് ദി​ഷാ​ര​വി​യാ​ണെ​ന്നും പോ​ലീ​സ് ആരോ​പി​ച്ചു. ബോം​ബേ​യി​ലെ അഭി​ഭാ​ഷ​ക​യായ നികിത ജേ​ക്ക​ബി​നും, ആക്റ്റി​വി​സ്റ്റായ ശന്ത​നു മു​ലു​ക്കി​നും ഇതിൽ പങ്കു​ണ്ടെ​ന്നു് കാ​ട്ടി​ക്കൊ​ണ്ടു് അവർ​ക്കെ​തി​രെ​യും കേ​സ്സ് ചാർ​ജ്ജു ചെ​യ്തു. ഗവ​ണ്മെ​ന്റി​നെ വി​മർ​ശി​ക്കു​ന്ന​വ​രെ ദേ​ശ​വി​രു​ദ്ധ​രാ​യി ചി​ത്രീ​ക​രി​ച്ചു് അറ​സ്റ്റു ചെ​യ്യു​ന്ന​തി​നെ​തി​രെ ഇന്ത്യ​യി​ലെ​ങ്ങും പ്ര​തി​ഷേ​ധം ഉയർ​ന്നു.

കർഷക പ്ര​തി​ഷേ​ധ​ത്തെ ആഗോള തല​ത്തിൽ ഉയർ​ത്തി​ക്കൊ​ണ്ടു​വ​രു​ന്ന​തു് ഗൂ​ഢാ​ലോ​ച​ന​യാ​ണെ​ങ്കിൽ ജയി​ലിൽ തന്നെ കഴി​യു​വാ​നാ​ണു് താൻ ആഗ്ര​ഹി​ക്കു​ന്ന​തു് എന്നാ​യി​രു​ന്നു ദി​ഷാ​ര​വി​യു​ടെ മറു​പ​ടി. “സമാ​ധാന പൂർ​ണ്ണ​മാ​യി ഞാൻ പ്ര​തി​ഷേ​ധി​ച്ച​തു് കു​റ്റ​കൃ​ത്യ​മാ​ണെ​ങ്കിൽ ഞാൻ കു​റ്റ​ക്കാ​രി​യാ​ണു്. സമാ​ധാ​ന​പ​ര​മായ കർഷക പ്ര​തി​ഷേ​ധ​ത്തി​നു പ്ര​ചാ​രം നൽ​കി​യ​തു് കു​റ്റ​മാ​ണെ​ങ്കിൽ ഞാൻ തീർ​ച്ച​യാ​യും കു​റ്റ​ക്കാ​രി​യാ​ണ്” എന്നു് ധീ​ര​സ്വ​ര​ത്തിൽ ദി​ഷാ​ര​വി കോ​ട​തി​യിൽ പ്ര​സ്താ​വി​ച്ചു. കർഷക സമര സം​ഭ​വ​ത്തിൽ നി​ന്നു​ല്പ​ന്ന​മായ, സം​ഭ​വ​ത്തോ​ട് വി​ശ്വ​സ്ത​മായ, പുതിയ കർ​തൃ​ത്വ​ത്തി​ന്റെ ധീ​ര​വും പ്ര​ബു​ദ്ധ​വും ആയ രാ​ഷ്ട്രീയ പ്ര​സ്താ​വ​ന​യാ​യി​രു​ന്നു ഇതു്. ഫെ​ബ്രു​വ​രി 23-നു് ദി​ഷാ​ര​വി​യെ കോടതി വി​മു​ക്ത​യാ​ക്കി. ഗവ​ണ്മെ​ന്റി​ന്റെ പൊ​ങ്ങ​ച്ച​ത്തെ മു​റി​വേ​ല്പി​ച്ചു എന്ന കാരണം കൊ​ണ്ടു് രാ​ജ്യ​ദ്രോ​ഹ​ക്കു​റ്റം ചു​മ​ത്താൻ ആവി​ല്ല എന്നാ​ണു് കോടതി പ്ര​സ്താ​വി​ച്ച​തു്. ടൂൾ​കി​റ്റ് കേ​സ്സു​മാ​യി ബന്ധ​പ്പെ​ട്ട് രാ​ജ്യ​ദ്രോ​ഹ​ക്കു​റ്റം ചു​മ​ത്ത​പ്പെ​ട്ട നി​കി​താ ജേ​ക്ക​ബി​നും ശന്ത​നു മു​ലു​ക്കി​നും ദൽഹി കോടതി അറ​സ്റ്റു ചെ​യ്യു​ന്ന​തിൽ നി​ന്നും താൽ​ക്കാ​ലിക പരി​ര​ക്ഷ നൽകി.

കർഷക സമ​ര​ത്തെ, അതി​ന്റെ സം​ഭ​വ​മാ​ന​ങ്ങ​ളെ ഇല്ലാ​താ​ക്കാ​നു​ള്ള മോദി ഭര​ണ​കൂ​ട​ത്തി​ന്റെ ഓരോ നീ​ക്ക​വും നി​ഷ്ഫ​ല​മാ​യി എന്നു മാ​ത്ര​മ​ല്ല ബൂ​മ​റാ​ങ്ങു​ക​ളാ​യി തി​രി​ച്ച​ടി​ക്കു​ക​യും സമ​ര​ത്തെ പൂർ​വ്വാ​ധി​കം വി​പു​ല​വും ശക്ത​വു​മാ​ക്കി​ത്തീർ​ക്കു​ക​യും ചെ​യ്തു. ദി​ല്ലി മാർ​ച്ചു് തല​സ്ഥാന നഗ​രി​യു​ടെ അതിർ​ത്തി​യിൽ തട​ഞ്ഞ​പ്പോൾ ദേശീയ പാ​ത​യിൽ തന്നെ നി​ല​യു​റ​പ്പി​ച്ചു് അതി ശക്ത​മായ ഉപരോധ സമരം നട​ത്തി കർഷകർ. റി​പ്പ​ബ്ലി​ക്കു് ദി​ന​ത്തി​ലെ അക്ര​മ​ണ​ങ്ങ​ളെ മുൻ​നിർ​ത്തി സമ​ര​ത്തെ കി​രാ​ത​മാ​യി അടി​ച്ച​മർ​ത്താൻ തു​നി​ഞ്ഞ​പ്പോൾ, വി​ശ്വ​വി​ശ്രു​ത​രായ വ്യ​ക്തി​കൾ പ്ര​തി​ഷേ​ധ​മു​യർ​ത്തു​ക​യും മോദി ഗവ​ണ്മെ​ന്റി​ന്റെ സർ​വ്വാ​ധി​പ​ത്യ നയം ലോ​ക​രാ​ഷ്ട്ര​ങ്ങൾ​ക്കു മു​ന്നിൽ മറ​നീ​ക്ക​പ്പെ​ടു​ക​യും ചെ​യ്തു. തി​ക്കാ​യ​ത്തി​നെ അറ​സ്റ്റ് ചെ​യ്തു് സമ​ര​പ്പ​ന്തൽ ഒഴി​പ്പി​ക്കു​വാൻ ശ്ര​മി​ച്ച​പ്പോൾ ജീ​വ​നോ​ടെ തന്നെ അറ​സ്റ്റു ചെ​യ്യാൻ കഴി​യു​ക​യി​ല്ലെ​ന്നു് പ്ര​സ്താ​വി​ച്ച തി​ക്കാ​യ​ത്തി​ന്റെ ആജ്ഞാ​ശ​ക്തി​യ്ക്കു് മു​ന്നിൽ മു​ട്ടു മട​ക്കി പോ​ലീ​സ്സു​കാർ​ക്കു് പിൻ​വാ​ങ്ങേ​ണ്ടി വന്നു. മാ​ത്ര​മ​ല്ല സമ​ര​ത്തി​നു നവ​ജീ​വൻ നൽ​കു​ക​യും സമ​ര​ത്തി​ന്റെ ദിശ തന്നെ മാ​റ്റി മറി​യ്ക്കു​ക​യും ചെയ്ത മറ്റൊ​രു സം​ഭ​വ​മാ​യി തി​ക്കാ​യ​ത്തി​ന്റെ ധീ​ര​മായ ചെ​റു​ത്തു് നിൽ​പ്പ്.

‘തല​സ്ഥാന നഗ​രി​യായ ദി​ല്ലി കർ​ഷ​ക​രെ കൈ​വെ​ടി​ഞ്ഞ​പ്പോൾ കർഷക പ്ര​സ്ഥാ​നം ദി​ല്ലി​യെ​യും കൈ​വെ​ടി​ഞ്ഞു എന്ന​താ​ണു് വസ്തുത’ (Avay Sukla, “The Farmer has bypassed Delhi and that should worry the establishment”, The Wire, Feb 6, 2021). വെ​ള്ളം, വി​ദ്യു​ഛ​ക്തി, അവശ്യ വസ്തു​ക്കൾ എന്നി​വ​യെ​ല്ലാം ദെൽഹി നിർ​ത്ത​ലാ​ക്കി​യ​പ്പോൾ കർഷക ഗ്രാ​മ​ങ്ങ​ളിൽ നി​ന്നു് ഇവ​യെ​ല്ലാം എത്തി​ച്ചേർ​ന്നു. ദി​ല്ലി​യി​ലേ​ക്കു​ള്ള പാത കോൺ​ക്രീ​റ്റ് ബാ​രി​ക്കേ​ഡു​കൾ കൊ​ണ്ടും മു​ള്ളാ​ണി​ക്ക​മ്പി​കൾ കൊ​ണ്ടും പോ​ലീ​സ് അതി​ക്ര​മ​ങ്ങൾ കൊ​ണ്ടും തട​ഞ്ഞ​പ്പോൾ കർഷകർ ദി​ല്ലി​യെ തങ്ങ​ളു​ടെ സഞ്ചാ​ര​പ​ഥ​ത്തിൽ നി​ന്നു് വി​ട്ടു​ക​ള​യു​ക​യും എതിർ ദി​ശ​യി​ലേ​ക്കു് പ്ര​സ്ഥാ​ന​ത്തെ തി​രി​ച്ചു വി​ടു​ക​യു​മാ​ണു​ണ്ടാ​യ​തു്. ഫെ​ബ്രു​വ​രി 3 നു ജിൻ​ഡി​ലെ മഹാ​പ​ഞ്ചാ​യ​ത്തിൽ പങ്കെ​ടു​ക്കാൻ ദി​ല്ലി കട​ക്കാ​തെ തന്നെ ഹരി​യാ​ന​യി​ലൂ​ടെ​യു​ള്ള ദീർ​ഘ​മായ പാ​ത​യി​ലൂ​ടെ​യാ​ണു് രാ​കേ​ഷ് തി​ക്കാ​യ​തു് സഞ്ച​രി​ച്ച​തു്. ഇന്ത്യ​യി​ലെ മറ്റു ഭാ​ഗ​ങ്ങ​ളി​ലേ​ക്കു് പ്ര​ക്ഷോ​ഭം വ്യാ​പി​പ്പി​ക്കു​മെ​ന്നു് ജിൻ​ഡി​ലെ​ത്തിയ ശേഷം അദ്ദേ​ഹം പ്ര​സ്താ​വി​ച്ചു.

‘ആരെ​തിർ​ത്താ​ലും ഫാ​സി​സ്റ്റ് കോർ​പ്പ​റേ​റ്റ് നയ​ത്തിൽ തന്നെ മോദി സർ​ക്കാർ ഉറ​ച്ചു നിൽ​ക്കും എന്ന രാ​ഷ്ട്രീയ പ്ര​സ്താ​വ​ന​ക​ളാ​യി​രു​ന്നു ബാ​രി​ക്കേ​ഡു​കൾ’ (Avay Sukla, The Wire) എന്നാൽ ദി​ല്ലി​യി​ലേ​ക്കു കർഷകർ കട​ക്കാ​തി​രി​ക്കു​വാ​നാ​യി സർവ്വ പാ​ത​ക​ളും തട​ഞ്ഞ് കോ​ട്ട​കൾ പോ​ലു​ള്ള കോൺ​ക്രീ​റ്റ് ബാ​രി​ക്കേ​ഡു​കൾ ഉയർ​ന്ന​പ്പോൾ, സമരം എതിർ ദി​ശ​യി​ലേ​ക്കു് വളർ​ന്നു. ഖാ​ലി​സ്ഥാ​നി​ക​ളു​ടേ​തെ​ന്നു് ആരോ​പി​ക്ക​പ്പെ​ട്ട പ്ര​സ്ഥാ​നം പഞ്ചാ​ബി​ലും ഹരി​യാ​ന​യി​ലും ഒതു​ങ്ങാ​തെ ഉത്ത​രേ​ന്ത്യ​യു​ടെ ഹൃ​ദ​യ​ഭാ​ഗ​ങ്ങ​ളി​ലേ​ക്കു് ഒഴു​കി​പ്പ​ര​ന്നു. ആദ്യ ഘട്ട​ത്തിൽ സിഖു് കേ​ന്ദ്രി​ത​മാ​യി​രു​ന്ന പ്ര​സ്ഥാ​നം ജാ​ട്ടു​ക​ളി​ലേ​ക്കും, മറ്റു ജന​വി​ഭാ​ഗ​ങ്ങ​ളി​ലേ​ക്കും കത്തി​പ്പ​ടർ​ന്നു. രാ​കേ​ഷ് തി​ക്കാ​യ​ത്തി​ന്റെ ഐതി​ഹാ​സി​ക​മായ ആരോ​ഹ​ണ​ത്തോ​ടെ ബി. ജെ. പി.-​യ്ക്കു പ്രാ​മു​ഖ്യ​മു​ണ്ടാ​യി​രു​ന്ന യു. പി., രാ​ജ​സ്ഥാൻ, മദ്ധ്യ​പ്ര​ദേ​ശ്, ഉത്തർ ഖണ്ഢ്, എന്നീ സം​സ്ഥാ​ന​ങ്ങ​ളി​ലേ​ക്കും കർഷക പ്ര​സ്ഥാ​നം വ്യാ​പി​ച്ചു.

സ്വ​കാ​ര്യ സ്ഥാ​പ​ന​ത്തി​ലെ ജോലി ഉപേ​ക്ഷി​ച്ചു്, ഭാ​ര്യ​യേ​യും ഒരു വയ​സ്സു​ള്ള കു​ട്ടി​യേ​യും വീ​ട്ടിൽ നിർ​ത്തി, സിംഘു അതിർ​ത്തി​യിൽ സമരം ചെ​യ്യാൻ തു​ട​ക്ക​ത്തി​ലേ എത്തി​ച്ചേർ​ന്ന 28-​കാരനായ ജസ​ന്ദീ​പ് സി​ങ്ങി​ന്റെ വാ​ക്കു​കൾ:

“ഒരി​ഞ്ചു പോലും ഞങ്ങൾ പി​ന്നി​ലേ​ക്കി​ല്ല. ഇത്ത​രം സമ്മർ​ദ്ദ തന്ത്ര​ങ്ങൾ കൊ​ണ്ടു് ഞങ്ങ​ളെ ഭീ​ഷ​ണി​പ്പെ​ടു​ത്തു​വാ​നാ​ണു് അവർ ഉദ്ദേ​ശി​ക്കു​ന്ന​തെ​ങ്കിൽ അവർ​ക്കു് തെ​റ്റി. ഞങ്ങൾ യോ​ദ്ധാ​ക്ക​ളാ​ണു്, ഞങ്ങ​ളു​ടെ പോ​രാ​ട്ടം എല്ലാ​വർ​ക്കും വേ​ണ്ടി​യു​ള്ള​താ​ണു്. ഈ നാ​ട്ടി​ലെ ഭാവി തല​മു​റ​കൾ​ക്കു് വേ​ണ്ടി​യും. അവർ സി​മ​ന്റ് ഭി​ത്തി​കൾ പണി​യു​ന്നു. പക്ഷേ എത്ര ഉയ​ര​മു​ള്ള മതി​ലു​കൾ​ക്കും ഞങ്ങ​ളു​ടെ വീ​ര്യ​ത്തെ തട​യു​വാൻ സാ​ധ്യ​മ​ല്ല. ഡാ​മു​ക​ളാൽ തട​ഞ്ഞു നിർ​ത്താൻ പറ്റു​ന്ന വെ​ള്ള​പ്പൊ​ക്ക​മ​ല്ല ഈ പ്ര​സ്ഥാ​നം. ഇതു് സു​നാ​മി​യാ​ണു്. ഒരു ഭി​ത്തി​ക്കും ഇതിനെ തട​യാ​നാ​വി​ല്ല” (The Wire, Feb 2, 2021).

കർ​ഷ​ക​രു​ടെ വർ​ദ്ധി​ത​മായ സമര വീ​ര്യ​ത്തെ​യാ​ണു് ഈ വാ​ക്കു​കൾ പ്ര​തി​ഫ​ലി​പ്പി​ച്ച​തു്.