ഖണ്ഡ​ലേ​ഖ​ന​ങ്ങ​ളിൽ മറ്റൊ​രി​നം പത്രാ​ധി​പ​ക്കു​റി​പ്പു​ക​ളാ​ണെ​ന്നു പറ​ഞ്ഞി​ട്ടു​ണ്ട​ല്ലോ. ഇവ വർ​ത്ത​മാ​ന​ങ്ങൾ ശേ​ഖ​രി​ക്കു​ന്ന റി​പ്പോർ​ട്ട​റു​ടെ ചു​മ​ത​ല​യിൽ പെ​ട്ട​ത​ല്ല. എങ്കി​ലും, ഇവയെ രചി​ക്കു​ന്ന സമ്പ്ര​ദാ​യം, മു​മ്പു പറഞ്ഞ വർ​ത്ത​മാ​ന​ക്കു​റി​പ്പു​കൾ എഴു​തു​മ്പോൾ ഓർ​മ്മ​വെ​യ്ക്കേ​ണ്ട​തായ സാ​ഹി​ത്യ​ശാ​സ്ത്ര​ത​ത്വ​ങ്ങ​ളെ ആശ്ര​യി​ക്കു​ന്ന​താ​ക​കൊ​ണ്ടു, ഇവ​യു​ടെ രീ​തി​യെ​ക്കു​റി​ച്ചും അല്പം വി​ചി​ന്ത​നം ചെ​യ്യാം. പത്രാ​ധി​പ​ക്കു​റി​പ്പു​ക​ളിൽ ലോ​ക​വാർ​ത്ത​കൾ വി​ഷ​യ​മാ​യി വരു​മെ​ങ്കി​ലും, അവയെ പ്ര​തി​പാ​ദി​ക്കു​ന്ന സമ്പ്ര​ദാ​യ​ത്തി​നു ഭേ​ദ​മു​ണ്ടു്. വർ​ത്ത​മാ​ന​ക്കു​റി​പ്പു​ക​ളിൽ ഓരോ സം​ഭ​വ​ങ്ങൾ നട​ന്ന​പോ​ലെ വി​വ​രി​ക്ക​യേ വേ​ണ്ടു; റി​പ്പോർ​ട്ടർ​മാർ ആ വാർ​ത്ത​ക​ളെ​ക്കു​റി​ച്ചു തങ്ങൾ​ക്കു​ള്ള അഭി​പ്രാ​യ​ങ്ങ​ളെ പ്ര​സ്താ​വി​ക്ക​രു​താ​ത്ത​താ​കു​ന്നു. അഭി​പ്രാ​യം പറ​യു​മ്പോൾ വൃ​ത്താ​ന്ത​ക​ഥ​നം എന്ന​തു മാറി ആഭി​പ്രാ​യ​പ്ര​ക​ട​നം ആയി​ത്തീ​രു​ന്നു. ഒരു സം​ഗ​തി​യെ​പ്പ​റ്റി അഭി​പ്രാ​യം പു​റ​പ്പെ​ടു​വി​ച്ചെ​ഴു​തു​ന്ന​താ​ണു് പത്രാ​ധി​പ​ക്കു​റി​പ്പു്. വർ​ത്ത​മാ​ന​ക്കു​റി​പ്പി​നെ സം​ഭ​വാ​ഖ്യാ​നം എന്നും പത്രാ​ധി​പ​ക്കു​റി​പ്പി​നെ സം​ക്ഷി​പ്ത​വി​വ​ര​മെ​ന്നും പറയാം. പത്ര​ത്തി​ന്റെ അഭി​പ്രാ​യ​ങ്ങ​ളെ​യാ​ണു് പത്രാ​ധി​പ​ക്കു​റി​പ്പു​ക​ളി​ലോ, പത്രാ​ധി​പ​പ്ര​സം​ഗ​ങ്ങ​ളി​ലോ പ്ര​കാ​ശി​പ്പി​ക്കു​ന്ന​തു്. വെറും വർ​ത്ത​മാ​ന​ങ്ങൾ എഴു​തുക റി​പ്പോർ​ട്ട​റു​ടെ കൃ​ത്യം; ഈവക കു​റി​പ്പു​കൾ, പത്രാ​ധി​പ​ക്കു​റി​പ്പു​കൾ​ക്കു വി​ഷ​യ​മാ​യി​ത്തീ​രാ​വു​ന്ന​താ​ണു​താ​നും. അപ്പോൾ പത്രാ​ധി​പ​ക്കു​റി​പ്പെ​ഴു​തു​ന്ന ആൾ ആ വാർ​ത്ത​ക​ളെ ഏറെ​ക്കു​റെ പരാ​മർ​ശി​ക്ക​യും അതി​ന്മേൽ ഗു​ണ​ദോ​ഷ​നി​രൂ​പ​ണം ചെ​യ്തു് അഭി​പ്രാ​യ​ങ്ങൾ പു​റ​പ്പെ​ടു​വി​ക്ക​യും ചെ​യ്യു​ന്നു. ചില സം​ഗ​തി​ക​ളിൽ, പത്രാ​ധി​പ​ക്കു​റി​പ്പു​കൾ വർ​ത്ത​മാ​ന​ങ്ങ​ളെ​പ്പ​റ്റി​യു​ള്ള വി​മർ​ശ​ന​ങ്ങൾ അട​ങ്ങി​യ​വ​യാ​യി​രി​ക്ക​യി​ല്ല; രാ​ജ്യ​ഭ​ര​ണ​സം​ബ​ന്ധ​മായ വല്ല കണ​ക്കു​ക​ളോ, വ്യ​വ​സ്ഥ​ക​ളോ, കല്പ​ന​ക​ളോ ഉദ്ധ​രി​ച്ചെ​ഴു​തി​യി​ട്ടു​ള്ള​താ​വാം. ഇതി​ലൊ​ക്കെ മു​ഖ്യ​മാ​യി അറി​ഞ്ഞി​രി​ക്കേ​ണ്ട കാ​ര്യം, പത്രാ​ധി​പ​ക്കു​റി​പ്പു​കൾ ഒരി​ക്ക​ലും വെറും സം​ഭ​വ​ക​ഥ​ന​മാ​യി​രി​ക്ക​രു​തെ​ന്നു​ള്ള​താ​ണു്. പി​ന്നെ വർ​ത്ത​മാ​ന​ങ്ങ​ളെ വർ​ത്ത​മാ​ന​പം​ക്തി​യിൽ വേണം എഴു​തു​വാൻ, എന്നും ഓർ​ത്തി​രി​ക്ക​ണം.

പത്രാ​ധി​പ​ക്കു​റി​പ്പു​ക​ളെ​ഴു​തു​ന്ന​വർ ഓർ​മ്മ​വെ​ക്കേ​ണ്ട​തായ മു​ഖ്യ​കാ​ര്യം തങ്ങ​ളു​ടെ ശബ്ദ​പ്ര​ള​യം​കൊ​ണ്ടു വാ​യ​ന​ക്കാ​രെ ഉപ​ദ്ര​വി​ക്ക​രു​തെ​ന്ന​താ​ണു്. ഒരു സം​ഗ​തി​യെ​ക്കു​റി​ച്ചു പത്രാ​ധി​പ​ക്കു​റി​പ്പെ​ഴു​ത്തു​കാ​ര​ന്റെ അഭി​പ്രാ​യ​ങ്ങ​ളെ വാ​യ​ന​ക്കാ​രു​ടെ ഉള്ളിൽ ഫലി​പ്പി​ക്കാൻ വേ​ണ്ടി മാ​ത്രം ആവ​ശ്യ​മു​ള്ള വാ​ക്യ​ങ്ങ​ളേ ഉപ​യോ​ഗി​ക്കാ​വു. ചി​ല​പ്പോൾ, യു​ക്തി​പ​ദ​ങ്ങ​ളെ മാ​ത്രം പ്ര​തി​പാ​ദി​ച്ചാൽ മതി​യാ​കും; അനു​മാ​നം വാ​യ​ന​ക്കാർ​ക്കു സു​ഗ​മ​മാ​ണി​ങ്കിൽ, ആ പ്ര​വൃ​ത്തി പത്രാ​ധി​പ​ക്കു​റി​പ്പു​കാ​രൻ ചെ​യ്യേ​ണ്ട​തി​ല്ല. ആരോ​ഗ്യ​വാ​നാ​യി​രി​ക്കു​ന്ന ഒരു​വ​നു ചോറും കറി​യും വി​ള​മ്പി​ക്കൊ​ടു​ത്താൽ മതി, അവർ ഉരു​ള​യാ​ക്കി ഉണ്ടു​കൊ​ള്ളും. ഉരുള ഉരു​ട്ടി അവ​ന്റെ വാ​യ്ക്കു​ള്ളിൽ തള്ളി അന്ന​കു​ല്യ​യി​ലേ​ക്കു കു​ത്തി​യി​റ​ക്കേ​ണ്ട ആവ​ശ്യ​മി​ല്ല. ചോ​റു​രു​ട്ടി​ത്ത​ള്ളി​യാൽ അവ​ന്റെ പല്ലു​കൾ ചെ​യ്യേ​ണ്ടി​യി​രു​ന്ന പണി ആമാ​ശ​യ​ത്താൽ സാ​ധി​ക്കേ​ണ്ട​താ​യും, പക്ഷേ, ദീ​പ​ന​ക്കേ​ടു​ണ്ടാ​യി അവ​ന്നു ആരോ​ഗ്യം ക്ഷ​യി​ക്കു​വാൻ ഇട​യാ​ക്കി​യ​താ​യും വന്നേ​ക്കും. ഇതി​ന്മ​ണ്ണം തന്നെ​യാ​ണു് പത്ര​വാ​യ​ന​ക്കാ​ര​നോ​ടും വർ​ത്തി​ക്കേ​ണ്ട​തു്. അവ​ന്നു സ്വയം ചി​ന്തി​ച്ചു സ്വാ​ഭി​പ്രാ​യ​ങ്ങ​ളെ സ്വ​രൂ​പി​ക്കു​വാൻ ശക്തി​യു​ള്ള​പ്പോൾ, അവ​ന്റെ ശി​ര​സ്സി​ന്നു​ള്ളി​ലേ​ക്കു, പത്ര​ക്കാ​രൻ സ്വാ​ഭി​പ്രാ​യ​ങ്ങ​ളെ കൂ​ട്ടി​ക്കു​ഴ​ച്ചു് ഓരോ സം​ഗ​തി​ക​ളെ ഉരുള ഉരു​ട്ടി​ത്ത​ള്ളു​വാൻ ധൃ​ഷ്ട​നാ​ക​രു​തു്. ആലോ​ച​ന​യ്ക്കു ആഹാ​ര​മായ സം​ഗ​തി​ക​ളെ പാ​ക​പ്പെ​ടു​ത്തി വി​ള​മ്പേ​ണ്ട കൃ​ത്യ​മേ പത്ര​ക്കാ​രൻ ചെ​യ്യേ​ണ്ടൂ; അവയെ അലോ​ചി​ച്ചു് അഭി​പ്രാ​യ​ങ്ങൾ സ്വ​രൂ​പി​ച്ചു് തന്റെ മന​സ്സിൽ അം​ഗി​ക​രി​ക്കു​വാൻ വാ​യ​ക്കാ​ര​ന്നു കഴി​യു​മെ​ങ്കിൽ ആ പ്ര​വൃ​ത്തി അവൻ നട​ത്തി​ക്കൊ​ള്ളും. അവ​ന്നു ചോറു ദഹി​ക്കു​ന്ന​തി​ലേ​ക്കു് ഉമി​നീ​രി​ള​ക്കു​വാ​നും സ്വാ​ദു തോ​ന്നി​ക്കു​വാ​നും ഷഡ്ര​സ​ങ്ങൾ ചേർ​ന്ന കറികൾ വി​ള​മ്പി​ക്കൊ​ടു​ക്കും​പോ​ലെ, അഭി​പ്രാ​യ​ങ്ങ​ളെ സ്വ​രൂ​പി​ക്കു​ന്ന​തി​ലേ​ക്കു സഹാ​യ​മാ​യി പത്ര​ക്കാ​രൻ അല്പ​സ്വ​ല്പം ചില വി​മർ​ശ​ങ്ങൾ ചെ​യ്തു​കൊ​ള്ളാം, തര​ക്കേ​ടി​ല്ല. എന്നാൽ, പത്ര​ക്കാ​രൻ ഒരി​ക്ക​ലും യാ​തൊ​രു സം​ഗ​തി​യെ​പ്പ​റ്റി​യും, വാ​യ​ന​ക്കാർ​ക്കു​വേ​ണ്ടി, അവർ​ക്കു​പ​ക​രം താൻ തന്നെ ചി​ന്തി​ച്ചു്, ചില അഭി​പ്രാ​യ​ങ്ങൾ സ്വ​രൂ​പി​ച്ച​ശേ​ഷം ആ അഭി​പ്രാ​യ​ങ്ങ​ളെ അവ​രു​ടെ മന​സ്സി​ലേ​ക്കു തള്ളി​ക്ക​യ​റ്റ​രു​തു്. ഈ തത്വം പത്രാ​ധി​പ​ക്കു​റി​പ്പെ​ഴു​തു​ന്ന​വർ ഓർ​ത്തി​രി​ക്കേ​ണ്ട​താ​ക​യാൽ ആണു് ഇവിടെ പ്ര​സ്താ​വി​ച്ച​തു്. പ്ര​തി​പാ​ദി​ക്കു​ന്ന സം​ഗ​തി​യു​ടെ സാരം എന്തെ​ന്നു വാ​യ​ന​ക്കാ​ര​ന്നു എളു​പ്പം കാ​ണ്മാൻ സാ​ധി​ക്കാ​ത്ത​വി​ധ​ത്തിൽ ശബ്ദ​മേ​ഘ​ങ്ങ​ളാൽ മൂടി ഇരു​ള​ട​ച്ച പത്രാ​ധി​പ​ക്കു​റി​പ്പു​കൾ പത്ര​ങ്ങ​ളിൽ പല​പ്പോ​ഴും കാ​ണാ​റു​ണ്ടു്; അതുകൾ എഴു​തു​ന്ന​വർ വാ​യ​ന​ക്കാ​രു​ടെ നി​ല​യിൽ​നി​ന്നു് അവയെ നോ​ക്കു​ന്ന​താ​യാൽ, സ്വ​കൃ​തി​ക​ളെ​പ്പ​റ്റി ലജ്ജ​യോ വി​സ്മ​യ​മോ തോ​ന്നു​ന്ന​താ​ണു്. ഉദാ​ഹ​ര​ണ​ത്തി​നു താഴെ പകർ​ക്കു​ന്ന ഖണ്ഡ​ലേ​ഖ​ന​ത്തെ സാ​ര​പ്ര​കാ​ശ​മാ​കും​വ​ണ്ണം സം​ക്ഷേ​പി​ച്ചെ​ഴു​താൻ കഴി​ക​യി​ല്ല​യോ എന്നു പരീ​ക്ഷി​ക്കാം.

“പൂ​ന​യിൽ സ്ഥാ​പി​ക്ക​പ്പെ​ട്ടി​രി​ക്കു​ന്ന കൃഷി ശാ​സ്ത്ര​കാ​ളേ​ജ് തു​റ​ന്ന അവ​സ​ര​ത്തിൽ, ഇക്ക​ഴി​ഞ്ഞ ജൂലൈ 18-നു് ബാംബെ ഗവർണർ ബഹു​മാ​ന​പ്പെ​ട്ട സർ. ജാർജ് ക്ലാർ​ക്ക് ചെയ്ത സാ​ര​വ​ത്തായ പ്ര​സം​ഗ​ത്തിൽ ഇന്ത്യ​യി​ലെ കൃഷി പരി​ഷ്ക്കാ​ര​വി​ഷ​യ​ത്തിൽ ശ്ര​ദ്ധ​യു​ള്ള​വർ അവ​ശ്യം അറി​ഞ്ഞി​രി​ക്കേ​ണ്ട പല സം​ഗ​തി​ക​ളും അട​ങ്ങീ​ട്ടു​ള്ള​താ​യി കാ​ണു​ന്നു. അദ്ദേ​ഹം ഇന്ത്യ​യി​ലെ രാ​ജ്യ​കാ​ര്യ​കു​ശ​ല​നായ ഒരു പൗ​ര​നാ​യി​രു​ന്നു എങ്കിൽ കൃ​ഷി​പ​രി​ഷ്ക്കാ​ര​ത്തി​നും കൃ​ഷി​വി​ദ്യാ​ഭ്യാ​സ​പ്ര​ചാ​ര​ത്തി​നും കൂ​ടു​തൽ ധനം വ്യ​യം​ചെ​യ്യു​ന്ന​തി​നാ​യി ഗവൺ​മെ​ന്റി​നെ എപ്പോ​ഴും ബു​ദ്ധി​മു​ട്ടി​ച്ചു​കൊ​ണ്ടി​രി​ക്കു​മെ​ന്നു് ഇദ്ദേ​ഹം പ്ര​സ്താ​വി​ച്ചി​രി​ക്കു​ന്നു. ഇതു അർ​ത്ഥ​ഗർ​ഭ​മായ ഒരു പ്ര​സ്താ​വ​ന​യാ​ണെ​ന്നു പറ​യേ​ണ്ട​തി​ല്ല​ല്ലോ. കൃ​ഷി​പ​രി​ഷ്ക്കാ​ര​വി​ഷ​യ​ത്തിൽ ഇന്ത്യ​യിൽ ഇപ്പോൾ പലവിധ പരി​ശ്ര​മ​ങ്ങ​ളും ചെ​യ്തു​വ​രു​ന്നു​ണ്ടെ​ങ്കി​ലും ആശാ​സ്യ​ങ്ങ​ളായ പല സം​ഗ​തി​ക​ളും ഇതേ​വ​രെ ആരം​ഭി​ക്ക​പ്പെ​ട്ടി​ട്ടു​പോ​ലു​മി​ല്ലെ​ന്നു​ള്ള​തു് ശോ​ച​നീ​യ​മായ ഒരു വാ​സ്ത​വ​മാ​ണു്. ഗവൺ​മെ​ന്റ് ഇതി​ലേ​ക്കു​വേ​ണ്ടി​യാ​ണു് കൂ​ടു​തൽ ധനം വ്യ​യം​ചെ​യ്തു് വ്യ​വ​സ്ഥ​കൾ ഏർ​പ്പെ​ടു​ത്തേ​ണ്ട​തു്. ഇന്ത്യ​യി​ലെ മണ്ണി​ന്റെ സ്വ​ഭാ​വം ഇതര രാ​ജ്യ​ങ്ങ​ളി​ലു​ള്ള മണ്ണി​നെ അപേ​ക്ഷി​ച്ചു് ഒരു പ്ര​ത്യേ​കം രീ​തി​യി​ലു​ള്ള​താ​ക​യാൽ, നവീ​ന​കൃ​ഷി​സ​മ്പ്ര​ദാ​യ​ങ്ങ​ളെ പരീ​ക്ഷി​ച്ച​റി​ക​യാ​ണു് ആദ്യ​മാ​യി വേ​ണ്ട​തെ​ന്നും, കൃ​ഷി​പ്ര​യോ​ഗ​തോ​ട്ട​ങ്ങൾ രാ​ജ്യ​ത്തി​ന്റെ നാ​നാ​ഭാ​ഗ​ങ്ങ​ളി​ലും സ്ഥാ​പി​ക്കേ​ണ്ട​താ​ണെ​ന്നും പ്ര​സ്തു​ത​പ്ര​സം​ഗ​മ​ധ്യേ സർ ജാർ​ജ്ജ് ക്ലാർ​ക്ക് പ്ര​സ്താ​വി​ച്ചു കാ​ണു​ന്ന​തു് ശ്ര​ദ്ധാർ​ഹ​മായ ഒരു സം​ഗ​തി​യാ​ണു്. നാ​ട്ടു​പു​റ​ങ്ങ​ളിൽ കൃ​ഷി​വി​ഷ​യ​പ്ര​സം​ഗ​ങ്ങൾ ചെ​യ്യു​ന്ന​തി​നും, പരീ​ക്ഷ​ണ​ങ്ങൾ കാ​ണി​ച്ചു​കൊ​ടു​ക്കു​ന്ന​തി​ന്നും അധികം പേരെ നി​ശ്ച​യി​ച്ചു് നവീ​ന​സ​മ്പ്ര​ദാ​യ​ങ്ങൾ കൃ​ഷി​ക്കാർ​ക്കു മന​സ്സി​ലാ​ക്കി​ക്കോ​ടു​ക്കേ​ണ്ട​തി​ന്നും അവരെ ജാ​ഗ​രൂ​ക​ന്മാ​രാ​ക്കു​ന്ന​തി​നും ശ്ര​മി​ക്കേ​ണ്ട​താ​ണെ​ന്നും മഹാ​നായ പ്ര​സ്തുത പ്രാ​സം​ഗി​കൻ അഭി​പ്രാ​യ​പ്പെ​ട്ടു​കാ​ണു​ന്ന​തു് കൃ​ഷി​പ​രി​ഷ്ക്കാ​ര​വി​ഷ​യ​ത്തിൽ ഒരു പ്ര​ധാ​ന​പ്പെ​ട്ട സം​ഗ​തി​യാ​ണെ​ന്നു​ള്ള​തി​ന്നു സം​ശ​യ​മി​ല്ല. നാ​ട്ടു​പു​റ​ങ്ങ​ളിൽ പ്രാ​ഥ​മിക കൃ​ഷി​പാ​ഠ​ശാ​ല​കൾ സ്ഥാ​പി​ച്ചു് കൃ​ഷി​ശാ​സ്ത്ര​ത്തി​ലെ ആദ്യ​മ​പാ​ഠ​ങ്ങ​ളെ പഠി​പ്പി​ക്കേ​ണ്ട​തി​ന്റെ ആവ​ശ്യ​ക​ത​യെ​പ്പ​റ്റി സർ ജാർജ് ക്ലാർ​ക്ക് പു​റ​പ്പെ​ടു​വി​ച്ചു കാ​ണു​ന്ന അഭി​പ്രാ​യ​വും ശ്ര​ദ്ധാർ​ഹ​മായ ഒന്നാ​ണു്. തി​രു​വി​താം​‌​കൂ​റിൽ ഈ തരം പ്രാ​ഥ​മിക പാ​ഠ​ശാ​ല​കൾ സ്ഥാ​പി​ക്കേ​ണ്ട​താ​ണെ​ന്നു കൃ​ഷി​ഡ​യ​റ​ക്ടർ ഗവൺ​മെ​ണ്ടി​നെ ധരി​പ്പി​ക്കു​ക​യു​ണ്ടാ​യെ​ങ്കി​ലും, ഗവൺ​മെ​ണ്ട് ആ അഭി​പ്രാ​യ​ത്തെ സ്വീ​ക​രി​ക്കാ​തി​രി​ക്കു​ക​യാ​ണു​ണ്ടാ​യ​തെ​ന്നു ഞങ്ങൾ അറി​ഞ്ഞി​ട്ടു​ണ്ടു്. കൃ​ഷി​ഡ​യ​റ​ക്ട​റു​ടെ ശു​പാർ​ശ​യെ ഗവൺ​മെ​ണ്ട് സ്വീ​ക​രി​ച്ചു പ്ര​വർ​ത്തി​ച്ചി​രു​ന്നു​വെ​ങ്കിൽ അതു പ്ര​യോ​ജ​ന​ക​ര​മാ​യി​രി​ക്കു​മാ​യി​രു​ന്നു​വെ​ന്നു​ള്ള​തി​നു സം​ശ​യ​മി​ല്ല.”

ഈ പത്രാ​ധി​പ​ക്കു​റി​പ്പി​നെ​ക്കു​റി​ച്ചു പറാ​യാ​നു​ള്ള ആക്ഷേ​പ​ങ്ങ​ളിൽ ഒന്നാ​മ​ത്തേ​താ​യി നി​ല്ക്കു​ന്ന​തു്, സർ ജാർ​ജ്ജ് ക്ലാർ​ക്കി​ന്റെ പ്ര​സം​ഗ​ത്തിൽ​നി​ന്നു എടു​ത്തെ​ഴു​തിയ സാ​ര​ഭാ​ഗം മൂ​ലാർ​ത്ഥ​ത്തിൽ​നി​ന്നു ഭി​ന്ന​മാ​യി​രി​ക്കു​ന്നു എന്നു​ള്ള​താ​ണു്. അദ്ദേ​ഹം പ്ര​സ്താ​വി​ച്ച​താ​ണി​തു്:-

“If I were an Indian Politician, I should worry Government in season and out of season to spend more money upon the improvement of agriculture and the acquisition and spread of knowledge. We require more research work, because problems of India are her own and the careful investigations carried on in other countries may be value less in our special conditions. We want more demonstration farms where the cultivators can receive object lessons by which the advantages of improved methods can be brought home to their minds. I should like to see many more lecturers employed in going about among the villages to instil new ideas and to awaken interest. I think we should also establish rural schools where the elements of practical agriculture could be taught in the vernacular.”

ഇതി​ന്റെ അർ​ത്ഥം ഇപ്ര​കാ​ര​മാ​ണു്:

“ഞാൻ ഒരു ഇന്ത്യൻ രാ​ജ്യ​കാ​ര്യ​പ​രാ​യ​ണൻ ആയി​രു​ന്നു എങ്കിൽ, കൃഷി പരി​ഷ്ക്കാ​ര​ത്തി​ന്നാ​യും (കൃ​ഷി​സം​ബ​ന്ധി​ച്ച) അറി​വു​ണ്ടാ​ക്കി​ക്കൊ​ടു​ക്കു​ന്ന​തി​നാ​യും അതി​ന്റെ പ്ര​ചാ​ര​ത്തി​നാ​യും ഇപ്പോ​ഴ​ത്തേ​തി​ലും അധികം പണം ചെ​ല​വാ​ക്കു​വാൻ, കാ​ലാ​കാ​ല​ഭേ​ദ​വി​ചാ​രം കൂ​ടാ​തെ ഗവ​ണ്മെ​ന്റി​നോ​ട​ല​ട്ടി​ക്കൊ​ണ്ടി​രി​ക്കു​മാ​യി​രു​ന്നു. നമ്മൾ കൃ​ഷി​സം​ബ​ന്ധ​മായ തത്വാ​ന്വേ​ഷ​ണ​മാർ​ഗ്ഗ​ത്തിൽ പൂർ​വ്വാ​ധി​കം പ്ര​വൃ​ത്തി​ക്കേ​ണ്ടി​യി​രി​ക്കു​ന്നു; എന്തു​കൊ​ണ്ടെ​ന്നാൽ, ഇന്ത്യൻ കൃ​ഷി​വി​ഷ​യ​കാ​ര്യ​ങ്ങൾ ഇന്ത്യ​യ്ക്കു പ്ര​ത്യേ​ക​മാ​യി​ട്ടു​ള്ള​വ​യാ​ണു്; മറു​നാ​ടു​ക​ളിൽ നട​ത്തി​വ​ന്നി​രി​ക്കു​ന്ന ശ്ര​ദ്ധാ​പൂർ​വ്വ​മായ അന്വേ​ഷ​ണ​ങ്ങൾ ഈ നാ​ട്ടി​ന്റെ വി​ശേ​ഷാ​വ​സ്ഥ​യ്ക്കു തീരെ ഗണ​നാർ​ഹ​മ​ല്ല. പരി​ഷ്കൃ​ത​സ​മ്പ്ര​ദാ​യ​ങ്ങ​ളെ​ക്കൊ​ണ്ടു​ണ്ടാ​കു​ന്ന ഗു​ണ​ങ്ങൾ എന്തൊ​ക്കെ​യെ​ന്നു സാ​ധ​ന​പാ​ഠ​ങ്ങൾ മുഖേന കൃ​ഷി​ക്കാർ​ക്കു മന​സ്സി​ലാ​ക്കി​ക്കൊ​ടു​ക്കു​വാൻ നമ്മൾ​ക്കു ഇപ്പോ​ഴ​ത്തേ​തി​ലു​മ​ധി​കം കൃ​ഷി​പ്ര​യോ​ഗ​ത്തോ​ട്ട​ങ്ങൾ വേണം. ഗ്രാ​മ​പ്ര​ദേ​ശ​ങ്ങ​ളിൽ ചെ​ന്നു ജന​ങ്ങൾ​ക്കു പുതിയ തത്വ​ങ്ങ​ളെ ഉപ​ദേ​ശി​ക്ക​യും അവയിൽ താ​ല്പ​ര്യം ജനി​പ്പി​ക്ക​യും ചെ​യ്യു​ന്ന​തി​ലേ​യ്ക്കി​പ്പോ​ഴ​ത്തേ​തി​ലു​മ​ധി​കം പ്ര​സം​ഗ​കർ​ത്താ​ക്ക​ന്മാ​രെ ഏർ​പ്പെ​ടു​ത്തി​ക്കാ​ണ്മാ​നും എനി​ക്കു ആഗ്ര​ഹ​മു​ണ്ടു്. കൃ​ഷി​പ്ര​വൃ​ത്തി നട​ത്തു​ന്ന​തി​നെ​പ്പ​റ്റി​യു​ള്ള മൂല തത്വ​ങ്ങൾ നാ​ട്ടു​ഭാ​ഷ​യിൽ പഠി​പ്പി​ക്കു​വാൻ നാം ഗ്രാ​മ​ങ്ങൾ തോറും പാ​ഠ​ശാ​ല​കൾ ഏർ​പ്പെ​ടു​ത്തേ​ണ്ട​താ​ണെ​ന്നും ഞാൻ വി​ചാ​രി​ക്കു​ന്നു.” ഇതാ​ണു് സർ. ജാർ​ജി​ന്റെ പ്ര​സം​ഗ​ത്താൽ അർ​ത്ഥ​മാ​ക്കീ​ട്ടു​ള്ള​തു്. മേ​ല്പ​ടി പത്രാ​ധി​പ​ക്കു​റി​പ്പിൽ പറ​യു​ന്ന സം​ഗ​തി​കൾ പലേ ഘട്ട​ങ്ങ​ളിൽ ഇതിൽ​നി​ന്നു ഭി​ന്ന​മാ​യി​രി​ക്കു​ന്നു എന്നു് സ്പ​ഷ്ട​മാ​ണു്.

ഇനി, ഈ പത്രാ​ധി​പ​ക്കു​റി​പ്പി​ന്റെ മറ്റു ദോ​ഷ​ങ്ങ​ളെ നോ​ക്കാം. പത്രാ​ധി​പ​പ്ര​സം​ഗ​ങ്ങ​ളിൽ ചില സന്ദർ​ഭ​ങ്ങ​ളിൽ ഉപ​യോ​ഗി​ക്കാ​റു​ള്ള, “ശോ​ച​നീ​യ​മായ വാ​സ്ത​വ​മാ​ണു്”, “ശ്ര​ദ്ധാർ​ഹ​മായ അഭി​പ്രാ​യ​മാ​ണു്”, ഇത്യാ​ദി നി​ന്ദ​ന​രൂ​പ​മോ നന്ദ​ന​രൂ​പ​മോ ആയ വച​ന​ങ്ങൾ ഔചി​ത്യം അനു​സ​രി​ച്ചു​വേ​ണം പ്ര​യോ​ഗി​പ്പാൻ. ഇവ ചി​ല​പ്പോൾ ദീർ​ഘ​പ്ര​സം​ഗ​ങ്ങ​ളിൽ വാ​യ​ന​ക്കാ​രു​ടെ ബു​ദ്ധി​ക്കു വി​ശ്ര​മ​ക​ര​മാ​യും, ചില സം​ഗ​തി​ക​ളിൽ വാ​ച​ക​ങ്ങൾ​ക്കു ഭം​ഗി​കാ​ര​ക​മാ​യും, ഇരി​ക്കു​മെ​ന്ന വസ്തു​ത​യെ വി​സ​മ്മ​തി​ക്കു​ന്നി​ല്ല. എന്നാൽ, ഖണ്ഡ​ലേ​ഖ​ന​ങ്ങ​ളിൽ ഇത്ത​രം അഭി​ന​ന്ദ​ന​വ​ച​ന​ങ്ങൾ നി​ര​ന്ത​മാ​യി വാ​ക്യാ​ന്ത​ങ്ങ​ളിൽ പ്ര​യോ​ഗി​ക്കു​ന്ന​തു് തീരെ അഭം​ഗി​യാ​യും ദു​ശ്ര​വ​മാ​യും, നി​രർ​ത്ഥ​മാ​യും, വാ​യ​ന​ക്കാ​രു​ടെ ബു​ദ്ധി​യെ കു​ഴ​ക്കു​ന്ന​താ​യും വരും. മേ​ല്പ​ടി കു​റി​പ്പിൽ, ഇപ്ര​കാ​രം തന്നെ​യാ​ണു് ഇവ​യു​ടെ പ്ര​വൃ​ത്തി. അതി​രി​ക്ക​ട്ടെ, പൂ​ന​യിൽ തു​റ​ന്ന​തു് കൃ​ഷി​ശാ​സ്ത്ര​കാ​ളേ​ജ് എന്ന സ്ഥാ​പ​ന​മ​ല്ല; മേൽ​പ്പ​ടി കാ​ളേ​ജ് നട​ത്തു​വാ​നാ​യി കെ​ട്ടിയ പുതിയ എടു​പ്പാ​ണു്. സാർ ജാർജ് ക്ലാർ​ക്കി​ന്റെ പ്ര​സം​ഗ​ത്തെ​യാ​ണ​ല്ലോ പു​ര​സ്ക​രി​ച്ചി​രി​ക്കു​ന്ന​തു്. അതി​ന്റെ സന്ദർ​ഭ​ത്തെ പറ​യും​മു​മ്പു്, അതു് ഏതു​നാ​ളിൽ ആയി​രു​ന്നു എന്നു പറ​യേ​ണ്ടി​യി​രു​ന്നു. അദ്ദേ​ഹ​ത്തി​ന്റെ പ്ര​സം​ഗ​ത്തിൽ അറി​ഞ്ഞി​രി​ക്കേ​ണ്ട പല സം​ഗ​തി​ക​ളും അട​ങ്ങി​യി​രു​ന്നു എന്നു പറ​യു​ന്ന സ്ഥി​തി​ക്കു പ്ര​സം​ഗം “സാ​ര​വ​ത്തായ” എന്നു് വി​ശേ​ഷി​പ്പി​ക്കേ​ണ്ട ആവ​ശ്യ​വു​മി​ല്ല. പല സം​ഗ​തി​ക​ളും അട​ങ്ങീ​ട്ടു​ണ്ടു് എന്നു നി​ശ്ച​യ​മാ​ണെ​ങ്കിൽ, “അട​ങ്ങീ​ട്ടു​ള്ള​താ​യി​ക്കാ​ണു​ന്നു” എന്നു പറ​യു​ന്ന​തു് അസം​ബ​ന്ധം തന്നെ​യാ​ണു്. രാ​ജ്യ​കാ​ര്യ​ങ്ങ​ളിൽ താൽ​പ​ര്യം​വെ​ച്ചു് പ്ര​സം​ഗി​ക്കു​ക​യും ആക്ഷേ​പ​ങ്ങൾ ചൂ​ണ്ടി​ക്കാ​ണി​ക്കു​ക​യും മറ്റും ചെ​യ്യു​ന്ന ഒരു​വ​ന്നും, രാ​ജ്യ​കാ​ര്യ​ങ്ങ​ളെ നിർ​വ്വ​ഹി​ക്കു​ന്ന പ്ര​വൃ​ത്തി​യിൽ കു​ശ​ല​നായ ഒരു​വ​ന്നും തമ്മിൽ അന്ത​ര​മു​ള്ള അവ​സ്ഥ​യ്ക്കു് രാ​ജ്യ​കാ​ര്യ​കു​ശ​ലൻ എന്ന പദ​പ്ര​യോ​ഗം ഉചി​ത​മേ അല്ല​ത​ന്നെ. “അദ്ദേ​ഹം… പൗ​ര​നാ​യി​രു​ന്നു​വെ​ങ്കിൽ… ബു​ദ്ധി​മു​ട്ടി​ച്ചു​കൊ​ണ്ടി​രി​ക്കും എന്നി​ദ്ദേ​ഹം പ്ര​സ്താ​വി​ച്ചി​രി​ക്കു​ന്നു” എന്ന വാ​ക്യ​ത്തിൽ ക്രി​യാ​പ​ദ​ങ്ങ​ളു​ടെ കാ​ല​ങ്ങൾ​ക്കു തമ്മിൽ പൊ​രു​ത്തം ഇല്ലാ​ത്ത​തി​നും പുറമെ; ‘അദ്ദേ​ഹം’ ‘ഇദ്ദേ​ഹം’ എന്നിവ രണ്ടും ഒരാളെ തന്നെ പരാ​മർ​ശി​ക്കു​ന്ന സ്ഥി​തി​ക്കു, ഒന്നിൽ ദൂ​രാർ​ത്ഥ​ക​മായ ‘ആ’യും, മറ്റേ​തിൽ സമീ​പാർ​ത്ഥ​ക​മായ ‘ഈ’യും കൊ​ണ്ടു വ്യ​തി​രേ​കം വരു​ത്തി​യി​രി​ക്കു​ന്ന​തും അബ​ദ്ധം ആകു​ന്നു. “ഇതു അർ​ത്ഥ​ഗർ​ഭ​മായ പ്ര​സ്താ​വ​ന​യാ​ണെ​ന്നു പറ​യേ​ണ്ട​തി​ല്ല​ല്ലോ” എന്ന വാ​ക്യം തീരെ നി​രർ​ത്ഥ​കം തന്നെ​യാ​ണു്. ‘പറ​യേ​ണ്ട​തി​ല്ല’ എന്നി​രു​ന്നാൽ, പറകയേ വേ​ണ്ടാ​യി​രു​ന്നു. അഥവാ അർ​ത്ഥ​ഗർ​ഭ​മായ പ്ര​സ്താ​വ​ന​യാ​ണു് എന്ന ഒരു വസ്തു​ത​യെ വാ​യ​ന​ക്കാ​രെ ധരി​പ്പി​ക്കേ​ണ​മെ​ന്നു മാ​ത്ര​മേ ഉദ്ദേ​ശ​മു​ള്ളു എങ്കിൽ, ‘എന്നു പറ​യേ​ണ്ട​തി​ല്ല​ല്ലോ’ എന്ന പദ​ങ്ങൾ​ക്കു ഒരർ​ത്ഥ​വും ഇല്ല. ഈ വാ​ക്യം​കൊ​ണ്ടു മുൻ​വാ​ക്യ​ത്തിൽ പറഞ്ഞ അഭി​പ്രാ​യ​ത്തെ വഴിയേ പ്ര​കാ​ശി​പ്പി​ക്കു​ന്നു​ണ്ടെ​ന്നു വാ​യ​ന​ക്കാ​ര​ന്റെ ശ്ര​ദ്ധ​യെ ആകർ​ഷി​ച്ചി​രി​ക്ക​യാ​ണെ​ങ്കിൽ, അതി​ലേ​ക്കും ഈ വാ​ക്യം കൂ​ടാ​തെ കഴി​ക്കാ​വു​ന്ന​താ​ണു്: അഭി​പ്രാ​യ​പ്ര​കാ​ശ​ക​മായ വി​വ​ര​ണം മു​റ​യ്ക്കു ചെ​യ്തു​കൊ​ണ്ടാൽ മതി​യാ​കും. എന്നാൽ, അടു​ത്ത വാ​ക്യ​ങ്ങൾ ഈ അഭി​പ്രാ​യ​ത്തെ പ്ര​കാ​ശി​പ്പി​ക്കു​ന്നി​ല്ല: നേ​രെ​മ​റി​ച്ചു, മങ്ങി​ക്കു​ന്ന​തേ ഉള്ളൂ. എന്തു​കൊ​ണ്ടാ​ണു് കൃ​ഷി​കാ​ര്യ​ത്തിൽ കൂ​ടു​തൽ ധന​വ്യ​യം ചെ​യ്യേ​ണ്ട​തു് എന്നു അടു​ത്ത വാ​ക്യ​ങ്ങൾ വ്യ​ക്ത​മാ​യി പറ​യു​ന്നി​ല്ല. “ആശാ​സ്യ​ങ്ങ​ളായ പല സം​ഗ​തി​ക​ളും ഇതേ​വ​രെ ആരം​ഭി​ക്ക​പ്പെ​ട്ടി​ട്ടു പോ​ലു​മി​ല്ല” എന്നു മാ​ത്ര​മേ പറ​യു​ന്നു​ള്ളു. ഈ ഒടു​വിൽ ചേർ​ത്ത വാ​ക്യം​കൊ​ണ്ടു, ആ “പല സം​ഗ​തി​കൾ അതി​ന്റെ പി​ന്നാ​ലെ വരു​ന്ന വാ​ക്യ​ങ്ങ​ളെ വി​വ​രി​ക്കു​വാൻ പോ​വു​ന്നു​ണ്ടെ​ന്നു ഒരു പ്ര​തീ​ക്ഷ​യ്ക്കു ഇട​യു​ണ്ടാ​കു​ന്നു. എന്നാൽ അതും വ്യ​ക്ത​മാ​യി വി​വ​രി​ക്കു​ന്നി​ല്ല: പ്ര​സം​ഗ​ത്തി​ലെ മറ്റു അഭി​പ്രാ​യ​ങ്ങ​ളെ ഉദ്ധ​രി​ക്കു​ന്ന​തേ ഉള്ളു. പി​ന്നെ​യും “ആശാ​സ്യ​ങ്ങ​ളായ” പല സം​ഗ​തി​കൾ എന്നാൽ, എന്തർ​ത്ഥ​മാ​ണു് വി​വ​ക്ഷി​ക്കു​ന്ന​തു്? “പല​വി​ധ​പ​രി​ശ്ര​മ​ങ്ങ​ളും ചെ​യ്തു​വ​രു​ന്നു​ണ്ടു്”, “എങ്കി​ലും ആശാ​സ്യ​ങ്ങ​ളായ പല സം​ഗ​തി​ക​ളും ഇതേ​വ​രെ ആരം​ഭി​ക്ക​പ്പെ​ട്ടി​ട്ടു​പോ​ലു​മി​ല്ല” എന്നു പറ​യു​മ്പോൾ, പരി​ശ്ര​മ​ങ്ങ​ളെ​യും ആശാ​സ്യ​ങ്ങ​ളായ സം​ഗ​തി​ക​ളേ​യും, പര​സ്പ​രം നി​വാ​ര​ക​ങ്ങ​ളാ​ക്കി​ക്കാ​ണി​ക്കു​ന്നു; ഇപ്പോ​ഴ​ത്തെ പരി​ശ്ര​മ​ങ്ങൾ ആശാ​സ്യ​ങ്ങ​ള​ല്ല എന്നു അർ​ത്ഥം ദ്യോ​തി​ക്കു​ക​യും ചെ​യ്യും. ഇനി, ആശാ​സ്യ​ങ്ങ​ളായ പല സം​ഗ​തി​കൾ ആരം​ഭി​ക്ക​പ്പെ​ട്ടി​ട്ടി​ല്ലെ​ന്നു​ള്ള​തു വസ്തു​ത​യാ​ണെ​ങ്കിൽ, അതിനെ വാ​സ്ത​വ​മെ​ന്നു് വി​ശേ​ഷി​പ്പി​ക്കേ​ണ്ട ആവ​ശ്യ​മി​ല്ല; അതു കൂ​ടാ​തെ​യും ആശാ​സ്യ​മാ​യു​ള്ള​തു് ആരം​ഭി​ക്കാ​തെ​യി​രി​ക്കു​ന്ന അവസ്ഥ അവ​ശ്യം ശോ​ച​നീ​യ​മാ​ക​യാൽ, അതിനെ ശോ​ച​നീ​യം ആണെ​ന്നും വി​ശേ​ഷി​പ്പി​ക്കേ​ണ്ട വി​ശേ​ഷാ​വ​ശ്യ​മി​ല്ല. “ഇന്ത്യൻ മണ്ണി​ന്റെ സ്വ​ഭാ​വം ഇതര രാ​ജ്യ​ങ്ങ​ളി​ലു​ള്ള മണ്ണി​നെ അപേ​ക്ഷി​ച്ചു് ഒരു പ്ര​ത്യേക രീ​തി​യി​ലു​ള്ള​താ”ണു് എന്ന വാ​ച​ക​ത്തിൽ, ഇത​ര​രാ​ജ്യ​ങ്ങ​ളി​ലു​ള്ള മണ്ണി​നെ അപേ​ക്ഷി​ച്ചു് എന്ന പദ​ങ്ങൾ നി​രർ​ത്ഥ​ക​ങ്ങൾ തന്നെ. ‘പ്ര​ത്യേ​ക​രീ​തി’ എന്നു പറ​യു​മ്പോൾ, ഇത​ര​വ​സ്തു​ക്ക​ളെ ത്യ​ജി​ച്ചി​രി​ക്കു​ന്ന​താ​യി അർ​ത്ഥ​മാ​കു​ന്നു. പി​ന്നെ​യും, ‘അപേ​ക്ഷി​ക്കുക’ എന്ന പദം താ​ര​ത​മ്യ​ത്തേ​യോ തു​ല​ന​ത്തേ​യോ അർ​ത്ഥ​മാ​ക്കു​മ്പോ​ഴാ​ണു് ഉപ​യോ​ഗി​ക്കേ​ണ്ട​തു്; ഇവിടെ താ​ര​ത​മ്യ​പ്പെ​ടു​ത്തു​ന്നു​മി​ല്ല. തുലനം ചെ​യ്യു​ന്നു​മി​ല്ല. “നവീ​ന​കൃ​ഷി​സ​മ്പ്ര​ദാ​യ​ങ്ങ​ളെ പരീ​ക്ഷി​ച്ച​റി​യു​ക​യാ​ണു് ആദ്യ​മാ​യി വേ​ണ്ട​തു്” എന്നേ​ട​ത്തു്, ‘പരീ​ക്ഷി​ക്ക’യല്ലാ ഉചി​ത​മായ പദം, ശാ​സ്ത്ര​ജ്ഞാ​ന​സി​ദ്ധി​ക്കു പ്രേ​ക്ഷ​ണം, പ്ര​യോ​ഗം എന്ന രണ്ടു ഉപാ​യ​ങ്ങൾ ഉള്ള​വ​യിൽ, പ്രേ​ക്ഷ​ണം തന്നെ​യാ​ണു് പരീ​ക്ഷ​ണം; സമ്പ്ര​ദാ​യ​ങ്ങ​ളെ പ്ര​യോ​ഗി​ച്ച​റി​ക​യാ​ണു് ഇവിടെ ഉദ്ദേ​ശ​മാ​യി​രി​ക്കു​ന്ന​തു്. “പ്ര​സ്തുത പ്ര​സം​ഗ​മ​ധ്യേ സർ ജാർജ് ക്ലാർ​ക്ക് പ്ര​സ്താ​വി​ച്ചു​കാ​ണു​ന്ന​തു് ശ്ര​ദ്ധാർ​ഹ​മായ ഒരു സം​ഗ​തി​യാ​ണു്”—ശ്ര​ദ്ധാർ​ഹ​മായ സംഗതി ഏതാ​ണു്? പ്ര​സ്താ​വി​ച്ചു​കാ​ണു​ന്ന​തോ? സർ ജാർജ് ക്ലാർ​ക്കി​ന്റെ അഭി​പ്രാ​യ​ങ്ങ​ളോ? അദ്ദേ​ഹം ‘പ്ര​സ്തു​ത​പ്ര​സം​ഗ​മ​ധ്യേ’യാണു് പ്ര​സ്താ​വി​ച്ച​തെ​ന്നു, ഈ പത്രാ​ധി​പ​ക്കു​റി​പ്പി​ന്റെ പ്രാ​രം​ഭ​ത്തിൽ പ്ര​സം​ഗ​വി​ഷ​യ​ത്തെ പു​ര​സ്ക​രി​ച്ചി​രി​ക്ക​യാൽ​ത​ന്നെ സ്പ​ഷ്ട​മാ​യി​രി​ക്ക​കൊ​ണ്ടു, ഈ പദ​ങ്ങൾ നി​രർ​ത്ഥ​ക​ങ്ങൾ തന്നെ​യാ​ണു്. പി​ന്നെ​യും പ്ര​സം​ഗം സർ ജാർജ് ക്ലാർ​ക്കി​ന്റേ​താ​ണെ​ന്നും മു​മ്പു പ്ര​സ്താ​വി​ച്ചി​ട്ടു​ള്ള സ്ഥി​തി​ക്കു, അദ്ദേ​ഹ​ത്തി​ന്റെ നാമം ആവർ​ത്തി​ക്കാ​തെ കഴി​ക്കാം; നിർ​ബ​ന്ധ​മാ​ണെ​ങ്കിൽ, ‘അദ്ദേ​ഹം’ എന്ന ഒരു പദം പ്ര​യോ​ഗി​ച്ചു്, ആ വഴി​ക്കു്, ‘…വേ​ണ്ട​തെ​ന്നും’, ‘ആണെ​ന്നും’ എന്ന അഭി​പ്ര​യ​ങ്ങ​ളു​ടെ ചു​മ​ത​ല​ക്കാ​ര​നാ​രെ​ന്ന സം​ശ​യ​ത്തേ​യും നി​വാ​ര​ണം ചെ​യ്യാം. ‘പരീ​ക്ഷ​ണ​ങ്ങൾ കാ​ണി​ച്ചു​കൊ​ടു​ക്കു​ന്ന​തി​നു’ എന്ന​തു മൂ​ല​ത്തിൽ ഇല്ലാ​ത്ത​താ​ണു്; ‘പരീ​ക്ഷ​ണ​ങ്ങ​ളെ കാ​ണി​ക്കുക; അസം​ബ​ന്ധ​വു​മാ​ണു്. ‘നവീ​ന​സ​മ്പ്ര​ദാ​യ​ങ്ങൾ മന​സ്സി​ലാ​ക്കി​ക്കൊ​ടു​ക്കു​വാൻ’ അല്ലാ, നവീ​ന​ത​ത്വ​ങ്ങൾ ഉപ​ദേ​ശി​പ്പാ​നാ​ണു് പ്ര​സം​ഗ​കർ​ത്താ​വു പറ​ഞ്ഞി​ട്ടു​ള്ള​തും, “അവരെ ജാ​ഗ​രൂ​ക​ന്മാ​രാ​ക്കു​ന്ന​തി​നും” ഏതു കാ​ര്യ​ത്തിൽ ജാ​ഗ​രൂ​ക​ന്മാ​രാ​ക്കു​ന്ന​തി​നു്? പ്ര​സം​ഗ​കർ​ത്താ​വു പറ​യു​ന്ന​തു്, കൃ​ഷി​വി​ഷ​യ​സം​ബ​ന്ധ​മായ പുതിയ തത്വ​ങ്ങ​ളിൽ അവർ​ക്കു താ​ല്പ​ര്യം ജനി​പ്പി​ക്കേ​ണ​മെ​ന്നാ​ണു്. ഒരുവൻ വൃഥാ ഉണർ​ന്നി​രി​ക്കു​ന്ന​തും അവ​ന്റെ മന​സ്സി​നു് ഒരു വി​ഷ​യ​ത്തിൽ താ​ല്പ​ര്യം വരു​ത്തു​ന്ന​തും തമ്മിൽ വ്യ​ത്യാ​സ​പ്പെ​ട്ട ക്രി​യ​ക​ള​ല്ല​യോ? “എന്നു മഹാ​നായ പ്ര​സ്തുത പ്രാ​സം​ഗി​കൻ അഭി​പ്രാ​യ​പ്പെ​ട്ടു കാ​ണു​ന്ന​തു് കൃ​ഷി​പ​രി​ഷ്ക്കാ​ര​വി​ഷ​യ​ത്തിൽ ഒരു പ്ര​ധാ​ന​പ്പെ​ട്ട സം​ഗ​തി​യാ​ണി​ന്നു​ള്ള​തി​നു സം​ശ​യ​മി​ല്ല” എന്ന വാ​ക്യ​ത്തി​നു വി​ശേ​ഷ​മായ അർ​ത്ഥ​മൊ​ന്നു​മി​ല്ല: ഈ പദ​ങ്ങ​ളൊ​ക്കെ, കു​റ്റം ചെ​യ്യാ​ത്ത​വ​നെ പി​ടി​ച്ചു വി​ല​ങ്ങി​ട്ടു മണ്ണു ചു​മ​പ്പി​ക്കു​ന്ന സമ്പ്ര​ദാ​യ​ത്തിൽ, വാ​യ​ന​ക്കാ​ര​ന്റെ തല​ച്ചോ​റി​നെ​ക്കൊ​ണ്ടു മണ്ണു ചു​മ​പ്പി​ക്കു​ന്നു എന്നു​വേ​ണം പറവാൻ. ‘നാ​ട്ടു​പു​റ​ങ്ങ​ളിൽ പ്രാ​ഥ​മി​ക​കൃ​ഷി​പാ​ഠ​ശാ​ല​കൾ’ സ്ഥാ​പി​ക്ക​ണ​മെ​ന്ന​ല്ലേ പ്ര​സം​ഗ​ത്തിൽ പറ​യു​ന്ന​തു്; കൃ​ഷി​ശാ​സ്ത്ര​ത്തി​ലെ ആദി​മ​പാ​ഠ​ങ്ങ​ളെ പഠി​പ്പി​ക്ക​ണ​മെ​ന്നു​മ​ല്ല. കൃ​ഷി​പ്ര​വൃ​ത്തി നട​ത്തു​ന്ന​തു​സം​ബ​ന്ധി​ച്ച മൂ​ല​ത​ത്വ​ങ്ങ​ളെ പഠി​പ്പി​പ്പാൻ ഗ്രാ​മ​ദേ​ശ​ങ്ങ​ളിൽ വി​ദ്യാ​ശാ​ല​കൾ ഏർ​പ്പെ​ടു​ത്തേ​ണ​മെ​ന്നു് പറ​ഞ്ഞി​രി​ക്കു​ന്ന​തി​ന്റെ അർ​ത്ഥം, ഗ്രാ​മ​വി​ദ്യാ​ശാ​ല​ക​ളി​ലെ വി​ദ്യാർ​ത്ഥി​ക​ളെ കൃ​ഷി​പ്ര​വൃ​ത്തി​യിൽ ശീ​ലി​പ്പി​ക്ക​ണ​മെ​ന്നാ​ണു്; ‘ശാ​സ്ത്ര​പാ​ഠ​ങ്ങൾ’ ഉരു​വി​ടു​ന്ന​തി​നു ഗ്രാ​മ​ദേ​ശ​ങ്ങ​ളിൽ തന്നെ​വേ​ണം വി​ദ്യാ​ശാ​ല​കൾ സ്ഥാ​പി​പ്പാൻ, എന്നു നിർ​ബ​ന്ധ​മി​ല്ല​ല്ലോ. ‘തി​രു​വി​താം​കൂ​റിൽ’ എന്നു തു​ട​ങ്ങിയ വാ​ക്യ​ങ്ങൾ, ഈ പത്രാ​ധി​പ​ക്കു​റി​പ്പി​ന്റെ മു​ഖ്യ​വി​ഷ​യ​ത്തി​ലാ​വ​ശ്യ​പ്പെ​ടാ​തെ ‘മു​റി​ഞ്ഞു​തൂ​ങ്ങു​ന്ന വാലു’പോലെ പി​റ​കിൽ കി​ട​ന്നി​ഴ​യു​ന്നു. ‘ഈ തരം’ എന്നു പറ​ക​യാൽ, ‘പ്രാ​ഥ​മിക’ ശബ്ദം ആവ​ശ്യ​മ​ല്ല. ‘ധരി​പ്പി​ക്കുക’ എന്ന​തി​ന്റെ ഉദ്ദേ​ശ്യം ‘ബോ​ധി​പ്പി​ച്ചു’ എന്നാ​ണെ​ന്നു തോ​ന്നു​ന്നു. അതി​ന്നു ‘ഉണർ​ത്തി’ എന്നോ ‘ബോ​ധി​പ്പി​ച്ചു’ എന്നോ പറ​ക​യാ​ണു ഉചിതം; ഇതാ​യാ​ലേ, സ്വീ​ക​രി​ക്കാ​തി​രു​ന്നു എന്ന​തി​നു ചേർ​ച്ച​യാ​യി​രി​ക്കൂ. ‘ധരി​പ്പി​ക്കുക’യ്ക്കു കുറെ അധികം സ്ഥാ​യി​ത്വം ഉണ്ടു്; ഇതു സ്വീ​ക​ര​ണ​ത്തി​ന്റെ അടു​ക്ക​ലെ​ത്തു​ക​യും ചെ​യ്യും. വി​ശേ​ഷി​ച്ചും ഡയ​റ​ക്ടർ ധരി​പ്പി​ക്കു​ക​യ​ല്ലാ ചെ​യ്ത​തു്. ‘ശി​പാർശ’ ചെ​യ്ക​യാ​യി​രു​ന്നു. എന്നു അടു​ത്ത വാ​ക്യ​ത്തി​ലും പറ​യു​ന്നു. സ്വീ​ക​രി​ച്ചു പ്ര​വർ​ത്തി​ച്ചി​രു​ന്നു എങ്കിൽ അതു പ്ര​യോ​ജ​ന​ക​രം ആയി​രി​ക്കു​മാ​യി​രു​ന്നു’ എന്നു പറവാൻ ഇവിടെ എന്തു ന്യാ​യ​ങ്ങ​ളാ​ണു കണ്ടി​ട്ടു​ള്ള​തു്? സർ ജാർജ് ക്ലാർ​ക്കി​ന്റെ പ്ര​സം​ഗ​ത്തി​നു പ്ര​യോ​ജ​ന​ക​ര​മാ​യി​രി​ക്കു​മാ​യി​രു​ന്നു. എന്നോ? കൃ​ഷി​ക്കാർ​ക്കു പ്ര​യോ​ജ​ന​ക​ര​മാ​യി​രി​ക്കു​മാ​യി​രു​ന്നു എന്നാ​ണെ​ങ്കിൽ എന്തി​നു പ്ര​യോ​ജ​ന​ക​രം? ഈ വാ​ക്യം വെറും ‘പാ​യ്യാ​രം’ ആകു​ന്നു എന്നും. ഇതും വൃഥാ സ്ഥൂ​ല​മൂ​ല​ക​വും വാ​യ​ന​ക്കാ​ര​ന്റെ തല​ച്ചോ​റി​നെ​ക്കൊ​ണ്ടു മണ്ണു ചു​മ​പ്പി​ക്കു​ന്ന​തും ആണെ​ന്നു പറയാം.

മേ​ല്പ​റ​ഞ്ഞ ആക്ഷേ​പ​ങ്ങൾ സാ​ധാ​രണ ആർ​ക്കും അല്പം ചി​ന്തി​ച്ചാൽ ബോ​ധ്യ​മാ​കു​ന്ന​വ​യാ​ണു്. ത്യാ​ജ്യ​ത്യാ​ഗം ചെ​യ്തും, അർ​ത്ഥ​ദോ​ഷ​ങ്ങ​ളെ നീ​ക്കി​യും, ശു​ദ്ധ​മാ​ക്കി എഴു​തു​ന്ന​താ​യാൽ, മേ​ല്പ​ടി പത്രാ​ധി​പ​ക്കു​റി​പ്പി​നെ, വാ​ക്യ​ങ്ങൾ​ക്കു ഏറെ​യൊ​ന്നും ഭേ​ദ​ഗ​തി​ചെ​യ്യാ​തെ, താഴെ കാ​ണി​ക്കും​പ്ര​കാ​രം സം​ക്ഷേ​പി​ക്കാം.

“പൂ​ന​യിൽ പു​തു​താ​യി സ്ഥാ​പി​ക്ക​പ്പെ​ട്ട കൃ​ഷി​ശാ​സ്ത്ര​കാ​ളേ​ജ് കെ​ട്ടി​ടം ഈ ജൂലൈ 18-നു ആദ്യ​മാ​യി തു​റ​ന്ന അവ​സ​ര​ത്തിൽ, ബാംബെ ഗവർണർ ബഹു​മാ​ന​പ്പെ​ട്ട സർ ജാർജ് ക്ലാർ​ക്ക് ചെ​യ്തി​രു​ന്ന പ്ര​സം​ഗം, ഇന്ത്യ​യി​ലെ കൃ​ഷി​പ​രി​ഷ്ക്കാ​ര​കാ​ര്യ​ത്തിൽ താ​ല്പ​ര്യ​മു​ള്ള​വർ അവ​ശ്യം അറി​ഞ്ഞി​രി​ക്കേ​ണ്ട​തായ അനേകം സം​ഗ​തി​കൾ അട​ങ്ങി​യ​താ​യി​രു​ന്നു. അദ്ദേ​ഹം ഒരു ഇന്ത്യൻ രാ​ജ്യ​കാ​ര്യ​പ​രാ​യ​ണ​നാ​യി​രു​ന്നി​രു​ന്നു എങ്കിൽ, കൃ​ഷി​പ​രി​ഷ്ക്കാ​ര​ത്തി​നും കൃ​ഷി​വി​ദ്യാ​ഭ്യാ​സ​പ്ര​ചാ​ര​ത്തി​നും കൂ​ടു​ത​ലാ​യി പണം ചെ​ല​വു​ചെ​യ്യാൻ ഗവൺ​മെ​ന്റി​നോ​ടു കാ​ലാ​കാ​ല​ഭേ​ദം വി​ചാ​രി​ക്കാ​തെ അല​ട്ടി​ക്കൊ​ണ്ടി​രി​ക്കു​മാ​യി​രു​ന്നു, എന്നു പ്ര​സ്താ​വി​ച്ചി​രി​ക്കു​ന്നു. കൃ​ഷി​പ​രി​ഷ്കാ​രാർ​ത്ഥം ഇന്ത്യ​യിൽ ഇപ്പോൾ പല​വി​ധം പരി​ശ്ര​മ​ങ്ങൾ ചെ​യ്തു​വ​രു​ന്നു​ണ്ടു്; എന്നാ​ലും, ഇനി​യും പല കാ​ര്യ​ങ്ങൾ അവ​ശ്യം നട​ത്തേ​ണ്ട​താ​യി​ട്ടു​ണ്ടു്. ഇതി​ലേ​ക്കു വേണ്ട വ്യ​വ​സ്ഥ​കൾ ചെ​യ്യു​വാ​നാ​ണു് ഗവൺ​മെ​ന്റ് കൂ​ടു​ത​ലാ​യി പണം ചെലവു ചെ​യ്യേ​ണ്ട​തു്. ഇന്ത്യ​യി​ലെ ഭൂ​സ്വ​ഭാ​വം ഒരു പ്ര​ത്യേക മാ​തി​രി​യി​ലു​ള്ള​താ​ക​യാൽ നവീന കൃ​ഷി​സ​മ്പ്ര​ദാ​യ​ങ്ങ​ളെ പ്ര​യോ​ഗി​ച്ച​റി​യേ​ണ്ടി​യി​രി​ക്കു​ന്നു എന്നും, ഇതി​ലേ​ക്കു രാ​ജ്യ​ത്തി​ന്റെ നാ​നാ​ഭാ​ഗ​ങ്ങ​ളി​ലും കൃ​ഷി​പ്ര​യോ​ഗ​ത്തോ​ട്ട​ങ്ങൾ സ്ഥാ​പി​ക്കേ​ണ്ട​താ​ണെ​ന്നും അദ്ദേ​ഹം അഭി​പ്രാ​യ​പ്പെ​ട്ടി​രി​ക്കു​ന്നു. നാ​ട്ടു​പു​റ​ങ്ങ​ളിൽ ചെ​ന്നു കൃ​ഷി​ക്കാർ​ക്കു പുതിയ തത്വ​ങ്ങ​ളെ ഉപ​ദേ​ശി​ക്കു​വാ​നും അവർ​ക്കു അതിൽ താ​ല്പ​ര്യം ജനി​പ്പി​ക്കു​വാ​നും ഇപ്പോ​ഴ​ത്തേ​തി​ലും അധികം കൃ​ഷി​വി​ഷയ പ്ര​സം​ഗ​കർ​ത്താ​ക്ക​ന്മാ​രെ നി​ശ്ച​യി​ക്കേ​ണ്ട​താ​ണെ​ന്നു അദ്ദേ​ഹം ഉപ​ദേ​ശി​ച്ചി​രി​ക്കു​ന്നു. ഗ്രാ​മ​ങ്ങൾ​തോ​റും കൃ​ഷി​പാ​ഠ​ശ​ല​കൾ സ്ഥാ​പി​ച്ചു് കൃ​ഷി​വി​ദ്യ അഭ്യ​സി​പ്പി​ക്കേ​ണ്ട ആവ​ശ്യ​ക​ത​യേ​യും അദ്ദേ​ഹം ചൂ​ണ്ടി​ക്കാ​ണി​ക്കുക ഉണ്ടാ​യി.” (തി​രു​വി​താം​കൂ​റി​ലും, ഇത്ത​രം പാ​ഠ​ശാ​ല​കൾ സ്ഥാ​പി​ക്കു​വാൻ കൃ​ഷി​ഡ​യ​റ​ക്ടർ ഇതി​ന്നു മു​മ്പു​ത​ന്നെ ഗവൺ​മെ​ണ്ടി​നോ​ടു ശി​പാർ​ശി​ചെ​യ്തി​രു​ന്ന​താ​യി ഞങ്ങൾ അറി​ഞ്ഞി​ട്ടു​ണ്ടു്; ശി​പാർ​ശി ഫലി​ച്ചി​ല്ല​ല്ലോ എന്നു ഞങ്ങൾ വ്യ​സ​നി​ക്കു​ന്നു.)

സം​ക്ഷേ​പി​ച്ചെ​ഴു​തി​യി​രി​ക്കു​ന്ന ഈ പത്രാ​ധി​പ​ക്കു​റി​പ്പിൽ, വാ​യ​ന​ക്കാർ​ക്കു സർ ജാർജ് ക്ലാർ​ക്കി​ന്റെ പ്ര​സം​ഗ​ത്തി​ലെ സാ​ര​ഭാ​ഗ​ത്തെ​പ്പ​റ്റി നൽ​കേ​ണ്ടിയ സം​ഗ​തി​ക​ളൊ​ക്കെ അട​ക്കീ​ട്ടു​ണ്ടു്. ഇതിൽ കഴി​യു​ന്ന​തും മുൻ​കാ​ണി​ച്ച കു​റി​പ്പി​ലെ വാ​ക്യ​ങ്ങ​ളെ തന്നെ ഉപ​യോ​ഗ​പ്പെ​ടു​ത്തീ​ട്ടു​മു​ണ്ടു്; ആ കു​റി​പ്പു് എഴു​തിയ ആൾ പ്ര​സം​ഗ​ത്തി​ലെ ഏതേതു സം​ഗ​തി​കൾ എടു​ത്തു​പ​റ​ഞ്ഞി​ട്ടു​ണ്ടോ അവയെ മാ​ത്ര​മേ പുതിയ കു​റി​പ്പിൽ ഉൾ​പ്പെ​ടു​ത്തീ​ട്ടു​ള്ളു. നി​രർ​ത്ഥ​ക​പ​ദ​ങ്ങ​ളേ​യും വി​വ​ക്ഷി​താർ​ത്ഥ​ത്തെ ദുർ​ഗ്ഗ​മ​മാ​ക്കി​യി​രി​ക്കു​ന്ന വാ​ച​ക​ങ്ങ​ളേ​യും വർ​ജ്ജി​ച്ച​തു​കൊ​ണ്ടു, വാ​യ​ന​ക്കാ​ര​ന്നു ഗ്ര​ഹി​ക്കേ​ണ്ട ഭാ​ഗ​ങ്ങ​ളൊ​ക്കെ കാടു വെ​ട്ടി​ത്തെ​ളി​ഞ്ഞു​കി​ട്ടു​ന്നു​ണ്ടെ​ന്നു വി​ശ്വ​സി​ക്കു​ന്നു. മേ​ല്പ​ടി കു​റി​പ്പിൽ തി​രു​വി​താം​കൂർ കാ​ര്യം ഉൾ​പ്പെ​ടു​ത്തേ​ണ്ട ഔചി​ത്യ​മു​ണ്ടെ​ന്നു വി​ചാ​രി​ക്കു​ന്നി​ല്ലാ​യ്ക​യാൽ, ആവക പ്ര​സ്താ​വ​ത്തെ ഒടു​വിൽ വല​യ​ങ്ങൾ​ക്കു​ള്ളി​ലാ​ക്കി​ത്ത​ള്ളി​യി​രി​ക്കു​ന്നു; ആവ​ശ്യ​മു​ണ്ടെ​ന്നു തോ​ന്നു​ന്ന​താ​യാൽ, വല​യ​ങ്ങ​ളെ നീ​ക്കി​ക്ക​ള​ക​യും ചെ​യ്യാ​മ​ല്ലോ. എന്നാ​ലും, പത്രാ​ധി​പ​ക്കു​റി​പ്പി​ന്റെ വിഷയം സർ ജാർജ് ക്ലാർ​ക്കി​ന്റെ കൃ​ഷി​ക്കാ​ര്യ​പ്ര​സം​ഗ​മാ​ക​യാൽ, അതി​നോ​ടു തി​രു​വി​താം​കൂർ കൃ​ഷി​ഡ​യ​റ​ക്ട​റു​ടെ ശി​പാർ​ശ​കൾ ഗവൺ​മെ​ണ്ടി​നാൽ നി​രാ​ക​രി​ക്ക​പ്പെ​ട്ടു എന്ന സം​ഗ​തി​യെ കൂ​ട്ടി​ക്കെ​ട്ടു​ന്ന​തു യു​ക്ത​മ​ല്ല.

മേ​ലെ​ഴു​തിയ പത്രാ​ധി​പ​ക്കു​റി​പ്പിൽ ആക്ഷേ​പി​ക്ക​പ്പെ​ട്ട ഒരു സംഗതി, അതിൽ അനാ​വ​ശ്യ​മാ​യി അനേകം പദ​ങ്ങ​ളും വാ​ച​ക​ങ്ങ​ളും കു​ത്തി​നി​റ​ച്ചു് വാ​യ​ന​ക്കാ​രു​ടെ ബു​ദ്ധി​യെ കു​ഴ​ക്കി​യി​രി​ക്കു​ന്നു എന്നു​ള്ള​താ​ണ​ല്ലോ. ലേ​ഖ​ന​മെ​ഴു​തു​ന്ന​വർ വി​ശേ​ഷി​ച്ചു ഓർ​ക്കേ​ണ്ട​കാ​ര്യ​മി​താ​ണു്: അർ​ത്ഥ​ത്തി​ന്നു ആവ​ശ്യ​മു​ള്ള​തി​ല​ധി​കം പദ​ങ്ങൾ കു​ത്തി​ച്ചെ​ലു​ത്ത​രു​തെ​ന്നു മാ​ത്രം. ഈ സമ്പ്ര​ദാ​യം, നമ്മു​ടെ ശരീ​ര​പോ​ഷ​ണ​ത്തി​ന്നു ആവ​ശ്യ​മായ ആഹാ​ര​പ​ദാർ​ത്ഥ​ങ്ങൾ​ക്കു പുറമെ, ചില ആളുകൾ താളും തക​ര​യും, ചക്ക​യും മാ​ങ്ങ​യും, ചേ​മ്പും കാ​ച്ചി​ലും ഒക്കെ അരി​ഞ്ഞു​കൂ​ട്ടി പു​ഴു​ങ്ങി വയറു നി​റ​യ്ക്കു​ന്ന​തി​ന്നൊ​പ്പം, അസ്വാ​സ്ഥ്യ​കാ​ര​ണ​മാ​കു​ന്നു. അനാ​വ​ശ്യ​പ​ദാർ​ത്ഥ​ങ്ങൾ ഭക്ഷി​ച്ചാൽ ഉദ​ര​വേ​ദ​ന​യും ചി​ല​പ്പോൾ വയ​റ്റി​ള​ക്ക​വും ഉണ്ടാ​കു​മെ​ങ്കിൽ, അനാ​വ​ശ്യ​പ​ദ​ങ്ങ​ളു​ടെ അർ​ത്ഥം വി​ചാ​രി​ച്ചു് വാ​യ​ന​ക്കാ​ര​ന്നു മനോ​വേ​ദ​ന​യും ചി​ല​പ്പോൾ ബു​ദ്ധി​യി​ള​ക്ക​വും ഉണ്ടാ​കു​മെ​ന്നു ധരി​ക്ക​ണം. പറ​യാ​നു​ള്ള​തു തെ​ളി​ച്ചു പറവാൻ കഴി​ക​യി​ല്ലെ​ങ്കിൽ പറ​യാ​തി​രി​ക്ക​യാ​ണു് ഉത്ത​മം. കു​റെ​യേ​റെ വാ​ക്കു​കൾ കൂ​ട്ടി​ക്കെ​ട്ടി​യ​തു​കൊ​ണ്ടു മാ​ത്രം അർ​ത്ഥ​മു​ണ്ടാ​ക​യി​ല്ല.

എന്നും, കവി​വ​ച​ന​ങ്ങൾ ഓർ​മ്മ​യി​ലി​രി​ക്ക​ട്ടെ.